Zɔb I Nyrɛnnɛn Wunlɛ 1:3 - NYANMIƐN NDƐ'N 1998

³ Ɔ lɛ bua akpi nso (7.000), nin nyɔnngɔnmɛn akpi nsan (3.000), nin nannin nnyɔn-nnyɔn sɔ ya nnun, ɔ nin aflunmun bla ya nnun. I sa nun sran'm be sɔnnin kpa. Be nga be tran wia afiliɛ lɔ lika nun'n, i dunman'n fuli trali be kwlaa.

Zɔb I Nyrɛnnɛn Wunlɛ 1:3 ပူးပေါင်းရင်းမြစ်များ

Bo Bolɛ 12:16

Bla'n i dunman nun ti, kɛ Ezipt famiɛn'n ko di Abram nɛnnɛn'n yɛ ɔ dili-ɔ. Ɔ mɛnnin i bua mun nin boli mun, nin nannin mun, nin kanga yasua mun, nin kanga bla mun, ɔ nin aflunmun yasua nin bla mun, ɔ nin nyɔnngɔnmɛn mun.

Bo Bolɛ 12:5

Kɛ Abram ´jaso Aran kɔ'n, ɔ nin i yi Sarai nin i niaan wa Lɔt yɛ be ɔli-ɔ. Be toli bé ti Kanaan bue liɛ'n su lɔ yɛ be ɔli-ɔ. Be ´kɔ'n be fali bé bo ninnge mun, ɔ nin bé sa nun sran nga be toli be Aran lɛ'n be ngba yɛ be ɔli-ɔ. Kɛ Abram nin sran nga be nin i kɔ'n be juli Kanaan mɛn'n nun lɔ'n,

Bo Bolɛ 13:6

Lika'n ju-man be. Ɔ man be sran nnyɔn'n be tran likawlɛ-ɔ ɔ yo-man ye, afin bé sa nun ninnge'm be sɔnnin.

Bo Bolɛ 24:35

Anannganman yoli man min min sɔ'n ɔ'a yo anyanbeunfuɛ. Ɔ mɛnnin i bua nin boli nin nannin, nin sika nin sika ɔkwlɛ, nin sran mun, yasua mun o, bla mun o, nin nyɔnngɔnmɛn mun, ɔ nin aflunmun mun.

Bo Bolɛ 25:6

I soman'm be mma'm be liɛ'n, ɔ cɛcɛli be ninnge kpɛkuun ɔ man be jasoli Izaak wun lɛ be ɔli wia afiliɛ lɔ mɛn kun nun.

Bo Bolɛ 29:1

Zakɔb fali wia afiliɛ lɔfuɛ'm be atin'n.

Bo Bolɛ 32:14

Zakɔb lali lɛ le kun sɔ'n nun. Ɔ fɛli i sa nun ninnge'n wie kɛ ɔ ´fa ko cɛ i niaan bian Ezau.

Bo Bolɛ 34:23

I liɛ'n be nnɛn nin bé bo ninnge'm be ´yo e liɛ mlɔnmlɔn. Nan i ti-ɔ, amun man e kplin nga be kannin'n su nan be nin e tran.»

2 Samiɛl 12:2

Anyanbeunfuɛ'n lɛ bua nin nannin kpanngban kpa.

2 Famiɛn Mun 15:20

Sika sɔ'n i dedelɛ su'n, ɔ man sran lɔun-lɔun'm be kwlaa be mannin jɛtɛ ufue ablenun bé ti nun ti nun. Kɛ sika sɔ'n kannin Asiri famiɛn'n i sa'n, ɔ jasoli Izraɛl nvle'n nun ɔli i mɛn'n nun, ɔ'a sisi-mɛn i bo.

