Kɛ Anannganman nin Zɔb be wieli ijɔ'n, ɔ seli Elifaz b'ɔ fin Teman'n kɛ: «M'an fa ya a nin ɔ janvuɛ nnyɔn mun amun wun kpa. Afin amu'an kan-man mín wun ndɛ kpa kɛ min sufuɛ Zɔb i liɛ'n b'ɔ kannin'n sa.
Zɔb i janvuɛ nsan be tili nyrɛnnɛn ng'ɔ tɔli i su'n i kwlaa, yɛ be fin be mɛn'm be nun lɔ be bali-ɔ. I janvuɛ sɔ mun yɛlɛ Elifaz b'ɔ fin Teman'n, yɛ Bildad b'ɔ fin Siak'n, yɛ Zɔfar b'ɔ fin Naama'n. Bé bo yoli kun kɛ be wa koko Zɔb nan be ´fɔnvɔ i.
Yɛ Elifaz b'ɔ fin Teman'n, nin Bildad b'ɔ fin Siak'n, ɔ nin Zɔfar b'ɔ fin Naama'n, be ko yoli nga Anannganman kan kleli be nin-ɔn. Nan Anannganman ɔ'a tie Zɔb i srɛwa'n.
