Jue Mun 1:6 - NYANMIƐN NDƐ'N 1998

⁶ Anannganman nian sran ng'ɔ bu be sran kpa'n be atin nga be fa'n su. Klunwifuɛ'm be atin liɛ'n, ɔ fa be kɔ mlinlɛ nun.

Jue Mun 1:6 ပူးပေါင်းရင်းမြစ်များ

Zɔb I Nyrɛnnɛn Wunlɛ 23:10

Sanngɛ ɔ si min ajalɛ nga n tu'n. Sa nianlɛ ng'ɔ su sa min nian yɛ, n ´fin nun n ´fite sa cɛ kɛ b'a wla sika ɔkwlɛ sin nun b'a yi sa .

Jue Mun 112:10

Kɛ klunwifuɛ'n wun i sɔ'n, ya kun i, kɛ ɔ kɛkɛ i nuan bui'n sa, kpɛkuun i wun glɔ i. Sa nga klunwifuɛ'm be waan ɔ ´ju'n, ɔ kpɛn-man su le.

Jue Mun 142:3

N koko sa ng'ɔ o mín su'n n kle i. N fa nyrɛnnɛn ng'ɔ o mín su'n n sie i nyrun.

Jue Mun 142:4

Kɛ n wla'n ɔ bo min wun'n, Anannganman, a si atin nga n wo su'n. B'a sua mín bo aya atin nga m'an fa'n su.

Jue Mun 146:9

Anannganman nian aofuɛ'm bé su. Ɔ nian aika nin angboti bla'm be lika. Sanngɛ klunwifuɛ'm be like liɛ nga be sunnzun kɛ be ´yo'n, ɔ saci.

Jue Mun 9:6

A tu be bɔ be su-man wɔ'n be fɔ. A nunnun sa tɛ yofuɛ sɔ mun. A yo man be dunman'n ɔ mlin mlɔnmlɔnmlɔn.

Nyanndra Mun 14:12

Atin wie o lɛ, an wun i-ɔ ɔ waan ɔ ti kpa, sanngɛ i agualiɛ'n yɛlɛ wie.

Nyanndra Mun 15:9

Anannganman klo-man klunwifuɛ'm be nzuɛn'n. Be nga bɔ sa kpa'n yɛ be kunndɛ be yo'n, i klun jɔ bé wun.

Naɔm 1:7

Anannganman'n ti kpa. Awlaboɛ blɛ nun'n, i sin yɛ be fia-a. Be nga be fiɛ i fɔnvɔ'n bo'n, ɔ nian be lika .

Matthieu 7:13

«An `sin anuan fii'n nun, afin sɛ be sin anuan tɛtrɛ'n nun'n, be kpɛn atin dan'n bɔ i awieliɛ ti nyrɛnnɛn'n nun, yɛ be nga be fa atin sɔ'n su'n, be sɔnnin.

Jean 10:14

N liɛ'n, n ti bua tafuɛ kpa. Kɛ n Si si min bɔ n kusu n si i'n, i kunngba nin-ɔn, n si m bua mun yɛ be kusu be si min. Yɛ m bua'm be ti n fa min wun m man.

Jean 10:27

M bua'm be ti min nɛn, n si be, yɛ be su n su.

2 Timote 2:19

Sanngɛ Nyanmiɛn i sua'n i bo ase b'ɔ wlali'n ɔ jran kekle, be klɛli su kɛ: «E Min'n si be nga be ti i liɛ'n,» yɛ be klɛli su ekun kɛ: «Sran kwlaa nga i waan ɔ ti e Min'n i liɛ'n, man ɔ yaci sa tɛ yolɛ'n .»

2 Piɛr 2:12

Sanngɛ sran sɔ'm be yo sa kɛ blo nnɛn bɔ be wun-man sa wlɛ bɔ be wu be kɛ be tra be be kun be'n, be liɛ'n sa, yɛ like nga be wun-mɛn i wlɛ'n, be kɛn i ndɛ kɛ ɔ ti-man kpa. Be ´wu kɛ blo nnɛn'm be liɛ'n sa.

1 Samiɛl 2:9

Ɔ sasa be bɔ bé nyin yi i mun'n, sanngɛ sran tɛfuɛ'm be wu aosin nun. Afin kɛ a wun kɛ sran kun ´nyan kwlalɛ lɛ'n, wuun nɛ́n i bɔbɔ fanngan nun-ɔn.