Zɔb I Nyrɛnnɛn Wunlɛ 22:3 - NYANMIƐN NDƐ'N 1998

³ ?Ɔ sɛsɛ bɔ a ti'n, ɔ kwla uka Nyanmiɛn? ?Ɔ jrɛin nga a ti'n, nguɛ yɛ ɔ nyɛn i nun-ɔn ?

Zɔb I Nyrɛnnɛn Wunlɛ 22:3 ပူးပေါင်းရင်းမြစ်များ

1 Be Nyoliɛ 29:17

Min Nyanmiɛn, n si kɛ ɔ liɛ'n, a nian sran'm be anwlɛn'n nun, yɛ sa nga be yo i nanwlɛ nun'n yɛ a klo i-ɔ. Ninnge nga m mannin wɔ'n, n klun su yɛ n fa be m mannin-ɔn. Ɔ sran nga b'a yia wa'n kusu, n wun i kɛ like nga be mannin'n ti be klun su, i ti min klun jɔ klanman.

Zɔb I Nyrɛnnɛn Wunlɛ 21:15

?Wan li yɛ be flɛ i Nyanmiɛn b'ɔ kwla like kwlaa yo nin-ɔn, bɔ i ti yɛ e ko su i-ɔ? ?Sɛ e srɛ i'n, nguɛ yɛ e ´nyɛn i-ɔ?»

Zɔb I Nyrɛnnɛn Wunlɛ 22:2

?Sran kwla yo like kpa kun man Nyanmiɛn? Cɛcɛ, sɛ sran si ngwlɛlɛ nan ɔ yo sa kpa'n, ɔ yo mɛn i bɔbɔ wun.

Zɔb I Nyrɛnnɛn Wunlɛ 22:4

?Srolɛ bɔ a sro i'n ti yɛ ɔ tu wɔ fɔ-ɔ? ?I ti yɛ ɔ nin wɔ su kan-an?

Zɔb I Nyrɛnnɛn Wunlɛ 34:9

Afin i waan sran i wla b'ɔ fa gua Nyanmiɛn su'n, ɔ yo-man sa fi ye.

Zɔb I Nyrɛnnɛn Wunlɛ 35:7

?Sɛ a ti sɛsɛ'n, nguɛ yɛ ɔ nyɛn i nun-ɔn? ?Nguɛ cɛ yɛ a yo mɛn i-ɔ?

Jue Mun 119:59

Atin nga n fa be'n, m bu be akunndan kpa. Sa nga a fa be sie min nyrun'n, be ndɛnman yɛ n fa-a.

Jue Mun 39:1

Jue nga ti David liɛ. Ɔ o jue tofuɛ'm be su kpɛn'n nin Zɛditɛn be fluwa'm be nun wie. I waan:

Nyanndra Mun 11:1

Toe nga be fa di ndrunmun'n, Anannganman nyin ci i. Toe ng'ɔ ti kpa'n yɛ ɔ klo i-ɔ .

Nyanndra Mun 11:20

Be nga be klun akunndan'n ti-man kpa'n, Anannganman klun jɔ-man bé wun. Be nga be nzuɛn'n ti kpa'n, i sɔfuɛ mun yɛ i klun jɔ bé wun-ɔn.

Nyanndra Mun 12:22

Anannganman i nyin ci gblɛfuɛ mun. Be nga be di nanwlɛ'n be liɛ'n, i klun jɔ bé wun.

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Nyanndra Mun 9:12

Sɛ a si akunndan-an, ɔ ti ɔ bɔbɔ ɔ liɛ. Sɛ kusu a ti tutrefuɛ-ɔ, i su ndɛ ng'ɔ ba'n, ɔ ti ɔ kunngba cɛ ɔ ndɛ.

Malasi 2:17

N ´kan kle amun kɛ amun fa amún nuan nun ndɛ'n be kle Anannganman i yalɛ, kpɛkuun amun blu su be usa kɛ yoo: «?Yalɛ sɛ yɛ e kle i-ɔ?» Yalɛ nga amun kle i'n yɛlɛ nga amun kɛn i kɛ yoo: «Sran ng'ɔ yo sa tɛ'n ɔ ti kpa Nyanmiɛn i nyrun. Yɛ i sɔ sran mun yɛ Nyanmiɛn klo be-ɔ.» Ɔ nin nga amun usa ekun kɛ: «?Nyanmiɛn bɔbɔ kpa'n li, ɔ di jɔlɛ?»

Sa nga bé yôli'n 24:16

I sɔ'n ti yɛ man n kusu m mian mín nyin kɛ min anwlɛn'n nun yo weiin titi Nyanmiɛn nin sran'm be nyrun nin-ɔn.

2 Korɛntfuɛ Mun 7:1

N sran kpa mun, sa nga Nyanmiɛn seli kɛ ɔ ´yo be'n, i kwlaa sɔ'n ti'n, man e wla sa ng'ɔ saci sran'n i kwlaa nin akunndan tɛtɛ'n kwlaa be ase. Sɛ e waan e nyin yi Nyanmiɛn'n, man e nian e wun kpa kɛ nán man sa kaan sa tran e nin i ye afiɛn.

Filipfuɛ Mun 4:18

Like nga an fa blɛli min'n, n nyɛnnin i kwlaa'n, ɔ ju min tra su. Kɛ Epafroditi fali like sɔ'n bɔ an fa mɛnnin i kɛ ɔ fa blɛ min'n blɛli min'n, ɔ man like'n kwlaa ti a sin a yia min. Like sɔ'm be ti kɛ like b'ɔ bɔn fannin bɔ be fa man Nyanmiɛn b'ɔ sɔ nun ɔ jɔ i klun'n sa .