Jean 8:14 - NYANMIƐN NDƐ'N 1998

¹⁴ Jésus seli be kɛ: «Ɔ ti nanwlɛ kɛ n kan m bɔbɔ min wun ndɛ, kannzɛ n kɛn i sɔ'n, ɔ ti nanwlɛ, afin n si n finwlɛ nin n kɔwlɛ. Sanngɛ an si-man n finwlɛ nin n kɔwlɛ.

Nyanmien nde Ufle

¹⁴ Jésus sé bé ke: O ti nanwle ke n kan m bobo min wun nde, kannze n ken i so'n, o ti nanwle, afin n si n finwle nin n kowle. Sannge an si'a n finwle nin n kowle.

Jean 8:14 ပူးပေါင်းရင်းမြစ်များ

Jean 16:28

N fin e Si'n wun lɔ yɛ m bali-ɔ. Siɛn'n, n su jao mɛn nga nun n ´kɔ i wun lɔ ekun.»

Jean 13:3

Jésus bɔbɔ si weiin kɛ i Si fali like'n kwlaa wlɛli i sa nun, ɔ si kɛ ɔ fin i Si Nyanmiɛn wun lɔ, yɛ ɔ su wa kɔ lɔ ekun.

Jean 14:10

?A lafi-man su kɛ min nin e Si'n e ti sran wunmuan? Ndɛ nga n kan kle amun'n, n kpɛ-man n ti nun yɛ n kan-an. E Si b'ɔ nin min ti kun titi'n, i bɔbɔ yɛ ɔ di i junman nin-ɔn.

Jean 8:42

Jésus seli be kɛ: «Sɛ Nyanmiɛn ti amun Si sakpa'n, wuun amun ´klo ń sa, afin n fin Nyanmiɛn wun lɔ, i dunman nun yɛ n wo wa-a. Nán n tiaun yɛ m bali-ɔ, i yɛ ɔ sunmannin min-ɔn.

Jean 17:8

afin ndɛ nga a kan kleli min'n, n kan kleli be, yɛ be fali su. B'a wun i wlɛ weiin kɛ n fin ɔ wun lɔ, yɛ b'a lafi su kɛ wɔ yɛ a sunmannin min-ɔn.

Kalɛ 12:3

Moiz kusu ti sran kun b'ɔ ti wun ase kanfuɛ dan, asiɛ nga su wa sran fi to-mɛn i wun ase kanlɛ'n nun.

Sa nglô yile 3:14

«Nian ndɛ nga n klo kɛ a klɛ ko man Laodise lɔ asɔnun'n i anz'n yɛ: ‹M bɔ be flɛ min Man-ɔ-yo-sɔ'n, bɔ n kan ndɛ nanwlɛ'n, bɔ be kwla fa bé wla gua n su'n, bɔ min yɛ Nyanmiɛn man n yili like'n kwlaa'n, n se kɛ yoo :

2 Korɛntfuɛ Mun 12:19

Amun akunndan nga an bu i titi'n yɛlɛ kɛ an bu i kɛ ndɛ fɛ yɛ e kunndɛ-ɔ. Nɛ́n i sɔ-ɔ, sanngɛ Nyanmiɛn nyrun'n, sa ng'ɔ jɔ Krist klun'n yɛ e kan-an. N sran kpa mun, amun sran yolɛ ti yɛ e kan ndɛ sɔ'n kwlaa-a.

2 Korɛntfuɛ Mun 12:11

Sɛ n ijɔ kɛ luflefuɛ sa'n, amun yɛ man n yoli sɔ-ɔ, afin an kpi n dunman ase. Sɛ n ti-man sran amun nyrun bɔbɔ'n, amun sran kpakpa bɔ an bu be kɛ Jésus yɛ ɔ sunmannin be'n, be ti-man kpa tra-man min.

2 Korɛntfuɛ Mun 11:31

E Min Jésus i Si Nyanmiɛn bɔ be bo i dunman tititi'n, ɔ si kɛ m bua-man ato.

Jean 10:36

?Sɛ ɔ ti sɔ'n, m bɔ Nyanmiɛn fa min sieli kɛ n di i junman'n, b'ɔ sunmannin min mɛn nun'n kɛ n se kɛ n ti i Wa'n, nguɛ ti yɛ an se kɛ n saci i dunman-an?

Nyanndra Mun 8:7

Nanwlɛ ndɛ yɛ n kan-an. Gblɛ ndɛ sa fin-man mín nuan nun fite-man, ɔ ti min ciliɛ.

Jean 5:31

Sɛ m bɔbɔ n yi min wun ayɛ'n, be su bu-mɛn i nanwlɛ.

Jean 18:37

Ɔ man Pilat usɛli i kɛ: «?Ɔ man a ti famiɛn?» Jésus tɛli i su kɛ: «Yɛ ɔ́ nuan o su lɛ-ɔ, n ti famiɛn. Nian sa ti bɔ be wu min'n, sa ti bɔ m bali mɛn'n nun'n yɛ: m bali kɛ n ´kan ndɛ ng'ɔ ti nanwlɛ'n kle sran mun. Sran kwlaa ng'ɔ si nanwlɛ'n, ɔ ti ndɛ nga n kan'n. »