Jude 1:17 - NYANMIƐN NDƐ'N 1998

¹⁷ Sanngɛ n sran kpa mun, amun liɛ'n, an `bu ndɛ nga be nga e Min Jésus-Krist sunmannin be'n be kan kleli amun'n, i akunndan.

Nyanmien nde Ufle

¹⁷ Sannge n swran kpa mun, amun lie'n, anh bu nde nga bé nga é Min Jésus-Christ sunmaan bé'n bé kan kléé amun'n i akunndan.

Jude 1:17 ပူးပေါင်းရင်းမြစ်များ

Sa nga bé yôli'n 20:35

N yoli i sɔ n fa kleli amun nan amun kusu an di junman sɔ, nan an uka be bɔ be lɛ-man wunmiɛn'n. An `bu e Min Jésus bɔbɔ i ndɛ b'ɔ kannin'n i akunndan, afin ɔ seli kɛ: ‹Sɛ a cɛ sran like'n, ɔ ti kpa tra kɛ be cɛ wɔ like'n.› »

Efɛzfuɛ Mun 2:20

An ti kɛ sua bɔ be fa tɛkɛ i bo nga be bɔ Jésus sunmannin be'n be nin Nyanmiɛn nuan ijɔfuɛ'm be wlɛli i ase'n i su'n sa, yɛ Jésus-Krist bɔbɔ yɛ ɔ ti yɛbuɛ kpa b'ɔ tra sua sɔ'n i cɔnjɔ'n i ase nin-ɔn.

Efɛzfuɛ Mun 4:11

Krist sieli sran wie mun kɛ ɔ ´sunman be, ɔ sie wie mun kɛ be `ijɔ i nuan, ɔ sie wie mun kɛ be `bo i jasin fɛ'n, ɔ sie wie mun kɛ be ´nian Kristfuɛ'm bɔ be ti i bua'm be lika yɛ ɔ sie wie mun kɛ be `kle be like.

Hébreu 2:3

wuun sɛ e kpa sa nga e yo-ɔ e ´nyan é ti'n su'n, e ´yo sɛ yɛ e ´fite nun-ɔn? E Min'n bɔbɔ dun mmua kannin é ti nyanlɛ sɔ'n i ndɛ, yɛ be ng'ɔ kannin bɔ be tili'n, be kan kleli ye weiin kɛ ɔ ti nanwlɛ.

2 Piɛr 3:2

An `bu ndɛ nga Nyanmiɛn nuan ijɔfuɛ'm be kan kleli amun laa'n, ɔ nin sa nga e Min b'ɔ ti e Defuɛ'n seli kɛ e `yo'n, bɔ be nga ɔ sunmannin be amún sin'n be kan kleli amun'n, i akunndan.

1 Jean 4:6

E liɛ'n, e ti Nyanmiɛn liɛ, ɔ man sran ng'ɔ si Nyanmiɛn'n, ɔ sie i su e ndɛ'n su, sanngɛ sran ng'ɔ ti-mɛn i liɛ'n, ɔ sie-mɛn i su e ndɛ'n su. I sɔ'n nun yɛ e ´si Nyanmiɛn Wawɛ'n i ndɛ'n b'ɔ ti nanwlɛ'n, ɔ nin ndɛ ng'ɔ ti-man nanwlɛ nin-ɔn.

Jude 1:3

N sran kpa mun, kɛ n waan n ´klɛ ti nyanlɛ bɔ e nin amun e nyɛnnin i'n i ndɛ blɛ amun'n, n wunnin kɛ sɛ n klɛ amun fluwa nan n wla amun fanngan kɛ an jran Krist sulafilɛ ndɛ'n su'n, ɔ ti kpa. Nyanmiɛn man be kan ndɛ sɔ'n kleli i sran mun kpɛ kunngba cɛ.