Zɔb I Nyrɛnnɛn Wunlɛ 2:3 - NYANMIƐN NDƐ'N 1998

³ Anannganman usɛli i kɛ: «?A wun min sufuɛ Zɔb i wafa ng'ɔ fa ti'n? Asiɛ'n su lɔ sran fi nin i sɛ-man. Ɔ ti sran bɔ be kwla saci-mɛn i wun bɔ kaan sa. Ɔ yo sa i nuan su. I nyin yi min. Ɔ klo-man kɛ ɔ `yo sa tɛ. Ɔ tɛ jran cinnjin, be kwla saci-mɛn i wun bɔ kaan sa. ?Ɔ waan n kle i nyrɛnnɛn ngbɛn?»

Zɔb I Nyrɛnnɛn Wunlɛ 2:3 ပူးပေါင်းရင်းမြစ်များ

Bo Bolɛ 6:9

Noe i wun ndɛ'n yɛ. Noe wuli ba yasua nsan: Be yɛlɛ Sɛm, nin Kam yɛ Zafɛt. Noe ti sran kpa, ɔ tu i klun su Nyanmiɛn. Ɔ nin Nyanmiɛn bé nuan sɛ.

2 Samiɛl 20:20

Zoab waan: «Ɔ si'ɛ, m'an ba-man like fi sacilɛ mlɔnmlɔn.

Zɔb I Nyrɛnnɛn Wunlɛ 1:1

Laa Iz mɛn'n nun lɔ bian kun o lɔ be flɛ i kɛ Zɔb. Bian sɔ'n, be kwla saci-mɛn i wun bɔ kaan sa, ɔ yo sa i nuan su. I nyin yi Nyanmiɛn, ɔ klo-man kɛ ɔ `yo sa tɛ.

Zɔb I Nyrɛnnɛn Wunlɛ 1:11

Sɛ ɔ waan m bua ato'n, saci i sa nun ninnge mun nan nian, sɛ ɔ'a kan-man wɔ ndɛ tɛtɛ cɛ'n, a ko fa ko se.»

Zɔb I Nyrɛnnɛn Wunlɛ 1:6

Le kun Nyanmiɛn i anz'm be ɔli i nyrun , kpɛkuun Satan ɔli wie.

Zɔb I Nyrɛnnɛn Wunlɛ 1:8

Anannganman seli Satan kɛ: «?A wunnin min sufuɛ Zɔb i wafa ng'ɔ fa ti'n? Asiɛ'n su lɔ sran fi nin i sɛ-man. Ɔ ti sran bɔ be kwla saci-mɛn i wun bɔ kaan sa. Ɔ yo sa i nuan su. I nyin yi min. Ɔ klo-man kɛ ɔ `yo sa tɛ.»

Zɔb I Nyrɛnnɛn Wunlɛ 13:15

Sɛ Nyanmiɛn waan ɔ ´kun min'n, man ɔ kun min. Kannzɛ ɔ yo sɛ, i su yɛ n ´fa min wla'n n ´gua-a. Sɛ i li ɔ ko yo nan n ko kpli min ti i nyrun'n,

Zɔb I Nyrɛnnɛn Wunlɛ 2:2

Anannganman usali Satan kɛ: «?A fin nin?» Satan tɛli Anannganman su kɛ: «N fin asiɛ'n su lɔ wlan-wlanlɛ kan.»

Zɔb I Nyrɛnnɛn Wunlɛ 2:4

Satan tɛli Anannganman su kɛ: «Sran i wunnɛn'n yɛ ɔ ti cinnjin i sa nun-ɔn. Kannzɛ sran kun i anyanbeun'n ɔ ti sɛ, sɛ sa'n tɔ cinnjin'n kpa'n, ɔ fɛ i anyanbeun'n fa to i ti-ɔ ɔ yo ye.

Zɔb I Nyrɛnnɛn Wunlɛ 9:17

Ɔ'a bubu min sa kplɔlɔlɔ. M'an wun-man sa bɔ n yoli-ɔ, sanngɛ like yaya'n yɛ ɔ fa yo min sa tititi-ɔ.

