Jean 9:16 - NYANMIƐN NDƐ'N 1998

¹⁶ Farizifuɛ'm be wie'm be seli kɛ: «Bian sɔ'n ci-man wunmiɛn-delɛ-cɛn'n, ɔ man nán Nyanmiɛn yɛ ɔ sunmɛnnin i-ɔ.» Be wie'm be kusu be waan: «?Sɛ sran kun ti sa tɛ yofuɛ'n, ɔ yo sɛ yɛ ɔ kwla yi atrɛ kɛ nga sa-a?» Kpɛkuun b'a bu bé wun nun.

Nyanmien nde Ufle

¹⁶ Pharisifue'm bé wié'm bé sé ke: Bian so'n tyi'a sabbat'n, o man nanh Nyanmien ye o sunmeen io. Bé wié'm bé kusu bé waan: ?Se swran kun ti sa te yôfue'n, o yô se ye o kwla yi atre ke nga saa? Kpekuun ba bu bé wun nun.

Jean 9:16 ပူးပေါင်းရင်းမြစ်များ

Matthieu 12:10

Bian kun o lɛ bɔ i sa'n ti wuwa. Be usali Jésus kɛ: «?Be kwla yo sran juejue wunmiɛn-delɛ-cɛn nun?» Be usɛli i sɔ nan be ´jran su be sɛnmɛn i.

Matthieu 12:2

Kɛ Farizifuɛ'm be wunnin i sɔ'n, be seli Jésus kɛ: «Nian, ɔ sɔnnzɔnfuɛ'm be yo like nga sran lɛ-man atin kɛ ɔ `yo i wunmiɛn-delɛ-cɛn'n nun'n.»

JÉSUS-CHRIST I DYASIN FE'N BO LUC KLELI'N 13:14

Sanngɛ bla i juejue bɔ Jésus yoli i wunmiɛn-delɛ-cɛn nun'n, ɔ yoli Nyanmiɛn ndɛ suanlɛ nin i srɛlɛ sua su kpɛn'n i ya, nan ɔ'a se sran'm be kɛ: «Cɛn nga be fa di junman'n ɔ ti cɛn ba nsiɛn, an `bla cɛn sɔ'm be nun man be yo amun juejue, nán an ba wunmiɛn-delɛ-cɛn nun kun .»

Jean 10:19

Ndɛ sɔ'n ti Zuif'm be buli bé wun nun ekun.

Jean 14:11

Kɛ n se kɛ min nin e Si'n e ti kun'n, an `lafi su. Sɛ an lafi-mɛn i sɔ'n su'n, an `lafi su like nga n yo be'm be ti.

Jean 15:24

Sɛ m'an yo-man like nga sran fi nian yo-mɛn i le be nyrun b'a wun-mɛn i'n, wuun be su bu-man bé sa tɛ yofuɛ. Sanngɛ kɛ n wa yoli bɔ be wunnin i'n ti'n, be kpɔ min nin n Si.

Jean 2:11

Sa sɔ'n yoli Kana lɔ. Galile mɛn'n nun. Yɛ ɔ ti atrɛ bɔ Jésus yili be'n be nun klikli nin-ɔn. Ɔ yili i wun nglo yɛ i sɔnnzɔnfuɛ'm be lafi i su-ɔ .

Jean 5:10

Wunmiɛn-delɛ-cɛn'n nun yɛ ɔ yoli sa sɔ nin-ɔn. Ɔ man Zuif'm be seli bian ng'ɔ yoli juejue'n kɛ: «Ndɛ ti wunmiɛn-delɛ-cɛn, nán sua ɔ bɛ'n.»

Jean 5:36

Lalofuɛ nga n lɛ i'n, i ndɛ b'ɔ kan'n ti dan tra ayɛ nga Zan yili min'n, afin like nga n Si kle n kɛ n yo'n, bɔ n yo be'n, ɔ kle kɛ n Si yɛ ɔ sunmannin min-ɔn.

Jean 6:52

I sɔ'n ti'n, akplowa tɔli Zuif'm be afiɛn, be seli kɛ: «Ɔ yo sɛ yɛ i li waan ɔ kwla fɛ i wun man e kɛ e di-ɔ?»

Jean 7:12

Sran kpanngban be tuli i wun aswre, wie'm be waan Sran kpa-a. Wie'm be kusu be waan: «Nán sran kpa-a ɔ ti sran sacifuɛ.»

Jean 7:23

?Sɛ an wla be klɛn wunmiɛn-delɛ-cɛn'n nun-ɔn amu'an saci-man Moiz mmla'n, wuun nguɛ ti yɛ klɔ sran wunmuan kun bɔ n yo i juejue wunmiɛn-delɛ-cɛn'n nun'n ti an fa min wun ya-a?

Jean 7:43

I sɔ'n ti sran'm be bubuli bé wun nun.

Jean 9:24

Farizifuɛ'm be flɛli anyansifuɛ'n ekun yɛ be seli i kɛ: «La Nyanmiɛn ase, e si kɛ bian sɔ'n ti sa tɛ yofuɛ.»

Sa nga bé yôli'n 14:4

Klɔfuɛ'm be buli bé wun nun, wie'm be jin Zuif'm bé sin, wie'm be kusu be jin be bɔ Jésus sunmannin be'n bé sin.