2 Famiɛn Mun 3:4

Mesa b'ɔ ti Moab famiɛn'n, ɔ ta bua kpanngban. Afuɛ nuan kwlaa ɔ su lapo man Izraɛl famiɛn'n. Bua ba akpi-akpi ya (100.000), ɔ nin bua nene akpi-akpi ya (100.000), ɔ nin bé wun ndrɛ'n yɛ ɔ fa man afuɛ kwlakwla-a.

1 Be Nyoliɛ 27:30

Ɔbil b'ɔ ti Ismaɛlfuɛ'n yɛ ɔ nian nyɔnngɔnmɛn'm be su-ɔ. Zɛkdia b'ɔ fin Mɛremɔt'n yɛ ɔ nian aflunmun bla'm be su-ɔ.

2 Be Nyoliɛ 26:10

Ɔ kplannin sua bɔ be di nun gladi'n aawlɛ flɛnnɛn'n nun lɔ. Ɔ kpɛli nzue gbo kpanngban mɛn'n i ngua lɔ nin lika kpɛtɛkplɛɛ'n nun lɔ, afin ɔ lɛ nnɛn kpanngban. Ɔ lɛ fie difuɛ mun nin vinyi fie su nianfuɛ mun bɔ be di i junman kpɔlɛ'm be su lɔ nin vinyi fie'm be nun'n, afin ɔ klo asiɛ wun junman bɔ be di'n kpa.

2 Be Nyoliɛ 32:29

Ɔ man be kplannin klɔ dandan wie mun. Ɔ nyannin bua mun, nin boli mun, ɔ nin nannin mun kpanngbangban kpa, afin Nyanmiɛn mɛnnin i anyanbeun dan.

Zɔb I Nyrɛnnɛn Wunlɛ 1:10

A sɛsɛ i, a sɛsɛ i awlo'n nin i bo ninnge'n kwlaa. Junman ng'ɔ di'n kwlaa a yo man ɔ yo ye. I nnɛn'm be tru mɛn wunmuan'n nun kpokpaa.

Zɔb I Nyrɛnnɛn Wunlɛ 1:4

I mma yasua'm be kle cɛn be kɔ be nun kun awlo be ko di cɛn. Be yo i sɔ sin yia nun. Kɛ be ´yo i sɔ'n, be flɛ be niaan bla nsan mun. Be nin be yɛ be di like yɛ be nɔn nzan-an.

Zɔb I Nyrɛnnɛn Wunlɛ 21:28

Amun usa kɛ: ?Sran nga be mian be wiengu mun fii'n, be sua'n wo nin? ?Sran nga be bu-man Nyanmiɛn like fi'n, be tranwlɛ'n wo nin?

Zɔb I Nyrɛnnɛn Wunlɛ 29:25

Min yɛ n ti be kpɛnngbɛn nin-ɔn, n kle be atin. Min nin be e tran kɛ famiɛn kun nin i sonja mun sa. Be nga be akunndan sanngan'n, min yɛ n fɔnvɔ be-ɔ.

Zɔb I Nyrɛnnɛn Wunlɛ 31:25

Ninnge kpakpa kpanngban annzɛ ninnge wafa-wafa nga n nyannin be'n, nán be ti yɛ n klun'n ɔ jɔli-ɔ.

Zɔb I Nyrɛnnɛn Wunlɛ 31:37

N ´kan ajalɛ kwlaa nga n tuli'n i nun ndɛ n ´kle Nyanmiɛn. Kɛ n ´kɔ i nyrun'n, n ´nanti kpa kɛ famiɛn ba wie sa.

Zɔb I Nyrɛnnɛn Wunlɛ 42:10

Kɛ Zɔb srɛli Nyanmiɛn mannin i janvuɛ mun'n, kpɛkuun Anannganman yoli man ɔ sinnin i osu laa'n nun. Anannganman yoli man i ninnge ng'ɔ lɛ i laa'n, ɔ wa nyɛnnin i sɔ kpɛ nnyɔn.

