Jude 1:3 - NYANMIƐN NDƐ'N 1998

³ N sran kpa mun, kɛ n waan n ´klɛ ti nyanlɛ bɔ e nin amun e nyɛnnin i'n i ndɛ blɛ amun'n, n wunnin kɛ sɛ n klɛ amun fluwa nan n wla amun fanngan kɛ an jran Krist sulafilɛ ndɛ'n su'n, ɔ ti kpa. Nyanmiɛn man be kan ndɛ sɔ'n kleli i sran mun kpɛ kunngba cɛ.

Nyanmien nde Ufle

³ N swran kpa mun, ke n waan nh kleh ti nyanle bo é nin amun é nyenniin'n i nde ble amun'n, n wuun ke, se n kle amun fluwa nan n wla amun fanngan ke an dyran Christ sulafile nde'n su'n, o ti kpa. Nyanmien man bé kan nde so'n kléé i swran mun kpe kunngba tye.

Jude 1:3 ပူးပေါင်းရင်းမြစ်များ

Neemi 13:25

N ijɔli be nan m'an bo be sannzan. N boli sran sɔ'm be nun wie mun, n tutuli be timuɛn mun. N yoli man be tali Nyanmiɛn i nda be seli kɛ be fa-man bé wa bla be man-man aofuɛ'm bé wa yasua mun kun, be ja-man aofuɛ'm bé wa bla mun be man-man bé wa yasua mun kun, yɛ be bɔbɔ be ja-man aofuɛ'm bé wa bla mun kun.

Ezai 45:17

Sanngɛ Izraɛlfuɛ'm be liɛ'n, Anannganman yɛ ɔ de be-ɔ, be ´ka sɔ tititi. Be nyin su gua-man ase le, Be su wun-man nyannzuɛn le .

Ezai 45:22

Amun nga amun wo asiɛ'n i mmua lɔ'n, amun `kpɛ amún nyin mín wun wa, yɛ amun ´fite nun! Afin Nyanmiɛn'n yɛlɛ min, uflɛ fi nun-man lɛ kun.

Zeremi 9:3

«An `nian amún wun amun janvuɛ'm be lika. Nán an fa amún wla gua amun niaan'm be wie fi su. Aniaan'm be kwlaa be ti lakadi kɛ Zakɔb sa. Janvuɛ'm be kwlaa be ti sran suɛn tɔnfuɛ .

Sa nga bé yôli'n 17:3

ɔ tuli ndɛ sɔ'n i bo kleli be weiin, ɔ seli be kɛ Krist i nyrɛnnɛn wunlɛ'n nin i cɛnlɛ'n ɔ ti su. Yɛ ɔ seli be kɛ: «Jésus bɔ n kɛn i ndɛ kle amun'n, i yɛ ɔ ti Krist nin-ɔn.»

Sa nga bé yôli'n 18:28

afin ɔ kpalo Zuif'm be ndɛ'n yakpa su nzra nun, yɛ ɔ kan kle be weiin kɛ be klɛli i Nyanmiɛn Ndɛ'n nun kɛ Jésus yɛ ɔ ti Krist nin-ɔn.

Sa nga bé yôli'n 20:27

Afin n kannin Nyanmiɛn i klun sa'n kwlaa kleli amun, m'an fia-man wie fi su amún wun.

Sa nga bé yôli'n 28:28

I sɔ'n ti, man amun si kɛ Nyanmiɛn i sran'm bé delɛ ndɛ nga be fa mannin be bɔ be ti-man Zuif'n, be liɛ'n, be wa fa su .» [

Sa nga bé yôli'n 4:12

I kunngba cɛ yɛ ɔ kwla de sran-an yɛlɛ kɛ Nyanmiɛn a sie-man sran uflɛ fi mɛn'n nun wa bɔ i dunman nun e kwla fite nun-ɔn.»

Sa nga bé yôli'n 6:7

Nyanmiɛn ndɛ'n truli, yɛ Jésus sɔnnzɔnfuɛ'm be trɛli dan kpa Zerizalɛm lɔ. Nyanmiɛn nyrun jranfuɛ kpanngban kpa be fa ndɛ bɔ Kristfuɛ'm be fa su'n i su wie.

Sa nga bé yôli'n 9:13

Ananias seli kɛ: «Nannan, n tili tɛtɛ nga bian sɔ'n yoli ɔ sran mun Zerizalɛm lɔ'n i kwlaa. Sran sunman bé nuan nun yɛ n tili-ɔ.

