Jean 8:6 - NYANMIƐN NDƐ'N 1998

⁶ Be kɛnnin i sɔ kɛ be ´fa sɛ i nian nan be ´nyan sa wie jran su sɛnmɛn i. Sanngɛ Jésus kɛnnin i wun ase ɔ fɛ i sa klɛklɛ asiɛ wun.

Nyanmien nde Ufle

⁶ Bé keen i so ke béh fah se nian nan béh nyanh sa wié dyran su senmen. Sannge Jésus keen i wun asé o fe i sa klekle asie wun.

Jean 8:6 ပူးပေါင်းရင်းမြစ်များ

Bo Bolɛ 49:9

Mín wa Zida, a ti kɛ jra gbanflɛn kun b'ɔ fin i nnɛn dilɛ ɔ'a ba i lawlɛ, bɔ ɔ'a koto i ja'n su ɔ'a la'n sa. ?Kɛ jra yasua annzɛ bla ɔ ko la'n, be ´yo i sɛ bɔ cɛ yɛ ɔ ´jaso-ɔ?

Jue Mun 39:1

Jue nga ti David liɛ. Ɔ o jue tofuɛ'm be su kpɛn'n nin Zɛditɛn be fluwa'm be nun wie. I waan:

Nyanndra Mun 26:17

Sran nga b'ɔ ´sin kɔ i lika, bɔ sran wie'm be ´kan be ndɛ-ɔ ɔ fɛ i wun wla nun'n, i sɔ sran'n ti kɛ sran bɔ alua wie o i olɛ lɛ b'ɔ ko sɔ i sukpɔ'n sa.

Akunndanfuɛ'n 3:7

Ɔ lɛ blɛ kun bɔ be fa titi be wun ninnge'm be nun-ɔn, yɛ ɔ lɛ blɛ kun bɔ be fa kpa be nun-ɔn. Ɔ lɛ blɛ kun bɔ be fa muan bé nuan-an, yɛ ɔ lɛ blɛ kun bɔ be fa ijɔ-ɔ .

Zeremi 17:13

Anannganman, wɔ bɔ ɔ su yɛ Izraɛl i wla'n wo'n, be bɔ be kaci be sin be si wɔ'n be ´wun nyannzuɛn. Be bɔ be yaci wɔ lɛ kɔ like uflɛ sin'n, be ti kɛ dunman bɔ b'a klɛ i aunnyan nun bɔ i nunnunlɛ ɔ yo-man ya'n sa. Afin Anannganman b'ɔ ti kɛ nzue ti kun bɔ i nun nzue'n ti klengle b'ɔ wie-man nun le sa'n, b'a yaci i lɛ.

Daniɛl 5:5

I osu kunngba sɔ'n nun'n, be ´nian-an sran sa yɛ ɔ o kannin siewlɛ'n wun koko yɛ. Ɔ su klɛklɛ like wie famiɛn'n i sua'n i talɛ'n bɔ be kɛnnin i ayre ufue'n su. Famiɛn'n wunnin sran sa'n b'ɔ su klɛ like'n.

Amɔs 5:10

Kɛ be ´kan ndɛ'n, sran ng'ɔ di nanwlɛ'n yɛ amun kpɔ i-ɔ.

Amɔs 5:13

Blɛ'n ɔ'a yo kekle. I sɔ'n ti, be nga be si ngwlɛlɛ'n, be wun ndɛ-ɔ be kwla kan-man.

Kalɛ 14:22

Be kwlaa nga be wunnin min anyrunnyan'n nin min atrɛ nga n yili be Ezipt lɔ'n nin aawlɛ flɛnnɛn'n nun lɔ'n, bɔ b'a dun mmua b'a klɔklɔ min kpɛ blu'n, bɔ bé nyin a yi-man min'n,

Matthieu 10:16

«An `nian, amun bɔ an ti kɛ bua mun sa'n, n ´sunman amun gboklo'm be afiɛn. I sɔ'n ti, an `yo ngwlɛlɛfuɛ kɛ wuo sa, yɛ an `yo wɛtɛɛfuɛ kɛ auble sa.

