Jude 1:12 - NYANMIƐN NDƐ'N 1998

¹² Kɛ amun nin be yia aliɛ su'n, be saci amún wun, be di like'n lele, nyannzuɛn kun-man be. Be bu-man sran uflɛ akunndan, be bɔbɔ bé wun akunndan yɛ be bu-ɔ. Kɛ nzue'n mlan tuun'n, b'ɔ tɔ-man'n, bɔ aunngban'n fa kɔ'n, kɛ be ti sɔ-ɔ. Waka bɔ i sulɛ blɛ nun ɔ su-man'n, bɔ b'a tu i bo bɔ ɔ'a wu'n, kɛ be ti sɔ-ɔ.

Nyanmien nde Ufle

¹² Ke amun nin bé yia alie'n su'n, bé satyi amun wun, bé di liké'n léle, nyannzuen ku'an bé. Bé bu'a swran ufle akunndan, bé bobo bé wun akunndan ye bé buo. Bé ti ke nyanmien'n b'o dun tuun, bo ke nzué'n toman'n, aunngban'n fe ko'n sa. Bé ti ke waka bo i sule ble nun o suman, bo ba tu i bô wa wu'n sa.

Jude 1:12 ပူးပေါင်းရင်းမြစ်များ

2 Be Nyoliɛ 7:20

n ´tu amun min mɛn nga n fa mannin amun'n nun, yɛ sua nga n fali min dunman n sieli su'n, n su bu-mɛn i like fi kun. Ɔ ´yo kɛ wannzo nin nyannzuɛn like sa nvle-nvle'm be nunfuɛ'm be kwlaa be nyrun .

Zɔb I Nyrɛnnɛn Wunlɛ 8:17

I bo olui'm be to blabla nun, yɛ be to blabla yɛbuɛ mun, be wlu yɛbuɛ sɔ'm be nun bɔbɔ.

Jue Mun 1:3

Ɔ ti kɛ waka b'ɔ o nzue ba nuan'n sa. Waka sɔ'n i sulɛ blɛ'n ɔ sɛn-mɛn i wun le, kusu i nnya'm be blo-man le. Like kwlaa nga i sɔ sran liɛ'n yo'n, san ɔ ´yo ye i sa nun .

Jue Mun 37:2

Afin be ti flɛkpɛɛ kɛ ijre bɔ be kpɛ'n sa. Be wu kee ndɛndɛ kɛ ijre nɔnman sa.

Nyanndra Mun 25:14

Sran nga b'ɔ di i nuan sin kɛ ɔ cɛ sran like sanngɛ kusu ɔ yo-man'n, ɔ ti kɛ nzue b'ɔ mlan b'ɔ tɔ-man'n sa.

Ezekiɛl 17:9

Se be kɛ: ‹Kosan nga Anannganman Nyanmiɛn usa'n yɛ: ?Vinyi sɔ'n ɔ kwla yo kpa? ?Anunman nyin klikli'n ɔ ko tutu-mɛn i olui'n yɛ ɔ su ti-mɛn i su mma, nan i waka nin i nnya nga be waan be ´fɛfɛ'n b'a wu kee? Sɛ i waan ɔ su tu i bo'n, nán wunmiɛn dan nin sran kpanngban yɛ ɔ kunndɛ-ɔ .

Ezekiɛl 34:10

Anannganman Nyanmiɛn wan yoo: E nin amun e lɛ i. N ´de min bua'm amun sa nun, n ´su yaci-man be amun sa nun kɛ amun nian be su kun kɛ ɔ ´yo nan amu'an ta-man amun bɔbɔ amún wun'n ti. N ´de min bua mun amun nuan nun, yɛ be su kaci-man amun nuan nun aliɛ kun.› »

Ezekiɛl 34:18

?Kɛ bɔ amun di like lika kpa nun'n, i sɔ'n ti kaan ngboko amun nyrun ti yɛ like ng'ɔ ka lɛ'n, amun tiatia su be saci i-ɔ? ?Nzue klanman nga amun nɔn'n ɔ ti kaan ti yɛ ng'ɔ ka'n amun kputu i nin amún ja nin-ɔn?

Ezekiɛl 34:2

«Klɔ sran, kan sa ng'ɔ wa ju'n kle Izraɛl kpɛnngbɛn mun. Kan sa ng'ɔ wa ju'n kle Izraɛl nvle'n i nyrun dunfuɛ'm bɔ be ti kɛ bua su nianfuɛ mun sa'n. Ndɛ nga min Anannganman Nyanmiɛn n kan'n yɛ: ‹Izraɛl kankanfuɛ'm bɔ be ta be bɔbɔ bé wun'n be yako! ?Nán bua'm be yɛ ɔ fata kɛ bua tafuɛ'm be ta be-ɔ?

