Zɔb I Nyrɛnnɛn Wunlɛ 7:9 - NYANMIƐN NDƐ'N 1998

⁹ Kɛ nyanmiɛn ble'n ɔ fa nunnun nglo lɔ bɔ be wun-mɛn i kun'n, i kunngba nin-ɔn, be kɔ blɔlɔ-ɔ be ba-man kun.

Zɔb I Nyrɛnnɛn Wunlɛ 7:9 ပူးပေါင်းရင်းမြစ်များ

2 Samiɛl 12:23

?Siɛn'n bɔ ɔ'a wu kwlaa nin-ɔn, n ´ci nglɛmun sɛ? N kwla fɛ-mɛn i n sɛ-man i sin wa kun. M bɔbɔ min yɛ n ´kɔ kan ɔ o lɔ nin-ɔn. I liɛ'n, ɔ sɛ i sin wa ekun-ɔn, ɔ yo-man ye.»

2 Samiɛl 14:14

Ɔ lɛ-man e nun kun b'ɔ su ko wu-man-an. Kɛ e ko wu'n, e ti kɛ nzue bɔ ɔ'a utu'n sa, be isa-a, ɔ yo-man ye kun, sanngɛ Nyanmiɛn ɔ'a sie-man ba ng'ɔ wanndi ɔli mɛn wie nun i liɛ'n sɔ kɛ ɔ ka lɔ. Ɔ'a sie-mɛn kɛ ɔ trɛn i bɔbɔ Nyanmiɛn'n i wun mmua.

Zɔb I Nyrɛnnɛn Wunlɛ 10:21

ka nan m'an ɔ kan be kɔ lɔ-ɔ be ba-man kun'n, bɔ lɔ ti aosin ble'n.

Zɔb I Nyrɛnnɛn Wunlɛ 11:8

Sɛ i dan sɔ b'ɔ ti'n ɔ ti like bɔ be wun i nin be nyinma'n, wuun n ´se kɛ i nglo-nglo tra nyanmiɛn b'ɔ sɛ é ti su yɛ'n i su. ?Sɛ ɔ ti sɔ'n, yɛ wuun a ´yo i sɛ? I kploun tra blɔlɔ lɔ lika'n. ?Sɛ ɔ ti sɔ'n, a ´yo sɛ nan w'a wun i wlɛ?

Zɔb I Nyrɛnnɛn Wunlɛ 16:22

Afin afuɛ nga n ko di'n yɛ ɔ'a wie yɛ. Atin nga be fa su be sa-man be sin kun'n, yɛ m'an fɛ i yɛ.

Zɔb I Nyrɛnnɛn Wunlɛ 17:13

Awlo nga min akunndan'n wo su kɛ e ´se yɛ'n, yɛlɛ blɔlɔ lɔ lika'n. Blɔlɔ lɔ aosin'n nun yɛ n ´ko sɛ min bɛ nin-ɔn.

Zɔb I Nyrɛnnɛn Wunlɛ 17:16

E nin i e nnyɔn'n yɛ e ´kɔ blɔlɔ nin-ɔn. Be ´wla ye ase likawlɛ.

Zɔb I Nyrɛnnɛn Wunlɛ 3:13

Sɛ ɔ'a yo-man sɔ'n, wuun kɛ e ´se yɛ'n n nun-man min ndia nun lɔ fɔun! ?Wuun n la-man lɔ diin cɛ?

Zɔb I Nyrɛnnɛn Wunlɛ 30:15

Sa nga be yo sro'n b'a tu bé nyin b'a wɔ min. Min nyrun bɔ n lɛ i'n, ɔ'a sin kɛ aunngban wie yɛ ɔ'a fitɛ i ɔ'a ɔ sa. Ye nga n dili'n, ɔ'a sin kɛ nyanmiɛn ble'n sa.

Zɔb I Nyrɛnnɛn Wunlɛ 37:11

Nyanmiɛn man nzue'n i kpukpuwa b'ɔ ti flɔlɔ'n ɔ yi nyanmiɛn ble'n. Kpɛkuun ɔ man nyanmiɛn ble'n nin nyanmiɛn'n i sin b'ɔ kpa'n, be bo sanndi lika'n nun sɛsɛsɛ.

Jue Mun 39:13

Anannganman, tie min srɛwa'n! N kpan n flɛ wɔ, sie ɔ su! N su sun, nán bu ɔ su nun waka, tie min sunlɛ'n! N ti kɛ aofuɛ sa, n wa sikeli wɔ. N ti kpe-nun-sinfuɛ kɛ min nannan mun sa.

Ezai 26:14

Sran nga be wu'n, be sa-man bé sin nguan'n nun kun. Sran nga be sin wie nun'n, be jaso-man kun. A bali, a wa nunnunnin be, a yoli man bé wla fili be su mlɔnmlɔnmlɔn.

Ezai 38:11

N seli min wun ekun kɛ: N su wun-man Anannganman be nga bé nyin o su'm be asiɛ'n su kun, n su wun-man sran fi mɛn nga sran'm be tran nun'n i nun kun.