Jue Mun 1:3 - NYANMIƐN NDƐ'N 1998

³ Ɔ ti kɛ waka b'ɔ o nzue ba nuan'n sa. Waka sɔ'n i sulɛ blɛ'n ɔ sɛn-mɛn i wun le, kusu i nnya'm be blo-man le. Like kwlaa nga i sɔ sran liɛ'n yo'n, san ɔ ´yo ye i sa nun .

Jue Mun 1:3 ပူးပေါင်းရင်းမြစ်များ

Bo Bolɛ 39:23

Bisua su kpɛnngbɛn'n ɔ bo-man wɛ nian-man junman ng'ɔ fa wlɛli i Zozɛf sa nun'n kun, yɛlɛ kɛ Anannganman nin Zozɛf be o nun, ɔ yo man like kwlaa ng'ɔ yo, ɔ yo ye.

Bo Bolɛ 39:3

Potifar wunnin kɛ Anannganman nin Zozɛf be o nun. Ɔ wunnin kɛ Zozɛf ti i sa nun ninnge'm be kwlaa be yo kpa kpan.

2 Famiɛn Mun 18:7

Anannganman kusu jrɛnnin i sin. Like ng'ɔ yoli be'n, be kwlaa be yoli ye i sa nun. Ɔ jasoli Asiri famiɛn'n i wun, ɔ'a su-mɛn i kun.

1 Be Nyoliɛ 22:11

Ɔ man mín wa, man Anannganman nin wɔ tran, man ɔ yo nan a kwla kplɛn i sua'n kɛ ɔ fa kɛnnin i kɛ a ´yo'n sa.

1 Be Nyoliɛ 22:13

Sɛ a fa mmla fanunfanun nga Anannganman fa wlali Moiz nuan kɛ ɔ fa man Izraɛlfuɛ mun be su'n, like nga bɔ a yo'n, ɔ ´yo ye. Jran kekle, yɛ tra wɔ anwlɛn, nán srɛ kun wɔ, nán ɔ klun titi wɔ.

2 Be Nyoliɛ 31:21

Ɔ siesieli Nyanmiɛn i sua'n i ye, ɔ suli sran'm be bo kɛ bé fa Nyanmiɛn i mmla fanunfanun'm be su. Kɛ ɔ ´yo sɔ'n, wuun i bɔbɔ ´miɛn i nyin kɛ ɔ ´mɛntɛn i Nyanmiɛn'n. Ɔ tuli i klun yoli ninnge ng'ɔ yoli be nin i anwlɛn'n kwlaa, yɛ Nyanmiɛn man ninnge sɔ'n be yoli kpa.

2 Be Nyoliɛ 32:23

I sin sran kpanngban kpa be bali Zerizalɛm. Like nga be fa man Nyanmiɛn'n, be fa blɛli i. Yɛ be cɛli Ezekias b'ɔ ti Zida famiɛn'n i ninnge mun. Kɛ ɔ fin lɛ'n, Ezekias nyannin kɔmin nvle-nvle'm be nunfuɛ'm be kwlaa bé nyrun.

Zɔb I Nyrɛnnɛn Wunlɛ 14:9

kɛ nzue'n kɛn i'n, a ´nian-an ɔ'a tinnge. A wun i sama mun sa-a, ɔ waan blɛ li yɛ ɔ su jaso su-ɔ.

Zɔb I Nyrɛnnɛn Wunlɛ 22:28

I liɛ'n, sa kwlaa nga a gugu kɛ a ´yo'n, ɔ ´yo ye. Atin nga a nanti su'n, ɔ ´yo weiin!

Jue Mun 128:2

Sɛ a yo sɔ'n, i liɛ'n junman nga a yo'n, a ´di i nuan like. A ´di alaje, ɔ ninnge mun'n, san kpa yɛ be ´yo-ɔ.

Jue Mun 129:8

Sran nga be ´sin'n be ´kɔ'n, be se-man kɛ: «Man Anannganman yo amun liɛ ye o. E ´yra amun nguan Anannganman i dunman nun!»

Jue Mun 92:14

Be ti kɛ waka bɔ b'a ta be Anannganman i awlo'n nun'n sa. Be nnyrɛ'n ɔ kpuke Nyanmiɛn i lika'n nun.

Jue Mun 92:15

Kannzɛ be ´yo kpɛnngbɛn o, be tɛ su mma, nzue tɛ o be nun, yɛ be tɛ yo mlanmlanmlan.

Ezai 27:11

Kɛ waka sama'm be wu kee'n, be bubu be nun, bla'm be fa yo yie be trɔ. Nanwlɛ nvle nga nunfuɛ'm be wun-man sa wlɛ mlɔnmlɔn. I sɔ'n ti be yifuɛ'n ɔ si-man be aunnvuɛ mlɔnmlɔn, sran ng'ɔ boli be jrali asiɛ'n su'n, be yo-mɛn i annvɔ mlɔnmlɔn.

Ezai 3:10

Amun `se kɛ: «Sran nga Nyanmiɛn bu i sran kpa'n, ɔ wo atin kpa'n su, i sa kpa ng'ɔ yo'n, ɔ ´nyɛn i nuan like.

Ezai 44:4

Sɛ be ti waka'n, wuun n ´se kɛ be ´fɛfɛ, yɛ be ´nyin ijre'm be afiɛn kɛ sol waka bɔ be o nzue ba'm bé nuan'n sa.

