Jean 9:7 - NYANMIƐN NDƐ'N 1998

⁷ yɛ ɔ seli i kɛ ɔ ɔ ko wunnzin i nyrun gble nga be flɛ i Silɔe'n nun. Dunman sɔ'n i bo yɛlɛ Sunmanfuɛ. Ɔ ɔli lɔ ko wunnzinnin nun, kɛ ɔ ´sɛ i sin'n, ɔ'a wun ase.

Nyanmien nde Ufle

⁷ ye o sé i ke, o o kô wunnzin i nyrun gblé nga bé flee Siloé'n nun. Dunman so'n i bô yele Sunmanfue. O o lo kô wunnzin nun, ke oh seh i sin'n, wa wun asé.

Jean 9:7 ပူးပေါင်းရင်းမြစ်များ

Neemi 3:15

Kɔl-Oze i wa Salɔm b'ɔ ti Mizpa asa'n su kpɛnngbɛn'n ɔ yoli Nzue ti anuan'n. Ɔ kplannin talɛ'n, ɔ tuli su nan ɔ'a wla anuan'n nin i sin blalɛ'n nin i gboklo mun. I sin ɔ kplannin talɛ ng'ɔ o Silɔe fɛtɛ wun lɛ'n, b'ɔ o famiɛn'n i fie nin asikalie ng'ɔ fin David klɔ'n su lɔ jra'n be afiɛn lɛ.

Jue Mun 146:8

Anannganman tike anyansifuɛ'm bé nyin. Be nga awlaboɛ'n ɔ'a kun be'n, ɔ wla be nun fanngan. Ɔ klo be b'ɔ bu be sran kpa'n .

Ezipt Lɔ Tulɛ'n 4:11

Anannganman usɛli i kɛ: «?Wan yɛ ɔ man sran'n i nuan kpa nin-ɔn? ?Wan yɛ ɔ yo man sran yo bobofuɛ annzɛ sutrefuɛ nin-ɔn? ?Wan yɛ ɔ yo man sran wun ase annzɛ ɔ yo anyansifuɛ nin-ɔn? ?Nán m bɔbɔ min Anannganman nin-ɔn?

Ezai 32:3

Be nga be nyinma'n gua su'n, ɔ su si-man. Be nga bé su'n ti tikewa'n, be ´sie be su.

Ezai 35:5

I blɛ sɔ nun'n, anyansifuɛ'm be ´wun ase, sutrefuɛ'm be ´ti sa.

Ezai 42:7

N yi wɔ kɛ a tike anyansifuɛ'm be nyinma, n yi wɔ kɛ a yi bisuafuɛ'm be bisua'n nun fite, n yi wɔ kɛ a yi be nga be o aosin tuun nun mun fite .

Ezai 43:8

Nvle bɔ i nunfuɛ'm be nyinma'm be o lɛ bɔ sanngɛ be wun-man ase'n, bɔ bé su'm be o lɛ bɔ sanngɛ be ti-man sa'n, man be yi be fite wa.

Ezai 8:6

«Kɛ bɔ nvle nga nunfuɛ'm be yoli Silɔe nzue'n b'ɔ sonji blɛblɛblɛ'n i finfin'n, kɛ bɔ Rɛzɛn nin Rɛmalia i wa'n be ti yɛ be klun jɔ'n,

Matthieu 11:5

An ´se i kɛ, anyansifuɛ'm be wun ase, cɛcɛwafuɛ'm be nanti, kokowefuɛ'm be kokowe'n wie, sutrefuɛ'm be ti sa, be nga be wuli'n be cɛn, yɛ be bo jasin fɛ'n kle yalɛfuɛ mun .

JÉSUS-CHRIST I DYASIN FE'N BO LUC KLELI'N 13:4

?Yɛ sran blu-nin-mɔcuɛ bɔ Silɔe akpa fleiin'n bu tɔli be su kunnin be'n, an bu i kɛ bé wun sa liɛ'n tra Zerizalɛmfuɛ'n kwlaa be liɛ'n?

JÉSUS-CHRIST I DYASIN FE'N BO LUC KLELI'N 2:32

«Ɔ ti kɛ wia'n sa, ɔ wa kpaja nvle bɔ be ti-man Zuif'n be nyrun,» yɛ ɔ ti ɔ sran Izraɛlfuɛ'm be anyrunnyan like .

Jean 10:36

?Sɛ ɔ ti sɔ'n, m bɔ Nyanmiɛn fa min sieli kɛ n di i junman'n, b'ɔ sunmannin min mɛn nun'n kɛ n se kɛ n ti i Wa'n, nguɛ ti yɛ an se kɛ n saci i dunman-an?

Jean 11:37

Be wie'm be seli kɛ: «?I b'ɔ tikeli anyansifuɛ'n i nyinma'n, ɔ yo sɛ yɛ ɔ yacili bian nga lɛ ɔ wuli-ɔ?»

Jean 9:11

Ɔ seli be kɛ: «Bian nga be flɛ i kɛ Jésus'n, ɔ kpita nnɔtiɛ fa kpɛli mín nyin su, ɔ seli n kɛ n ko wunnzin nun Silɔe'n nun. N wɔli n ko wunnzinnin nun, kpɛkuun m'an wun ase.»

Jean 9:39

Yɛ Jésus seli kɛ: «M bali mɛn'n nun sran'm be nun kpalɛ nan be nga be wun-man ase'n be `wun ase, yɛ be nga be wun ase'n, be `kaci anyansifuɛ.»

Sa nga bé yôli'n 26:18

N ´sunman wɔ kɛ a tike bé nyin nan be jao aosin'n nun be bla weiin nun, nan be jao Satan sa nun be bla Nyanmiɛn sin nan ɔ yaci bé wun sa'n cɛ be, yɛ like nga be nga be lafi n su'n bɔ i ti yɛ be kaci n liɛ'n be nyɛn i'n, be ´nyan be liɛ.› »

Rɔmfuɛ Mun 8:3

Like nga Moiz mmla'n kwlɛ-mɛn i yo'n klɔ sran i nzuɛn'n ti'n, Nyanmiɛn bɔbɔ yoli. Kɛ ɔ yoli man i bɔbɔ i Wa'n kacili kɛ klɔ sran b'ɔ yo sa tɛ sa'n, b'ɔ sunmɛnnin i kɛ ɔ `yo tɛ nnɛn'n, ɔ kle kɛ sa tɛ b'ɔ ti klɔ sran nzuɛn'n ti tɛ, ɔ man sɛ ɔ wie'n, ɔ ti i su .

Galasifuɛ Mun 4:4

Sanngɛ kɛ blɛ nga Nyanmiɛn sieli'n juli'n, ɔ sunmɛnnin i Wa'n, bla kun wuli i, ɔ dili mmla'n su.