Sa nga bé yôli'n 9:22

Sanngɛ ndɛ kanlɛ'n sili Sɔl wun, yɛ i ndɛ'n kwla Zuif nga be tran Damas lɔ'n be liɛ'n. Kɛ ɔ ´kan kɛ Jésus ti Krist'n, b'ɔ ´yiyi nun kle be'n, be lɛ-man ndɛ fi kɛn-mɛn i kun.

1 Korɛntfuɛ Mun 15:3

Sa nga be fa kleli min'n, bɔ n kusu n fa kleli amun'n ɔ ti cinnjin kpa. Be klɛli i Nyanmiɛn Ndɛ'n nun kɛ Krist ɔ wa wu sa tɛ bɔ e yoli'n ti, yɛ ɔ wuli .

Galasifuɛ Mun 2:5

Kɛ ɔ ko yo nan jasin fɛ'n b'ɔ ti nanwlɛ'n ɔ'a tran amun klun n ti'n, b'a nyan-man jranwlɛ bɔ kaan sa.

Galasifuɛ Mun 3:28

Ɔ man ɔ lɛ-man Zuif nin Grɛk, ɔ lɛ-man kanga nin diewa, ɔ lɛ-man yasua nin bla, afin amun kwlaa an ti kun sran wunmuan bɔ amun nin Krist-Jésus amu'an kaci'n ti.

Galasifuɛ Mun 6:11

An `nian, m bɔbɔ yɛ n fa min sa n klɛ ng'ɔ o yɛ fuɛ nin-ɔn. I sɔ'n ti, fluwa mma'm be ti dandan.

Efɛzfuɛ Mun 1:1

M Pɔl yɛ n klɛ fluwa nga blɛ amun bɔ an wo Efɛz lɔ mun-ɔn. Ɔ ti amun bɔ an ti Kristfuɛ bɔ amun nin Krist-Jésus amu'an kaci sran wunmuan'n bɔ amun nin i nanti kpa'n amun liɛ. Krist-Jésus sunmannin min yɛ n sunmanlɛ sɔ'n ti Nyanmiɛn klun su.

Mmla'n 21:9

I sɔ nun'n, wuun amun ´yo ng'ɔ ti sɛsɛ Anannganman nyrun'n, amun ´yi sran ng'ɔ kunnin sran nga ɔ'a yo-man sa'n, i fɔ'n amún su.

Mmla'n 9:10

Nan Anannganman ɔ'a fa yɛbuɛ paplaapla nnyɔn sɔ mun ɔ'a man min. I bɔbɔ fɛli i sama klɛli be su. Ndɛ nga ɔ jrannin sin nun kɛnnin i oka'n su lɔ'n i nun b'ɔ yiali amun'n, i kwlaa o yɛbuɛ sɔ'm be su.

Filipfuɛ Mun 1:1

M Pɔl, min nin Timote bɔ e ti Krist-Jésus i sran'n, e yɛ e klɛ fluwa nga blɛ amun kwlaa bɔ an ti Nyanmiɛn sran bɔ amun nin Krist-Jésus amu'an kaci sran wunmuan'n, nin asɔnun i sunianfuɛ mun, nin asɔnunfuɛ'm be lika nianfuɛ'm bɔ an wo Filip lɔ mun-ɔn.

Filipfuɛ Mun 1:27

Sa'n kwlaa nun'n, an `yo sa ng'ɔ nin Krist jasin fɛ'n ti kun'n nan sɛ m ba amún wun wunlɛ o, sɛ m ba-man o, m'an ti amun ngan kɛ amun kwlaa amún bo ti kun kpa amun jran kekle, yɛ amun akunndan'n ti kun, yɛ an mian amún nyin jasin fɛ'n bɔ an lafi su'n ti.

Kolɔsfuɛ Mun 1:2

e ´klɛ fluwa nga blɛ amun bɔ an ti Nyanmiɛn sran kpa bɔ an ti e niaan, sran wunmuan bɔ e nin Krist ti'n ti, bɔ an wo Kolɔs lɔ'n. Man e Si Nyanmiɛn man an nyan ye, yɛ man amún wun jɔ amun fɔuun!

1 Tɛsalonikfuɛ Mun 2:2

An si kɛ be kleli ye nyrɛnnɛn, be yoli ye finfin Filip lɔ. Kɛ e juli amun wun lɔ'n, e fɛli dan kpa ekun, sanngɛ Nyanmiɛn man e tra e anwlɛn e kɛnnin i jasin fɛ'n kleli amun.