Zɔb I Nyrɛnnɛn Wunlɛ 42:12

Anannganman man Zɔb wa dili ye kpa trali klikli liɛ'n. Ɔ wa nyannin bua akpi-akpi blu-nin-nnan (14.000), nin nyɔnngɔnmɛn akpi nsiɛn (6.000), nin nannin nnyɔn-nnyɔn sɔ akpi, ɔ nin aflunmun bla akpi.

Nyanndra Mun 10:22

Kɛ sran kun ´nyɛn i wun sa'n, ɔ fin Anannganman. Ɔ man anyanbeun fin-man sran.

Zeremi 49:28

Klɔ nga Babilɔni famiɛn'n kwlali be'n be liɛ yɛ. Anannganman'n wan yoo: «Amun `jaso. Amun nin Kedar be `ko kun! Be `ko saci aawlɛ flɛnnɛn nun lɔfuɛ'm be lika'n.

Kalɛ 23:7

Balaam seli kɛ: «Moab famiɛn Balak ko flɛli min Siri mɛn'n nun lɔ oka-oka lika'n nun lɔ kɛ m bla wa. Ɔ seli min kɛ: Bla nan w'a bo Izraɛlfuɛ'm bɔ be ti Zakɔb i osu'n nunfuɛ'm be sannzan. Yo nan nyrɛnnɛn `tɔ bé su.

Jɔlɛ Difuɛ Mun 6:3

Kɛ Izraɛlfuɛ'm be ko lua be fie'm be su ninnge'n, wuun Madianfuɛ mun, nin Amalɛkfuɛ mun, ɔ nin be nga be tran wia afiliɛ lɔ'n b'a ba Izraɛlfuɛ'm be klunngbɔ wlalɛ.

Jɔlɛ Difuɛ Mun 6:5

Afin be ´ba'n, be fa be nnɛn mun, ɔ nin bé tannin sua mun yɛ be ba-a. Be kpanngban liɛ'n, a wun be sa-a, ɔ waan lalo mun-ɔn, be nin be nyɔnngɔnmɛn'm be tru lika nun sɔ trutrɛɛ yɛ be saci ninnge mun-ɔn.

Jɔlɛ Difuɛ Mun 7:12

Madianfuɛ mun, nin Amalɛkfuɛ mun, ɔ nin be nga be tran wia afiliɛ lɔ'n nun be ta oka i kongo nun kɛ lalo mun sa. Be nyɔnngɔnmɛn'm be kusu be sɔnnin kɛ jenvie nuan aunnyan'n sa.

Jɔlɛ Difuɛ Mun 8:10

Zebak nin Zalmɔna be nin be alɛ kunfuɛ mun be o Karkɔr. Sonja nga be kali'n be ti sran akpi-akpi blu-nin-nnun (15.000), be kwlaa be ti wia afiliɛ lɔ sran mun. Afin be nun akpi-akpi ya ablaɔn (120.000) be tɔli atin nun.

1 Samiɛl 25:2

Bian kun fin Kalɛb i osu nun. Ɔ fin Maɔn sanngɛ ɔ tran Karmɛl. Be flɛ bian sɔ'n kɛ Nabal, be flɛ i yi'n kɛ Abigail. Abigail si ngwlɛlɛ kpa yɛ ɔ ti klanman, yasua'n kusu ti tɛ, i like yolɛ yo ya. Sanngɛ ɔ ti sran dan kpa. I bua'm be ti akpi nsan (3.000), yɛ i boli'm be ti akpi. I nnɛn sɔ'm be ndrɛ kpɛlɛ juli.

1 Samiɛl 27:9

Kɛ David ko kwla be'n, ɔ yaci-man sran fi lɛ, i bla o, i yasua o, ɔ kun be! Ɔ fa bua mun, nin nannin mun, nin aflunmun mun, nin nyɔnngɔnmɛn mun, nin tralɛ mun, ɔ nin tannin mun, kpɛkuun ɔ sɛ i sin wa to Akis.