Matthieu 15:23

Asiɛ usu kun kle ń wa talua'n i nyrɛnnɛn dan kpa.» Sanngɛ Jésus a tɛ-mɛn i su mlɔnmlɔn. Yɛ i sɔnnzɔnfuɛ'm be wunngeli i wun lɛ nan b'a se i kɛ: «Ɔ kpan su ye su, i ti kɛn i bo.»

Matthieu 16:1

Farizifuɛ mun nin Sadisefuɛ'm be bali Jésus wun lɛ kɛ be ´kɛn i nian, be seli i kɛ ɔ yi nyanmiɛn su lɔ atrɛ kun kle be.

Matthieu 19:3

Farizifuɛ'm be bɛli i wun lɛ, be waan be kɛn i nian ti be usɛli i kɛ: «?Yasua kun lɛ atin kɛ ɔ `yrɛ i yi sa wie ti?»

Matthieu 22:18

Sanngɛ Jésus b'ɔ si be akunndan tɛ bɔ be bu'n, ɔ usali be kɛ: «?Gblɛ tofuɛ mun, nguɛ ti yɛ an kan min nian-an?

Matthieu 22:35

Nan be nun kun b'ɔ ti mmla'n i sifuɛ'n ɔ'a usɛ i sa kun kɛ ɔ ´fa sɛ i nian. Ɔ usɛli i kɛ:

Matthieu 26:63

Sanngɛ Jésus a uke-mɛn i nuan. Yɛ Nyanmiɛn nyrun jranfuɛ'm be su kpɛn'n seli i kɛ: «N ´srɛ wɔ, nian Nyanmiɛn b'ɔ lafi-man'n ti, sɛ a ti Krist Nyanmiɛn Wa'n, kan kle ye.»

Marc 10:2

Farizifuɛ wie'm be bɛli i wun lɛ. Be waan be kɛn i nian ti be usɛli i sɛ yasua lɛ atin kɛ ɔ yrɛ i yi o.

Marc 12:15

Kɛ Jésus wunnin kɛ be su to i gblɛ'n, ɔ seli be kɛ: «?Nzu ti yɛ an kan min nian-an? An `fa denie kun blɛ min man n nian.»

Marc 3:2

Be nga be o lɛ'n, kɛ ɔ ´yo nan b'a kwla sanman Jésus'n ti, be niɛn-niɛn i sɛ ɔ ´yo bian sɔ'n juejue wunmiɛn-delɛ-cɛn nun o.

Marc 8:11

Farizifuɛ'm be bali kpɛkuun be nin Jésus su si akplowa. Be waan be kɛn i nian ti be seli i kɛ ɔ yi nyanmiɛn su lɔ atrɛ kun.

JÉSUS-CHRIST I DYASIN FE'N BO LUC KLELI'N 10:25

Mmla sifuɛ kun waan ɔ ´kan Jésus nian ti ɔ jaoli nan ɔ'a usɛ i kɛ: «?Nja, nguɛ yɛ n `yo nan m'an nyan anannganman nguan nin-ɔn?»

JÉSUS-CHRIST I DYASIN FE'N BO LUC KLELI'N 11:16

Sran wie'm be waan be kan Jésus be nian ti be seli i kɛ ɔ yi Nyanmiɛn su lɔ atrɛ kun kle be.

Jean 8:2

Kɛ aliɛ cɛnnin nglɛmun kpa'n, ɔ sɛli i sin Nyanmiɛn i sua'n nun lɔ ekun. Sran'm be kwlaa be bɛli i wun lɛ. Ɔ trannin ase yɛ ɔ sɔli be like klelɛ'n su-ɔ.

1 Korɛntfuɛ Mun 10:9

Nán man e kunndɛ e Min'n i nuan kɛ be nun wie'm be kunndɛli b'ɔ man wuo'm be kunnin be'n sa .