Ezai 58:11

Anannganman ɔ wa dun mmua amun nyrun tititi. Aawlɛ flɛnnɛn'n nun lika kee kpa nun bɔbɔ'n, ɔ ´man amun like amun ´di, amun ku ´yi, yɛ ɔ ´man amun wunmiɛn. Amun ´yo kɛ fie kun bɔ nzue tu-man su'n sa, amun `yo kɛ nzue ti kun bɔ nzue wie-man nun'n sa.

Zeremi 17:8

Ɔ ti kɛ waka wie b'ɔ jin nzue nuan'n sa, bɔ i olui'm be trɛ kɔ nzue ba'n nuan'n sa. Wia'n ´bo-ɔ, i ndɛ nun-man nun. I nnya'n blo-man le. Afuɛ nga nzue'n ɔ'a tɔ-man-an, ɔ ti-mɛn i ndɛ mlɔnmlɔn. Ɔ yaci-man mma sulɛ le.

Ezekiɛl 17:8

I kusuman, asiɛ kpa nun yɛ be tɛli i-ɔ, be tɛli i nzue dan kun nuan, i sɔ'n ti, ɔ nyrɛn yɛ ɔ fɛfɛ titi, ɔ suli mma yɛ ɔ yoli dan.›

Ezekiɛl 19:10

«Laa, amún nin ti kɛ vinyi waka bɔ be tɛli i nzue ba nuan'n sa. Ɔ suli mma kaka yɛ ɔ nyannin nnya kpanngban nzue b'ɔ nyɛn i ti .

Ezekiɛl 31:5

I sɔ'n ti yɛ ɔ nyinnin bɔ i ti tra bo nun lɔ waka'm be kwlaa nin-ɔn. I sama'm be wa yoli kaka nzue b'ɔ nyrɛn i bo'n ti.

Ezekiɛl 47:12

Nzue'n i bue nnyɔn'm be su'n, waka nga be su mma'm be ´fifi. Be nnya'n su wu-man kee le, yɛ be mma su wie-man su le. Anglo kwlaa nun be ´su mma uflɛ yɛlɛ kɛ bé bo nzue'n ɔ fin Nyanmiɛn lika'n nun. Yɛ i mma'm be ´kaci aliɛ, yɛ i nnya'm be ´kaci ayre .»

Kalɛ 24:6

Ɔ waan nzue wie yɛ ɔ su sonji kɔ-ɔ. Be ti kɛ fie b'ɔ o nzue ba nuan'n sa. Be ti kɛ waka bɔ be flɛ i aloɛs bɔ ɔ waan Anannganman yɛ ɔ tali'n sa. Be ti kɛ sɛdri waka bɔ ɔ waan Anannganman tali'n be nzue nuan'n sa.

Matthieu 13:6

Sanngɛ kɛ wia'n ´bo'n, ɔ wɔnsɔnnin, ɔ wuli, ndin bɔ ɔ'a nyɛn-mɛn i wlawlɛ kpa'n ti.

Matthieu 21:19

Ɔ wunnin figie bo kun atin'n nun, ɔ ɔli i bo lɔ, ɔ'a wun-man mma su, san nnya yɛ ɔ o su-ɔ. Yɛ ɔ seli kɛ: «Ɔ waka nga, a su su-man kun le! Kpɛkuun figie sɔ'n wuli kee be osu kunngba'n nun lɛ.»

Matthieu 21:34

Kɛ vinyi i mma'n i tilɛ mantannin'n, ɔ sunmɛnnin i sran mun vinyi fie'n i sunianfuɛ'm bé sin kɛ be ko fɛ i liɛ blɛ i.

Matthieu 21:41

Be waan: «Ɔ ´kun sran tɛtɛ sɔ mun nyrɛnnɛnnɛnnɛn, ɔ ´fa fie'n wla sran uflɛ'm bé sa nun, i liɛ'n, vinyi mma'n i tilɛ blɛ nun'n, ɔ ´nyan su like .»

Jean 15:6

Sran ng'ɔ nin min a yo kun'n, sɛ ɔ nin min a tran-man sɔ titi'n, ɔ ti kɛ waka sama b'ɔ tɛ-mɛn i bo su'n sa, be ´kpɛ yi. Ɔ wu, be isa guɛ i sin nun, ɔ yra.

Mmla'n 28:8

Anannganman amun Nyanmiɛn'n ɔ ´nian amun tanngannin'm bé nun ninnge'm be su. Yɛ kusu like kwlaa nga amún yo'n, ɔ ´yo ye amun sa nun. Ɔ ´yo amun ye mɛn nga ɔ'a fa man amun'n nun.

Jude 1:12

Kɛ amun nin be yia aliɛ su'n, be saci amún wun, be di like'n lele, nyannzuɛn kun-man be. Be bu-man sran uflɛ akunndan, be bɔbɔ bé wun akunndan yɛ be bu-ɔ. Kɛ nzue'n mlan tuun'n, b'ɔ tɔ-man'n, bɔ aunngban'n fa kɔ'n, kɛ be ti sɔ-ɔ. Waka bɔ i sulɛ blɛ nun ɔ su-man'n, bɔ b'a tu i bo bɔ ɔ'a wu'n, kɛ be ti sɔ-ɔ.

Sa nglô yile 22:2

Ɔ la klɔ'n i gua'n i afiɛn. Waka b'ɔ man nguan'n be jinjin i bue nnyɔn'n su. Afuɛ kun nun be su kpɛ blu-nin-nnyɔn, anglo kwlaa be su. Be nnya'n yɛ man nvle-nvlefuɛ'm be yo juejue-ɔ .