Zɔb I Nyrɛnnɛn Wunlɛ 4:3 - NYANMIƐN NDƐ'N 1998

³ Wɔ bɔ a kle sran sunman be ngwlɛlɛ'n, bɔ a wla be bɔ be kwla-man nun'n be fanngan'n,

Zɔb I Nyrɛnnɛn Wunlɛ 4:3 ပူးပေါင်းရင်းမြစ်များ

Bo Bolɛ 18:19

M'an kpɛ i kɛ ɔ kan kle i mma mun nin be anunman nga be ´wu be'n be kɛ be `fa min atin'n su be nanti sɛsɛ, nan m'an yo like nga n kan kleli i kɛ n ´yo'n.»

Ɛsdras 6:22

Be klun ti jɔwa, be dili kpaun nga kpaun ayre nun-man nun'n i cɛn'n le nso aklunjuɛ nun. Anannganman man be klun jɔli, afin ɔ dili junman Asiri famiɛn'n i anwlɛn'n nun ɔ man ɔ wlali be fanngan blɛ nga be ´kplan Izraɛl Nyanmiɛn'n i sua'n.

Zɔb I Nyrɛnnɛn Wunlɛ 16:5

wuun n ´fa mín nuan nun ndɛ'n n ´wla amun fanngan, wuun n ´kan ndɛ ng'ɔ ko uka amun'n.

Zɔb I Nyrɛnnɛn Wunlɛ 29:11

Sran kwlaa ng'ɔ ti ndɛ nga n kan'n, san mo yɛ ɔ yo min-ɔn. Be kwlaa nga be wun min'n, be klo min sa.

Zɔb I Nyrɛnnɛn Wunlɛ 29:15

Anyansifuɛ'n i nyinma'n yɛlɛ min. Sran ng'ɔ kwla-man nanti'n, i ja'n yɛlɛ min.

Zɔb I Nyrɛnnɛn Wunlɛ 29:16

Yalɛfuɛ'm bé si yɛlɛ min. Aofuɛ'm be ndɛ'n, min yɛ n kan-an.

Zɔb I Nyrɛnnɛn Wunlɛ 29:21

Laa sɔ nun'n, sɛ n ´ijɔ'n, be sie be su be minndɛ. Be tɔ bliin be tie afɔtuɛ ndɛ nga n kan'n.

Zɔb I Nyrɛnnɛn Wunlɛ 4:4

wɔ bɔ ɔ nuan nun ndɛ'n ɔ man be bɔ be su tɔ'n be wunmiɛn'n, wɔ bɔ ɔ nuan nun ndɛ kunngba sɔ'n ɔ cici sran nga afɛ'n ɔ'a ti be'n be wla'n,

Nyanndra Mun 10:21

Sran kpa'n i nuan nun ndɛ'n ɔ man sran kaka kpa be fa atin kpa su. Sinnzin wie yɛ be nga be wun-man sa wlɛ'n be wu-ɔ.

Nyanndra Mun 15:7

Ngwlɛlɛfuɛ'm bé nuan nun ndɛ'n ɔ man akunndan. Be nga be si-man ngwlɛlɛ'n, bé ti sɛ liɛ'n wo lɛ ngbɛn, ngwlɛlɛ ba kun sa nun-man nun.

Nyanndra Mun 16:21

Sran ng'ɔ si akunndan'n, be flɛ i ngwlɛlɛfuɛ. Sran ng'ɔ kan ndɛ amanniɛn su'n ɔ kan ndɛ-ɔ be fa.

Ezai 35:3

Be nga bé sa'm b'a kpɔ'n, amun `wla be fanngan. Be nga bé ja nannglunman'm be usu'n, amun `suan be bo .

Ezai 50:4

Anannganman Nyanmiɛn'n ɔ yo man n si ijɔ kɛ be nga be suan like'n be fa ijɔ'n sa, i waan ɔ ´yo nan m'an si ndɛ ng'ɔ fata kɛ n kan nan m'an fa uka be nga b'a fɛ mun'n ti. Nglɛmun kwlaa, ɔ tinnge min, yɛ ɔ kle min wafa nga n ´fa ń su n ´sie ndɛ nga be kan'n i bo'n kɛ be nga be suan like'n be fa yo'n sa'n.

Ezekiɛl 13:22

Afin an bua ato fa sanngan sran kpa'n i akunndan kusu wuun m bɔbɔ m'an sɛnngɛn-mɛn i akunndan. An wla be nga be ti klunwifuɛ'm be fanngan kɛ ɔ ´yo nan bé sa sin ɔ'a bubu-man bé sa tɛ yolɛ'n nun, yɛ kɛ ɔ ´yo nan b'a ka nguan nun'n ti.

Sofoni 3:16

Ɔ lɛ cɛn bɔ be ´se Zerizalɛmfuɛ mun kɛ yoo: «Siɔnfuɛ mun nán srɛ kun amun, nán amún sa sin bubu amun!

JÉSUS-CHRIST I DYASIN FE'N BO LUC KLELI'N 22:32

Sanngɛ n kan ɔ ndɛ n kleli Nyanmiɛn kɛ n su bɔ a lafi'n, nán man a kpɔnzɔ. Ɔ kusu sɛ a kaci'n, wla ɔ niaan'm be fanngan.»

JÉSUS-CHRIST I DYASIN FE'N BO LUC KLELI'N 22:43

Yɛ anz kun fin Nyanmiɛn su lɔ ɔ wa wlɛli i fanngan-an.

Efɛzfuɛ Mun 4:29

Nán ndɛ tɛ kun sa fin amún nuan fite, sanngɛ an `kan ndɛ ng'ɔ ti kpa bɔ sran ti-ɔ ɔ yo sran'n, nan ɔ yo be kwlaa nga be ti'n be fɛ.

Mmla'n 3:28

Sa nga Zozie ko yo'n kan kle i. Wlɛ i fanngan man ɔ yo yakpa, afin i yɛ ɔ wa dun mmua Izraɛlfuɛ'm be nyrun yɛ ɔ ´fa mɛn nga a wa wun i lɛ'n ´man be-ɔ.»

Kolɔsfuɛ Mun 4:6

Man amun ijɔlɛ wafa'n yo sran'm be fɛ, man amún nuan nun ndɛ'n yo fɛ kɛ njin sa nan amu'an tɛ sran ng'ɔ usa amun sa'n, i su klanman.

Hébreu 12:12

I sɔ'n ti, an `kpɛntɛn amún sa bɔ b'a kpɔ'n nin amún ja bɔ b'a nyan amun wun'n, be nun .