Jean 8:32 - NYANMIƐN NDƐ'N 1998

³² wuun amun ´si ndɛ ng'ɔ ti nanwlɛ'n, yɛ ndɛ nanwlɛ sɔ'n ti amun ´nyan amún ti.»

Nyanmien nde Ufle

³² Amunh sih nde ng'o ti nanwle'n, ye nde nanwle so'n ti amunh nyanh amunh ti.

Jean 8:32 ပူးပေါင်းရင်းမြစ်များ

Rɔmfuɛ Mun 8:2

Afin Nyanmiɛn Wawɛ'n kle sa uflɛ b'ɔ man be bɔ be nin Krist-Jésus b'a kaci sran wunmuan'n be ´nyan nguan. Ɔ man m'an nyan n ti sa tɛ'n nin wie'n bé sa nun.

Jean 8:36

Sɛ Nyanmiɛn Wa'n kpɔ amún ti'n, amun ´nyan amún ti mlɔnmlɔn.

Jean 17:17

Yo man be kaci ɔ liɛ mlɔnmlɔn nanwlɛ'n ti, ɔ ndɛ'n ti nanwlɛ.

1 Piɛr 2:16

Amu'an nyan amún ti, i sɔ'n ti, an `yo sa ng'ɔ ti kpa'n. Nán amún ti nyanlɛ sɔ'n kaci sa tɛ, sanngɛ man be wun kɛ an ti Nyanmiɛn i sran mun.

Jean 14:6

Jésus seli i kɛ: «Min yɛ n ti atin nin nanwlɛ nin nguan nin-ɔn. Sran nga ɔ'a sin-man min nun'n, ɔ ju-man e Si wun lɔ.

Rɔmfuɛ Mun 6:22

Sanngɛ siɛn'n bɔ Nyanmiɛn a de amún nzuɛn tɛtɛ'n nun bɔ amu'an kaci i kanga'n, like nga an nyɛn i nun'n yɛlɛ Nyanmiɛn nzuɛn bɔ an fa'n, bɔ i agualiɛ yɛlɛ anannganman nguan'n.

Ezai 61:1

Anannganman Nyanmiɛn i Wawɛ'n wo mín su, afin Anannganman guali n su ngo kɛ m `bo jasin fɛ'n n kle yalɛfuɛ mun. Ɔ sunmannin min kɛ n wa cici be nga be anwlɛn'n ɔ'a kpɔtɔ be klun'n be wla, nan n `kan kle be bɔ be trali be lomuɛn'n kɛ be ´nyan be ti, yɛ n `se be nga be ti bisuafuɛ'm be kɛ be ´nyan alaje .

Jue Mun 25:5

Yo man n fa ɔ nanwlɛ atin'n, kle min ngwlɛlɛ man n si i, afin a ti min Nyanmiɛn, a ti min defuɛ. Ɔ su yɛ n fa min wla'n n gua-a.

Jacques 1:25

Sanngɛ Nyanmiɛn mmla'n b'ɔ ti niannun kpa'n, b'ɔ man sran'm be nyan bé ti'n, sran ng'ɔ nian nun'n, b'ɔ nian nun tititi'n, bɔ kɛ ɔ ti mmla'n i wla fi-man sanngɛ ɔ fa su'n, Nyanmiɛn man like ng'ɔ yo'n ɔ ´yo ye.

Galasifuɛ Mun 5:1

Alaje dilɛ ti yɛ Krist kpɔli é ti-ɔ. I sɔ'n ti'n, an `jran kekle, nán an fa amun wun wla kanga'n nun.

Jacques 2:12

Kɛ be wa jran mmla b'ɔ man e nyan é ti'n su di jɔlɛ'n ti, ɔ man ndɛ nga amun ´kan'n, nin like nga amun ´yo'n, an `yo i i nuan su.

Galasifuɛ Mun 5:13

Aniaan mun, Nyanmiɛn flɛli amun kɛ an nyan amún ti, sanngɛ amún ti bɔ amun nyɛn i sɔ'n ti'n, nán an yo klɔ sran nyoliɛ'n, sanngɛ an `bu amun wun kɛ an ti amun wiengu kanga, an `uka amún wun klolɛ bɔ an klo amun wun'n ti.

Zeremi 6:16

Anannganman'n wan yoo: «An `jran atin'm be su nian. Ajalɛ nga amu'an fɛ i lɛ'n, an `jran kan nan amun nian. An `usa be bɔ be fali laa atin mun'n. An `kunndɛ atin kpa'n an `fa su nan amu'an di alaje .» Sanngɛ be waan: «Cɛcɛ, e kpli-man su.»

Jean 7:17

Sran ng'ɔ klo kɛ ɔ ´yo Nyanmiɛn klun sa'n, ɔ ´si kɛ like nga n kle'n ɔ fin i annzɛ m bɔbɔ n kpɛ n klun yɛ n kle-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 6:3

Man e si Anannganman. Amun man e kunndɛ kɛ e ´si i, afin i balɛ'n ti kɛ aliɛ b'ɔ cɛn b'ɔ to fuan-man'n sa. I balɛ'n wa yo kɛ nzue b'ɔ kpiti kpli tɔ'n sa. Ɔ wa yo kɛ munngun nun nzue b'ɔ man asiɛ'n jɔ'n sa.»

