Jude 1:13 - NYANMIƐN NDƐ'N 1998

¹³ Be ti kɛ jenvie'n b'ɔ bo gbuugbuu'n sa, be nyannzuɛn sa nga be yo'n ti kɛ i nyin su nglo'n sa. Be ti kɛ nzraama b'ɔ tu kɔ'n sa, lika nga Nyanmiɛn fa sieli be kɛ be tran nun tititi'n, yɛlɛ aosin tritritri kpa'n.

Nyanmien nde Ufle

¹³ Bé ti ke dyénvié'n b'o bô gbuugbuu'n sa, bé nyannzuen sa nga bé yô'n ti ke i nyin su nglô'n sa. Bé ti ke nzraama b'o tu ko'n sa, lika nga Nyanmien fa siéé bé ke bé tran nun tititi'n, yele aôsin tritritri kpa'n.

Jude 1:13 ပူးပေါင်းရင်းမြစ်များ

Jue Mun 65:7

Ɔ fanngan nun yɛ man oka'm be taka lɛ-ɔ. A lɛ tinmin dan.

Ezai 57:20

Sanngɛ be nga be bu-man Nyanmiɛn nin i ndɛ'n be like fi'n, be ti kɛ jenvie'n bɔ aunngban'n keje i b'ɔ kwla jran-man diin, b'ɔ bo ninnge tɛtɛ'm kwlaa gua cenje'n su'n sa.

Filipfuɛ Mun 3:19

Be agualiɛ yɛlɛ be mlinlɛ, be Nyanmiɛn'n yɛlɛ be ku'n. Like nga sran yo-ɔ ɔ guɛ i nyin ase'n yɛ be fa di bé nuan-an. Mɛn'n nun ninnge'n yɛ ɔ lo be-ɔ.

2 Timote 3:13

Sanngɛ sran nga be klun yo wi bɔ be ti gblɛfuɛ'n, bé sa tɛ nga be yo'n i tɛ'n ɔ ´tra laa liɛ'n, be ´laka sran mun yɛ be ´laka be bɔbɔ bé wun.

2 Piɛr 2:17

Be ti kɛ nzue ti bɔ ɔ'a wu'n sa, be ti kɛ nyanmiɛn b'ɔ dun tuun'n bɔ aunngban'n tu i'n sa. Be lika nga Nyanmiɛn sieli be'n ti aosin kpa tritritri.

Jude 1:6

Yɛ n ´kan kle amun ekun kɛ anz nga b'a tran-man junman nga Nyanmiɛn sieli bé su i su'n, bɔ be yacili be lika'n, Nyanmiɛn ci be guali aosin tuun kpa'n nun, ɔ su nyannji-man be mlɔnmlɔn nan sɛ i jɔlɛ dilɛ cɛn dan'n ju-ɔ ɔ'a di be ndɛ'n.

Sa nglô yile 20:10

Mmusu'm be si Satan b'ɔ lakalaka be'n, be to i yili sin dan nin sufru nun. Nnɛn dan'n nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ'n, be dun mmua to be yili be lɔ. Be ´wun be nyrun wia nun nin kɔnguɛ tititi.

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»