1 Timote 1:18

Mín wa Timote, afɔtuɛ nga n ´fa man wɔ yɛ'n, ɔ nin ɔ́ wun ndɛ nga be bo su kleli min laa'n ɔ ti kun. Fa ndɛ sɔ'n, mian ɔ́ nyin yo sa ng'ɔ ti kpa'n

1 Timote 6:12

Mian ɔ́ nyin man sran'm be lafi Nyanmiɛn su kpa, afin sɛ a mian ɔ́ nyin sɔ'n, ɔ ti kpa. Anannganman nguan bɔ i ti yɛ Nyanmiɛn flɛli wɔ'n, bɔ i ti yɛ a kan Nyanmiɛn su bɔ a lafi'n i ndɛ fɛfɛ'n sran kpanngban be nyrun'n, trɛ i kekle.

2 Timote 1:13

Fa ndɛ nanwlɛ nga n kan kleli wɔ'n su, nian su yo, afin sran wunmuan bɔ e nin Krist-Jésus ti'n ti e lafi Nyanmiɛn su, yɛ e klo Nyanmiɛn nin sran.

Tite 1:4

Ɔ man n ´klɛ fluwa nga blɛ wɔ Tit bɔ a ti ń wa sakpa'n, yɛlɛ kɛ Nyanmiɛn kunngba'n su yɛ e nnyɔn'n e lafi-ɔ. Man e Si Nyanmiɛn nin e Defuɛ Krist-Jésus be man a nyan ye, yɛ man ɔ́ wun jɔ wɔ fɔuun !

Hébreu 13:22

Aniaan mun, n ´srɛ amun, an `fa afɔtuɛ nga m mannin amun yɛ'n su, afin ɔ ti-man ndɛ tɛnndɛn.

Hébreu 6:9

N sran kpa mun, kannzɛ e kan sɔ'n, e lafi su kɛ amún sa liɛ nga kɛ amun nyan amún ti'n an yo'n, ɔ ti kpa tra be nga'm be liɛ'n.

1 Piɛr 5:12

E niaan Silvɛn bɔ n wunnin kɛ e kwla fa é wla guɛ i su'n, i yɛ ɔ uka min e klɛli ndɛ kaan nga n klɛ blɛ amun yɛ nin-ɔn. Min waan n ´wla amun fanngan yɛ n ´kan kle amun kɛ ye nga Nyanmiɛn yo ye'n, i yɛ ɔ ti ye kpafuɛ nin-ɔn. I ti, an `jran kekle.

2 Piɛr 1:1

N Simɔn Piɛr bɔ n ti Jésus-Krist junman difuɛ'n, b'ɔ sunmannin min'n, n ´klɛ fluwa nga blɛ amun bɔ Nyanmiɛn man amun lafi i su kpa kɛ e sa'n. I sɔ'n fin e Defuɛ Jésus-Krist b'ɔ ti Nyanmiɛn'n, afin ɔ ti sran kpa.

2 Piɛr 2:21

Sɛ b'a wun-man atin ng'ɔ ti kpa'n, ɔ ti kpa tra kɛ be wunnin i bɔ be yaci Nyanmiɛn mmla'n b'ɔ fa mannin be'n.

Jude 1:1

Amun bɔ e Si Nyanmiɛn flɛli amun'n, b'ɔ klo amun titi'n, b'ɔ fa amun sieli Jésus-Krist'n, min Zid bɔ n ti Jésus-Krist i sran'n nin Zak niaan'n, n ´klɛ fluwa nga'n blɛ amun.

Jude 1:17

Sanngɛ n sran kpa mun, amun liɛ'n, an `bu ndɛ nga be nga e Min Jésus-Krist sunmannin be'n be kan kleli amun'n, i akunndan.

Jude 1:20

Sanngɛ n sran kpa mun, amun liɛ'n, Nyanmiɛn su bɔ an lafi kpa'n ti'n, an `jran kekle kɛ sua bɔ be wlɛli i bo ase kpa'n sa. Amun nin Nyanmiɛn `koko yalɛ titi i Wawɛ'n i fanngan nun.

Sa nglô yile 12:11

Bua Gbanflɛn'n i mmoja'n nin ndɛ nanwlɛ bɔ e niaan sɔ'm be kan'n ti be kwlɛli i, yɛ b'a bu-man be bɔbɔ bé wun like fi, i ti b'a sro-man wie'n.

Sa nglô yile 2:10

Nán srɛ kun amun nyrɛnnɛn nga an wa wun i'n ti. An `nian, mmusu'm bé si Satan'n ɔ wa wla amun nun wie'm be bisua, ɔ ´sa amun nian. Amun ´wun nyrɛnnɛn le blu. Sɛ kunlɛ bɔbɔ yɛ be ´kun amun'n, an `tra amun anwlɛn, yɛ like nga n ´fa yo amun mo'n yɛlɛ nguan'n, ɔ ti kɛ famiɛn kle sa .