Ezekiɛl 34:8

Mín nyin o su! Min Anannganman Nyanmiɛn yɛ n kan sɔ-ɔ. Kɛ bɔ sran'm be fa min bua mun, bɔ min bua'm b'a kaci nnɛn tɛtɛ nga be o blo lɔ be aliɛ'n, sunianfuɛ bɔ be nyɛn-mɛn i'n ti, kɛ bɔ bua tafuɛ'm be ta be bɔbɔ bé wun, sanngɛ be ta-man min bua mun'n,

Ndɛ Nga Nyanmiɛn I Nuan Ijɔfuɛ Oze Kannin'n 6:4

Sanngɛ Anannganman ´tɛ amun su kɛ yoo: «?Efraimfuɛ mun, nguɛ li bɔ cɛ yɛ amun waan n yo m man amun-ɔn? ?Zidafuɛ mun kusu, amun waan n yo amun sɛ? Amun Nyanmiɛn klolɛ'n ti kɛ nyanmiɛn ble bɔ be wun i nglɛmun nun'n sa, ɔ ti kɛ nglɛmun nyansue sa, be wielɛ yo-man ya.

Saun Yolɛ 14:43

Kɛ bɔ b'a yiyi yɛbuɛ nga be sacili sɔ mun'n, bɔ b'a kpu talɛ'm bé wun'n, bɔ b'a wasa be uflɛ'n, sɛ b'a yo i sɔ'n kwlaa ɔ'a wie nan sɛ fiɛn kunngba'n ɔ sɛ i sin kpɛn sua nun lɛ ekun'n,

Matthieu 13:6

Sanngɛ kɛ wia'n ´bo'n, ɔ wɔnsɔnnin, ɔ wuli, ndin bɔ ɔ'a nyɛn-mɛn i wlawlɛ kpa'n ti.

Matthieu 15:13

Ɔ seli be kɛ: «Waka kwlaa bɔ nán min Si b'ɔ o nyanmiɛn su lɔ'n yɛ ɔ tali'n, be ´tu i bo .

Marc 4:6

Sanngɛ kɛ wia'n ´bo'n, ɔ wɔnsɔnnin, ɔ wuli ndin bɔ ɔ'a nyɛn-mɛn i wlawlɛ kpa'n ti.

JÉSUS-CHRIST I DYASIN FE'N BO LUC KLELI'N 12:45

Sanngɛ sɛ i sran sɔ'n bu akunndan se kɛ: ‹Min Min'n i balɛ'n ɔ'a cɛ,› sɛ ɔ tɔ i min'n i sran yasua mun nin i sran mmla'm bé su bo be'n, sɛ ɔ di like nɔn nzan bo'n,

JÉSUS-CHRIST I DYASIN FE'N BO LUC KLELI'N 16:19

«Laa bian anyanbeunfuɛ kun o lɛ, ɔ kla ago nin tannin kpakpa, cɛn kwlaa ɔ di fɛ.

JÉSUS-CHRIST I DYASIN FE'N BO LUC KLELI'N 21:34

An `sasa amún wun, nán an yo aliɛ safuɛ mun nin nzanboɛfuɛ mun, nán an koko ninnge'm be ti, sɛ an yo sɔ'n, ɔ cɛ-man nan cɛn sɔ'n ɔ'a fu amun nun.

JÉSUS-CHRIST I DYASIN FE'N BO LUC KLELI'N 8:6

Wie kusu tɔli akpuɛ su, kɛ ɔ fifili'n, asiɛ b'ɔ nun-man lɛ'n ti'n, ɔ wuli.

Efɛzfuɛ Mun 4:14

Kɛ ɔ ko yo sɔ'n, e ti-man ba kaan kun bɔ e fa ato ndɛ kwlaa nga sran'm be gblɛ'n ti be kɛn i kɛ be ´fa lakalaka sran mun'n su, b'ɔ man e kɔ wa kɔ wa kɛ mmeli bɔ aunngban'n fɛ i kɔ wa kɔ wa'n sa.

Filipfuɛ Mun 3:19

Be agualiɛ yɛlɛ be mlinlɛ, be Nyanmiɛn'n yɛlɛ be ku'n. Like nga sran yo-ɔ ɔ guɛ i nyin ase'n yɛ be fa di bé nuan-an. Mɛn'n nun ninnge'n yɛ ɔ lo be-ɔ.

1 Timote 5:6

Sanngɛ angboti nga mɛn dilɛ'n yo i fɛ'n, kannzɛ i nyin o su'n, ɔ ti kɛ ɔ'a wu sa.

Hébreu 13:9

Nán an fa like wafa-wafa nga be kle amun b'ɔ nin e liɛ'n ti-man kun'n su nan an yaci atin kpafuɛ'n. Sɛ e tra ye anwlɛn kpa ye bɔ Nyanmiɛn yoli ye ti'n, ɔ ti kpa. Nán man e bu kɛ aliɛ dilɛ mmla'n bɔ e fa su'n ɔ kwla yo e kpa, afin be nga be fali su'n, ɔ'a yo-man sa fi ye a man-man be.

Jacques 5:5

An di amun klun like, yɛ an di mɛn'n, ɔ man amu'an yo kɛ nnɛn bɔ ɔ'a lo kpa bɔ i kunlɛ a ju'n sa.