Rɔmfuɛ Mun 8:15

Afin Nyanmiɛn i Wawɛ'n b'ɔ fa mannin amun'n, i liɛ'n, ɔ fa-man amun kaci-man kanga, yɛ ɔ wla-man amun srɛ, sanngɛ ɔ fa amun kaci kɛ Nyanmiɛn klun ba sa. I sɔ'n ti'n, e kwla kpan flɛ Nyanmiɛn kɛ: «Baba!»

Jean 16:13

Kɛ Nyanmiɛn Wawɛ'n b'ɔ ti Nanwlɛfuɛ'n ko ba'n, ɔ ´kle amun sa ng'ɔ ti nanwlɛ'n i kwlaa, afin ndɛ ng'ɔ ´kan'n, ɔ su kpɛ-mɛn i ti nun yɛ ɔ ´kan-an, sanngɛ ndɛ'n ng'ɔ tili'n i kwlaa yɛ ɔ ´kan-an, yɛ ɔ ´bo sa nga be wa ba'n be su kle amun.

Ezai 30:21

Sɛ fama su annzɛ bɛ su yɛ ɔ fata kɛ amun wɔ'n, amun wa ti aniɛn kun b'ɔ ´kpan su amun su. Ɔ ´se kɛ: «Atin'n yɛ ɔ o yɛ, amun `fa su.»

Nyanndra Mun 1:23

Nán amun yo sɔ. Sɛ an kpɛ amún nyin be ti min afɔtuɛ ndɛ'n, n ´fa n wawɛ'n n ´wla amun nun, yɛ n ´tike min akunndan'm be su n `kle amun .

2 Timote 3:7

Bla sɔ mun be klo kɛ be `kle be like titi, be kle be sanngɛ be kwla wun-man ndɛ b'ɔ ti nanwlɛ'n i wlɛ mlɔnmlɔn.

Ezai 35:8

Be wa yi atin kun ´sin lɛ. Be flɛ i kɛ Atin B'ɔ Ti Ngunmin'n. Sran fiɛn fi su sin-man nun, ɔ ´yo Anannganman i nvle nunfuɛ'm be ngunmin be sinwlɛ. Be nga be ´fa su'n, kannzɛ be ti sinnglinfuɛ bɔbɔ'n, be su kwla mlin-man.

Jue Mun 119:45

Kɛ n ´nanti'n n ´kɔ'n, n fa-man like fi'n tanndan-man mín ja nun. Ɔ mmla nga a sie be'n, be yɛ n kunndɛ-ɔ.

Nyanndra Mun 4:18

Kɛ wia'n tu i bo b'ɔ ´kɔ'n, wuun i kpajalɛ'n ´uka su lele wia fa jran, sran kpa'n kusu kɛ i nzuɛn'n ti weiin sɔ-ɔ .

Nyanndra Mun 1:29

Sa ti bɔ amun su wun-man min'n yɛlɛ ngwlɛlɛ bɔ amu'an klo-mɛn i'n, yɛlɛ amún nyin bɔ ɔ'a yi-man Anannganman'n.

Jean 6:45

Nyanmiɛn nuan ijɔfuɛ'm be klɛli i kɛ: ‹Nyanmiɛn wa kle be kwlaa be like .› Sran kwlaa ng'ɔ ti n Si i ndɛ'n b'ɔ fa su'n, ɔ ´ba ń sin.

Ezai 54:13

Amun mma'm be kwlaa be ´yo min sɔnnzɔnfuɛ. Be ninnge'm be wa yo ye kpa bé sa nun .

Ezai 2:3

Sran kpanngban kpa be ´tu ajalɛ be ´kɔ. Be ´se kɛ: «Amun `bla man e wɔ Anannganman i oka'n su lɔ, man e wɔ Zakɔb i Nyanmiɛn'n i sua'n nun lɔ. Ɔ ´kle e i atin mun, yɛ e ´nanti i akpɔ'm be su.» Afin Siɔn lɔ yɛ mmla'n ɔ fin-ɔn, Zerizalɛm lɔ yɛ Anannganman i nuan ndɛ'n ɔ fin ba-a.

Matthieu 11:29

An `fa amún ti wla n kɔmin su waka'n bo, yɛ an `fa min nzuɛn'n su, afin n ti sran wɛtɛɛ yɛ min anwlɛn'n ti flɔlɔ. Yɛ amún wla wa gua ase .

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 1:17

Moiz yɛ Nyanmiɛn man ɔ fa mmla'n mannin ye-ɔ, Jésus-Krist kusu yɛ ɔ fa ye yolɛ'n nin nanwlɛ'n bali-ɔ .

1 Korɛntfuɛ Mun 7:22

Sran kun nga kɛ Nyanmiɛn ´flɛ i'n ɔ ti kanga'n, ɔ kaci diewa ba e Min'n sa nun, i kunngba'n kusu sran nga kɛ Nyanmiɛn ´flɛ i'n ɔ ti diewa'n, ɔ kaci Krist i kanga.

2 Jean 1:1

Mmo, m bɔ n ti kpɛnngbɛn'n, n ´klɛ fluwa nga m ´blɛ wɔ bɔ Nyanmiɛn fali wɔ'n, n ´klɛ m ´blɛ wɔ nin ɔ mma mun bɔ n klo amún sa kpa'n. Nán min ngunmin yɛ n klo amún sa-a, be kwlaa nga be si ndɛ nanwlɛ'n, be klo amun wie.

Saun Yolɛ 25:41

I sɔ blɛ'n nun'n, amun `yaci i nin i mma'm be nun, man be sa be sin i awlo'n nun nan asiɛ nga be ti i liɛ'n, ɔ `fa be.