Zɔb I Nyrɛnnɛn Wunlɛ 9:20

Sɛ min ndɛ yo fɛ o, ɔ ´bu min fɔ. Sɛ m'an fɔn-man mlɔnmlɔn'n, kannzɛ n kɛn i sɛ n kɛn i sɛ'n, san ɔ ´bu ndɛ'n yi min su.

Jue Mun 26:1

Jue nga ti David liɛ. I waan: Anannganman, di min jɔlɛ mun klanman man min. Afin n nantili sein, m'an fɔn-man. N fa min wla'n n gua ɔ su. Srɛ kun-man min, min wun usu-man min.

Jue Mun 37:37

Nian sran ng'ɔ nanti sein'n i kpa nian. Nian sran ng'ɔ ti sɛsɛ'n i kpa nian. I sɔfuɛ'n, i nzuɛn'n ti flɔlɔlɔ, ɔ man i ti, san ɔ ´di ye le.

Jue Mun 41:12

Sɛ a yo nan min kpɔfuɛ'm b'a nyan-man min b'a kwla-man min'n, i liɛ'n, n ´wun kɛ a klo mín sa sakpa.

Nyanndra Mun 11:8

Nyrɛnnɛn'n ɔ san klun-ufuefuɛ'n i wun, kpɛkuun klunwifuɛ'n ɔ'a ko kpɛn i osu.

Nyanndra Mun 13:6

Sran nga b'ɔ nanti nanwlɛ atin'n su'n, nanwlɛ'n fɛ i fia. Klunwi'n kusu ɔ kun klunwifuɛ'n.

Nyanndra Mun 14:2

Sran ng'ɔ nanti klanman nanwlɛ su'n, i nyin yi Anannganman. Sran ng'ɔ nanti-man klanman nanwlɛ su'n, ɔ yo Anannganman i finfin.

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Nyanndra Mun 16:17

Sran nga be ti kpa'n be kaci bé sin be si sa tɛ yolɛ'n. Sran ng'ɔ ´nanti-ɔ ɔ sɛsɛ i wun'n, wuun i nguan'n yɛ ɔ ´sɛsɛ i lɛ-ɔ.

Jean 9:3

Jésus seli kɛ: «Nán kɛ i bɔbɔ annzɛ i si nin i nin be yoli sa wie ti-ɔ. Sanngɛ be wuli i sɔ nan i ti be `wun sa nga Nyanmiɛn yo'n.

Filipfuɛ Mun 3:12

Nán kɛ kɛ n ´kɛn i yɛ'n m'an nyɛn i kwlaa sɔ nin-ɔn, ɔ nin bɔ n ´se kɛ m'an yo sran kpa a guɛ i ti nin i bo-ɔ, sanngɛ m mian min nyin nan n ´nyan like nga kɛ Krist-Jésus trali min'n ɔ sieli kɛ n ´nyɛn i'n.

Jacques 1:12

Sran nga sa tɔ i su b'ɔ trɛ i anwlɛn'n, i liɛ su ti ye. Afin kɛ Nyanmiɛn wun kɛ ɔ trɛ i anwlɛn sa sɔ nun'n, nguan b'ɔ ti like kpa, bɔ i waan ɔ ´fa man be nga be klo i'n, ɔ ´fa mɛn i.

1 Piɛr 1:7

i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.

1 Piɛr 5:10

Kɛ an wun nyrɛnnɛn le nnyɔn kun'n, Nyanmiɛn aklunyefuɛ kpli'n, b'ɔ flɛli amun kɛ an `nyan nyrun titi'n sran wunmuan bɔ an nin Krist amu'an kaci'n ti'n, i bɔbɔ man amun ´yo sran kpa mlɔnmlɔn. Ɔ ´yo man amun ´jran kekle, ɔ ´wla amun fanngan, ɔ man amun wun su usu-man amun.