Jue Mun 1:1 - NYANMIƐN NDƐ'N 1998

¹ Sran ng'ɔ tie-man be nga be bu-man Nyanmiɛn nin i nuan ndɛ'n be like fi'n be afɔtuɛ'n, b'ɔ fa-man sa tɛ yofuɛ'm be atin'n su'n, b'ɔ nin be bɔ be yo Nyanmiɛn i finfin'n be tran-man likawlɛ'n, i liɛ su ti ye!

Jue Mun 1:1 ပူးပေါင်းရင်းမြစ်များ

Bo Bolɛ 49:6

Akunndan tɛ nga be ´bu'n, nán e nin be yɛ e bu-ɔ. Be ´yia be anyia'n, nán e nin be yɛ e yia-a. Afin be ya falɛ nun be kunnin sran, be anwlɛn fufu'n ti be kpɛli nannin yasua'm bé ja sin ndin'm be nun.

Bo Bolɛ 5:24

Enɔk nin Nyanmiɛn be nantili klanman kpɛkuun b'a wun-mɛn i kun, afin Nyanmiɛn fɛli i .

1 Famiɛn Mun 16:31

Nɛbat i wa Zeroboam i sa tɛ b'ɔ yoli'n, i kunngba'n yɛ ɔ yoli-ɔ. Ɔ'a ka-man ng'ɔ o lɛ'n su, ɔ jali Ɛtbaal b'ɔ ti Sidɔnfuɛ'm be famiɛn'n i wa bla bɔ be flɛ i Zezabɛl'n, kpɛkuun ɔ ko kotoli Baal bo, yɛ ɔ sɔli i.

2 Be Nyoliɛ 22:3

Akazia fali atin kunngba nga Akab i awlo'n nunfuɛ'm be fali'n wie, afin i nin mɛn i afɔtuɛ tɛ.

Zɔb I Nyrɛnnɛn Wunlɛ 10:3

?I kpa'n, kɛ a kle min yalɛ'n, bɔ a yo min bɔ n ti ɔ́ sa nuan like'n min finfin'n, bɔ man sa nga sran nga be bu-man wɔ like fi'n be siesie'n i nuan yia'n, fɛ li yɛ ɔ yo wɔ-ɔ?

Zɔb I Nyrɛnnɛn Wunlɛ 21:16

Sɛ sran nga be bu-man Nyanmiɛn like fi'n be di ye'n, be waan ɔ fin be bɔbɔ. Be jajalɛ nun'n, be bu-man Nyanmiɛn i akunndan.

Zɔb I Nyrɛnnɛn Wunlɛ 31:5

Sɛ n di-man nanwlɛ mlɔnmlɔn, nan ndrunmun cɛ yɛ ɔ yo min fɛ yɛ n di'n,

Jue Mun 1:6

Anannganman nian sran ng'ɔ bu be sran kpa'n be atin nga be fa'n su. Klunwifuɛ'm be atin liɛ'n, ɔ fa be kɔ mlinlɛ nun.

Jue Mun 106:3

Be nga Anannganman i mmla'n su yɛ be nanti'n, bɔ be yo sa i nuan su titi'n, be liɛ su ti ye!

Jue Mun 112:1

An `manman Anannganman! Sran nga i nyin yi Anannganman'n, bɔ Anannganman i mmla'm be su falɛ'n ɔ yo i fɛ'n, i liɛ su ti ye!

Jue Mun 119:115

Klunwifuɛ mun, amun `jaso min nyrun lɛ, man n fa min Nyanmiɛn i mmla'm bé su.

Jue Mun 144:15

Nvlefuɛ nga be lɛ i sɔ like liɛ mun'n, be liɛ su ti ye! Nvlefuɛ nga Anannganman yɛ ɔ ti be Nyanmiɛn'n, be liɛ su ti ye!

Jue Mun 146:5

Sran nga bɔ Zakɔb i Nyanmiɛn'n yɛ ɔ ti i ukafuɛ'n, b'ɔ fɛ i wla gua Anannganman b'ɔ ti i Nyanmiɛn'n i su'n, i liɛ su ti ye!

