Zɔb I Nyrɛnnɛn Wunlɛ 5:9 - NYANMIƐN NDƐ'N 1998

⁹ Ɔ yo sa dandan, yɛ be wun-man sa sɔ'm bé bo. Abonuan sa ng'ɔ yo be'n be sɔnnin.

Zɔb I Nyrɛnnɛn Wunlɛ 5:9 ပူးပေါင်းရင်းမြစ်များ

Zɔb I Nyrɛnnɛn Wunlɛ 10:16

Sɛ m man min ti'n su kaan sa'n, wuun a su min su, a fuan min kɛ asɔmɔli su fuan like wie sa. Kpɛkuun a fa sa uflɛ mun yi min su ekun.

Zɔb I Nyrɛnnɛn Wunlɛ 13:1

I kwlakwla sɔ'n, m bɔbɔ m'an wun i le, yɛ m'an ti i le. N wun i wlɛ.

Zɔb I Nyrɛnnɛn Wunlɛ 37:14

Zɔb, sie ɔ su tie. Bu Nyanmiɛn i abonuan sa'm be akunndan.

Zɔb I Nyrɛnnɛn Wunlɛ 37:16

?A si kɛ ɔ yo bɔ nyanmiɛn ble'n ɔ sende nglo lɔ'n? I ngwlɛlɛ b'ɔ lɛ-man sin'n yɛ ɔ fa yo abonuan sa kɛ nga sa mun-ɔn.

Zɔb I Nyrɛnnɛn Wunlɛ 37:5

Kɛ Nyanmiɛn'n ɔ kpan fiaan'n ɔ yo nyrɛnnɛn. Sa dandan nga Nyanmiɛn yo be'n, e wun-man be wlɛ.

Zɔb I Nyrɛnnɛn Wunlɛ 42:3

A usali kɛ: ‹?Wan yɛ ɔ si-man sa bɔ sanngɛ ɔ sanngan sa nga n jajali'n be nun nin-ɔn?› Nanwlɛ, sa nga n kannin be ndɛ'n be tra min kpɛn. N wun-man be wlɛ, n si-man be nun ndɛ.

Zɔb I Nyrɛnnɛn Wunlɛ 9:10

Sa ng'ɔ yo be'n be ti dandan, be kwla wun-man be bo. Sa nyɛnmɛn-nyɛnmɛn ng'ɔ yo be'n be sɔnnin dan.

Jue Mun 139:18

Sɛ be kan aunnyan ngba kwlaa bo nun'n, i nɔnnin tra be ngba. N lafi lele n ´tinnge-ɔ, e nin wɔ-ɔ.

Jue Mun 145:3

Anannganman ti dan, ɔ nin manmanlɛ fata lele tra su. Be wun-mɛn i dan b'ɔ ti'n i sin .

Jue Mun 40:5

Sran ng'ɔ fɛ i wla'n gua Anannganman su'n, b'ɔ fɛ-mɛn i wun mantan-man wun tufuɛ mun nin ato buafuɛ mun'n, i sɔ sran'n i liɛ su ti ye!

Jue Mun 40:6

Anannganman min Nyanmiɛn, abonuan sa nga a yoli'n, be sɔnnin. Yɛ akunndan kpakpa nga a bu i e wun'n, be sɔnnin. Like fi nin wɔ sɛ-man. Min waan n ´di sa sɔ'm be wun lalo n ´sin. Be sɔnnin dan, n kwla ka-man be ngba.

Jue Mun 72:18

Man e la Anannganman Nyanmiɛn b'ɔ ti Izraɛl Nyanmiɛn'n i ase. I kunngba cɛ yɛ ɔ yo abonuan sa mun-ɔn.

Jue Mun 86:10

Afin a ti kpli, a yo abonuan sa mun. Wɔ kunngba wɔ yɛ a ti Nyanmiɛn nin-ɔn.

Akunndanfuɛ'n 3:11

Sa kun ng'ɔ o sa'n, sɛ i blɛ ko ju'n, Nyanmiɛn nian su yo i sɛsɛsɛ. Nyanmiɛn bɔbɔ yɛ man e si like ng'ɔ lɛ-man bo bolɛ nin awieliɛ nin-ɔn. Sanngɛ sa nga Nyanmiɛn yo'n, kɛ ɔ fin i bo bolɛ'n nun lele b'ɔ ´fa ju i awieliɛ'n, sran si-mɛn i bo.

Ezai 40:28

?Amun si-man sɔ? ?B'a kan kle-man amun? Anannganman Nyanmiɛn b'ɔ ti adudua'n yɛ ɔ yili asiɛ'n kɛ ɔ fɛ i bue kun su lele fa ju i bue kun su lɔ nin-ɔn. I wunmiɛn'n wie-man, ɔ fɛ-man. Be kwla wun-mɛn i ngwlɛlɛ'n i bo.

Rɔmfuɛ Mun 11:33

Eee, Nyanmiɛn ti anyanbeunfuɛ o! Ɔ si ngwlɛlɛ o! Ɔ si sa'n kwlakwla kpan! ?Wan yɛ ɔ si i klun lɔ akunndan nin-ɔn? ?Wan yɛ ɔ wun sa ng'ɔ yo be'n be wlɛ-ɔ?