Jude 1:11 - NYANMIƐN NDƐ'N 1998

¹¹ I sɔfuɛ'm be yako! Afin atin kunngba nga Kaɛn fali su'n, be fa su wie. Kɛ ɔ ´yo nan b'a nyan sika'n, be fa bé wun wlali sa tɛtɛ yolɛ'n nun kɛ Balaam liɛ'n sa. Be mlinnin, afin be yoli nyin kekle kɛ Kɔre liɛ'n sa .

Nyanmien nde Ufle

¹¹ I sofue'm bé yakô! Afin bé fa atin kunngba nga Caïn faa su'n su wié. Ke o yô nan ba nyan sika'n, bé fa bé wun wlaa sa tete yôle'n nun ke Balaam lie'n sa. Ke bé yôô nyin kéklé ke Coré lie'n sa'n, ye bé mlinnion.

Jude 1:11 ပူးပေါင်းရင်းမြစ်များ

2 Famiɛn Mun 16:16

Iri b'ɔ ti Nyanmiɛn nyrun jranfuɛ'n niannin i kwlaa nga famiɛn Akaz kannin'n su yoli.

Ezai 3:11

Sran tɛ'n, i yako! Ɔ wo atin tɛ'n su, afin sa ng'ɔ siesie'n, yɛ be ´fa yo i-ɔ.»

Ezai 3:9

Be wafa nga be ti'n, ɔ saci bé wun. Be yo be sa tɛtɛ mun wia klengle kpa'n nun kɛ Sodɔm lɔ fuɛ'm be sa, be fia-man bɔ kaan sa. Be yako! Afin be liɛ'n, be bɔbɔ be nyrɛnnɛn trɔ'n yɛ be su wlɛwlɛ i lɛ-ɔ.

Zeremi 13:27

Ɔ bian bɔ a kunndɛli mín bo'n, ɔ nin ɔ bian sa ngboko'n, ɔ nin ɔ tekle dan nga a boli'n, n wunnin be kpɔlɛ'm be su nin fie'm be su. N wunnin ɔ tete ninnge mun. Zerizalɛm, yako nin ɔ́ wun saun bɔ ɔ waan a yo-man'n. ?Cɛn onin ko yɛ a ´yaci kokowa bolɛ nin-ɔn?»

Ezekiɛl 13:3

Anannganman Nyanmiɛn wan yoo: Be nga be tɔn be wun suɛn kɛ be ti min nuan ijɔfuɛ bɔ be ti sinnglinfuɛ nga be bɔbɔ be kpɛ be klun be kan sa mun, kpɛkuun be yo kɛ b'a wun aolia nun like sa'n, be yako.

Mise 6:5

Min sran mun, akunndan nga Balak b'ɔ ti Moab famiɛn'n buli i amun wun'n, nin ndɛ nga Bɛɔr i wa Balaam fa tɛli i su'n, man amun wla kpɛn su. Sunmanlɛ nga kɛ amun fɛ i Sitim lele be fa juli Gilgal bɔ n ko sunmannin amun'n, man amun wla kpɛn su. Amun wla kpɛn su kɛ ɔ ´yo nan amu'an wun aklunye nga m bɔbɔ min Anannganman n yoli amun'n ti .»

Zakari 11:17

Nnɛn kankanfuɛ luflefuɛ ng'ɔ yaci i nnɛn'm be lɛ tu kpɛn'n, i yako! Man alɛ'n saci i sa nin i nyin mma mun. Man i sa fama'n wu i wun yɛ nɛ́n i nyin mma fama'n wun ase kun .»

Kalɛ 31:16

Amun si jrɛiin kɛ Madian bla mun yɛ Pɛɔr ndɛ'n nun'n Balaam mannin be afɔtuɛ yɛ be suli Izraɛlfuɛ'm bé bo bɔ be yoli sa tɛtɛ kpa Anannganman i wun nin-ɔn. Kɛ ɔ yoli sɔ'n yɛ nyrɛnnɛn'n wa tɔli Anannganman i nvle'n su nin-ɔn.

Matthieu 11:21

Ɔ seli kɛ: «Kɔrazɛnfuɛ mun, an yako, Bɛtsaidafuɛ mun, an yako, afin sɛ ɔ ti kɛ sa kekleekle bɔ be yoli be amun klɔ'n su'n yɛ be yoli be Tir nin Sidɔn'n, wuun lɔfuɛ'm be wasa bé wun nzuɛn'n, wuun be wla bajɛ tralɛ'n, wuun be kacili be nzuɛn'n ɔ'a cɛ .

Mmla'n 23:4

Amɔnfuɛ mun nin Moabfuɛ mun'n, nán be wlu Anannganman i nvle'n nun. Nán be wlu nun lele nan kɛ ɔ yo-ɔ ɔ'a yo-ɔ. Be osu nunfuɛ nga be ´jaso su lele b'ɔ ´fa ju be anunmannunman'm be akpasua blu su'n, nán be wlu nun.

Hébreu 11:4

Nyanmiɛn su bɔ Abɛl lafi'n ti yɛ i like nga ɔ fa sɔli i'n i kpa trali Kaɛn liɛ nin-ɔn. I su b'ɔ lafi'n ti'n, Nyanmiɛn bɔbɔ seli kɛ ɔ ti sran kpa, afin ɔ sɔli like nga ɔ fa mɛnnin i'n nun. Ɔ wuli, sanngɛ Nyanmiɛn su b'ɔ lafi'n ti'n, ɔ tɛ ijɔ .

2 Piɛr 2:15

B'a yaci atin kpafuɛ'n, b'a mlin, be fa atin nga Bɛɔr wa Balaam fali su'n su. Sika nga be fa mɛnnin i sa tɛ b'ɔ yoli'n ti'n, ɔ jɔli i klun,

1 Jean 3:12

Nán man e yo kɛ Kaɛn bɔ kɛ ɔ ti Klunwifuɛ'n i liɛ'n ti ɔ kunnin i niaan bian'n sa. ?Nzu ti yɛ ɔ kunnin i-ɔ? Yɛlɛ kɛ sa nga i bɔbɔ yo be'n be kɔ-man atin su, sanngɛ i niaan bian liɛ'n kɔ atin su .

Sa nglô yile 2:14

Sanngɛ amún wun sa wie o n klun, yɛlɛ kɛ sran wie'm be o amun nun lɔ bɔ be fa like nga Balaam kleli'n su. I yɛ ɔ kleli Balak yɛ man ɔ lakali Izraɛlfuɛ mun yɛ be yoli sa tɛ yɛ be dili amuɛn su nin-ɔn. Balak kunngba sɔ'n yɛ ɔ lakali be yɛ man be fa bé wun wlali tekle bolɛ'n nun nin-ɔn .