Jue Mun 146:9

Anannganman nian aofuɛ'm bé su. Ɔ nian aika nin angboti bla'm be lika. Sanngɛ klunwifuɛ'm be like liɛ nga be sunnzun kɛ be ´yo'n, ɔ saci.

Jue Mun 2:12

Amun `koto i bo nan ɔ'a fa-man ya, nan atin nga amun fa su'n, amu'an mlin-man. Afin ɔ fa ya ndɛndɛ kpa. Sran ng'ɔ kunndɛ fiawlɛ i nun'n, i liɛ su ti ye!

Jue Mun 26:12

Atin nanwlɛ'n yɛ n fa-a, n to fuɛn-mɛn i. Anyia'm be nun'n, n ´la Anannganman i ase.

Jue Mun 34:8

Anannganman i anz'n ɔ bo sin yia be nga bé nyin yi i'n, yɛ ɔ yi be sa kekle'm be nun fite.

Jue Mun 36:4

Ato bualɛ'n nin sran'm be lakalɛ'n yɛ ɔ wo i nuan'n nun-ɔn. Ɔ bu-man sa kpa yolɛ'n i akunndan bɔ kaan sa.

Jue Mun 64:2

Ee Nyanmiɛn, tie min kplinlɛ bɔ n kplin'n. Sasa min nguan'n min kpɔfuɛ b'ɔ wlanwlan min'n ti.

Jue Mun 81:12

Sanngɛ min sran'm b'a ti-man min aniɛn, Izraɛlfuɛ'm be kacili be sin sili min.

Jue Mun 84:12

Afin Anannganman Nyanmiɛn ti kɛ wia sa, yɛ ɔ sasa e kɛ nyrɛn sa. Anannganman yo sran ye, yɛ ɔ yo man sran nyrun ba nyan. Be nga be nantilɛ'n ti sein'n, Anannganman man ninnge kpakpa'n kwlaa ti sin yia be.

Nyanndra Mun 1:15

Mín wa, atin nga be ´fɛ i lɛ'n, nán a nin be wɔ. Kaci ɔ́ sin si be.

Nyanndra Mun 1:22

«?Ɔo, sinnglinfuɛ mun, nan kɛ amún ti ´ka sinnzin'n nun sa bɔ tititi? ?Amun nga amun to sran mma'n, nan i su cɛ yɛ amun ´ka sa titi-ɔ? ?Amun bɔ amun wun-man sa wlɛ'n, amun kusu, nan kɛ an ´fa amún nyin ci ngwlɛlɛ'n sa?

Nyanndra Mun 13:15

Sran ng'ɔ si ngwlɛlɛ'n, be bu i sran. Klunwifuɛ'm be atin'n ɔ ti mlinlɛ atin.

Nyanndra Mun 13:20

Sran ng'ɔ fɛ i wun mantan ngwlɛlɛfuɛ'n, ɔ kaci ngwlɛlɛfuɛ. Sran nga kusu b'ɔ fɛ i wun mantan sinnglinfuɛ'n, ɔ kaci sinnglinfuɛ.

Nyanndra Mun 19:29

Be nga bɔ be nyinman-nyinman bé wun'n, ɔ ti kɛ be fa bé wun man kɛ be `tu be fɔ. Sinnglinfuɛ'm be kusu, be fa bé wun man kɛ be `bo be.

Nyanndra Mun 2:12

Ɔ man a su fa-man atin tɛ'n. A su su-man gblɛfuɛ'm be su.

Nyanndra Mun 3:34

Be nga bɔ sran yɛ be sri i'n, srilɛ yɛ Anannganman kusu sri be-ɔ. Sanngɛ anyinyiɛfuɛ mun'n, ye yɛ ɔ fa yo be-ɔ .

Nyanndra Mun 4:19

Klunwifuɛ'm be atin liɛ'n, aosin'n dun su tritritri. Like ng'ɔ ko yi be ase'n be wun-mɛn i.

