Jean 8:41 - NYANMIƐN NDƐ'N 1998

⁴¹ Like nga amún si yo'n, i wie yɛ an yo-ɔ.» Be seli i kɛ: «Nán tekle ba yɛlɛ ye. E si ti kunngba cɛ, é si sɔ'n yɛlɛ Nyanmiɛn.»

Nyanmien nde Ufle

⁴¹ Liké nga amun si'n yô'n, i wié ye an yôo. Bé sé i ke: Nanh téklé ba yele é. É si ti kunngba tye, é si so'n yele Nyanmien.

Jean 8:41 ပူးပေါင်းရင်းမြစ်များ

Ezipt Lɔ Tulɛ'n 4:22

I blɛ sɔ nun'n, se i kɛ: ‹Ndɛ nga Anannganman kan'n yɛ: Izraɛl nvle'n ti kɛ min wa yasua sa, min wa yasua klikli nin-ɔn.

Ezai 63:16

Sanngɛ wɔ yɛ a ti é si nin-ɔn, Abraam si-man ye, Zakɔb kusu si-man ye. Wɔ Anannganman yɛ a ti é si nin-ɔn. Kɛ ɔ fin lalaa'n, be flɛ wɔ kɛ E Ti Kpɔfuɛ.

Ezai 64:8

Anannganman, nán fa ya kpe nun, nán man sa tɛ nga e yo be'm be ´ka ɔ klun titi sɔ. Nian, e kwlaa e ti ɔ sran.

Zeremi 3:19

Sɛ n ´kwla se'n, laa n waan: «N klo kɛ n ´fa wɔ n ´yo min wa yasua klikli nan m ´man wɔ mɛn klanman kpa kun bɔ i yɛ ɔ ti mɛn'm be kwlakwla be nun klanman nin-ɔn. N waan: ‹A wa flɛ min kɛ Baba.› A su kpɔci-man min.

Zeremi 31:20

Efraim ti mín wa kun bɔ n klo i. Min mma'm be nun'n, i yɛ n klo i dan-an. Kɛ m ´mɛn i ndɛ'n, wuun blɛ liɛ b'a se kɛ mín nyin `kpɛn kpɛn i su-ɔ. N klo i kekleke. I ti san n ´si i aunnvuɛ.» Anannganman'n yɛ ɔ kan sɔ-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 1:2

Ndɛ nga Anannganman'n fa wlali Oze nuan'n, i bo bolɛ'n yɛ. Ɔ seli Oze kɛ: «Ko ja tekle bla kun nan a nin i be `wu wlaka ba. Afin min sran nga be o min mɛn'n nun'n, tekle'n yɛ be si-ɔ. Sa ti bɔ n se kɛ be si tekle'n yɛlɛ kɛ, be kacili bé sin be sili min, kpɛkuun amuɛn mun yɛ be sɔ be-ɔ.»

Malasi 1:6

Min Anannganman bɔ n sie mɛn wunmuan'n, n se min nyrun jranfuɛ'm be kɛ yoo: «Bakan kwlaa i nyin yi i si, sran ng'ɔ ti afanniɛn'n kusu i nyin yi i min'n. ?Yɛ min li, nán min yɛ n ti amún si, ɔ nin amun min nin-ɔn? ?Yɛ ɔ yo sɛ, bɔ amún nyin yi-man min, bɔ amun sro-man min-ɔn? Amun yo min finfin, kpɛkuun amun usa kɛ: ‹?Finfin sɛ yɛ e yo wɔ-ɔ?›

Malasi 2:11

Zidafuɛ'm be fɔnnin Nyanmiɛn wun, be yoli sa tɛtɛ Izraɛl mɛn wunmuan'n nun, be yoli sa tɛtɛ Zerizalɛm lɔ. Yɛlɛ kɛ be yoli Anannganman i anwlɛn su like'n i finfin. Be jali nvle nun bla nga be sɔ amuɛn mun .

Jean 8:38

Like nga n wunnin i mín Si wun lɔ'n, i ndɛ yɛ n kan-an, yɛ amun kusu, like nga amún si liɛ'n kleli amun'n, yɛ an yo-ɔ.»

Jean 8:44

Amún si'n yɛlɛ mmusu'm bé si Satan'n, yɛ an klo kɛ amun ´yo amún si sɔ'n i klun sa. Kɛ ɔ fin i bo bolɛ nun'n, ɔ ti sran kunfuɛ, ɔ di-man nanwlɛ mlɔnmlɔn, afin ɔ si-man nanwlɛ'n. Ɔ bua ato, afin ato'n ti i nzuɛn, ato'n ti i junman, i yɛ ɔ ti ato buafuɛ'm be si nin-ɔn.

Mmla'n 14:1

Amun ti Anannganman amun Nyanmiɛn'n i mma mun. Sɛ amun sran wu'n, nán amun bobo amun wun kannin, nán amun yi amun ti'n i bue kun amun ngban su wa .

Mmla'n 32:6

?Amun waan amun fa amun sa tɛ sɔ'n guɛ i Anannganman su? Amun lɛ-man akunndan. ?Nzu sran yɛ be sinnzin'n cɛnnin sɔ-ɔ? ?Ɔ ti-man amun si? ?Nán i yɛ ɔ jrali amun-ɔn? ?Nɛ́n i yɛ ɔ fali amun fa yoli i nvle nin-ɔn?

1 Jean 3:12

Nán man e yo kɛ Kaɛn bɔ kɛ ɔ ti Klunwifuɛ'n i liɛ'n ti ɔ kunnin i niaan bian'n sa. ?Nzu ti yɛ ɔ kunnin i-ɔ? Yɛlɛ kɛ sa nga i bɔbɔ yo be'n be kɔ-man atin su, sanngɛ i niaan bian liɛ'n kɔ atin su .