Nyanndra Mun 9:12

Sɛ a si akunndan-an, ɔ ti ɔ bɔbɔ ɔ liɛ. Sɛ kusu a ti tutrefuɛ-ɔ, i su ndɛ ng'ɔ ba'n, ɔ ti ɔ kunngba cɛ ɔ ndɛ.

Zeremi 15:17

Kɛ sran'm be yia bɔ be ´srisri'n, n ko tran-man be nun n yiyi-man min nyin su. A tra min nun kekle ti man n trannin min ngunmin ya bɔ ɔ man ɔ kun-man min ngowa'n ti.

Zeremi 17:7

Sran nga i wla'n taka Anannganman'n su'n, bɔ Anannganman'n su yɛ ɔ lafi'n, i liɛ su ti ye!

Ezekiɛl 20:18

«N wlali be mma'm bé su nun kpa aawlɛ flɛnnɛn nun lɔ kɛ: Nán amun fa amún si'm bé nuan ndɛ liɛ'm be su, nán amun sɔ amuɛn fa yo amun wun fiɛn.

Matthieu 16:17

Jésus seli i kɛ: «Simɔn, Zonas wa, ɔ liɛ su ti ye, afin nán sran yɛ ɔ yili sa sɔ'n nglo kleli wɔ-ɔ, sanngɛ min Si b'ɔ wo nyanmiɛn su lɔ nin-ɔn.

JÉSUS-CHRIST I DYASIN FE'N BO LUC KLELI'N 11:28

Jésus a kplin-man su, nan ɔ'a se kɛ: «Se kɛ, sran ng'ɔ tie Nyanmiɛn ndɛ'n b'ɔ fa su'n, i liɛ su ti ye!»

Jean 13:17

Sɛ an si sa sɔ'n nan an fa su'n, amun liɛ su ti ye.

Jean 20:29

Yɛ Jésus seli i kɛ: «A wunnin min'n ti yɛ a lafili su-ɔ, sanngɛ be nga b'a wun-man min bɔ be lafili su'n, be liɛ su ti ye!»

Rɔmfuɛ Mun 5:2

I yɛ man e sili kɛ Nyanmiɛn yo e ye-ɔ, i su bɔ e lafi'n ti siɛn'n e su di ye sɔ'n. Anyrunnyan bɔ Nyanmiɛn waan ɔ ´man e bɔ é nyin wo i sin'n ti, é wun blibli ye.

Efɛzfuɛ Mun 6:13

I sɔ'n ti'n, an `fa Nyanmiɛn i alɛ ninnge'n kwlaa nan sɛ lika'n yo tɛ'n amu'an kwla kpli amún ti, yɛ kɛ an kwla be kwlaa'n, amun ´jran kekle.

Mmla'n 14:6

Amun `di nnɛn kwlaa nga bɔ i ja bui'n nun ti kpaciwa'n, kpɛkuun ɔ kpu like di'n.

Mmla'n 33:29

Izraɛlfuɛ mun amun liɛ su ti ye. ?Wan yɛ ɔ nin amun sɛ-ɔ? Amun ngunmin yɛ Anannganman deli amun-ɔn. Ɔ ti kɛ amun nyrɛn sa. Ɔ ti kɛ amun tokofi sa bɔ man amun nyan kwlalɛ-ɔ. Sɛ amun kpɔfuɛ'm be ba amun yaci selɛ'n, amun wa tia be amuɛn sɔwlɛ'm be su.»

1 Piɛr 4:3

Afin an yoli amun klun sa'n cɛli kɛ be nga be ti-man Kristfuɛ'n be yo'n sa. An boli wlaka, amún nyin bloli ninnge'm bé su, an nɔnnin nzan boli, an yoli sa finfin mun, an yia nɔnnin nzan lelele, yɛ an sɔli amuɛn.

Sa nglô yile 22:14

Be nga be kpuli be tralɛ'n, b'ɔ man be kwla di waka ng'ɔ man nguan'n i mma'n, bɔ be kwla sin klɔ'n i anuan nun'n, be liɛ su ti ye !