Jean 7:7 - NYANMIƐN NDƐ'N 1998

⁷ Sran'm be kpɔ-man amun, sanngɛ n liɛ'n be kpɔ min, afin n seli be kɛ be nyoliɛ'n ti tɛtɛ.

Nyanmien nde Ufle

⁷ Swran'm bé kpo'a amun, sannge n lie'n bé kpo min, afin n séé bé ke bé nyôlie'n ti tete.

Jean 7:7 ပူးပေါင်းရင်းမြစ်များ

1 Famiɛn Mun 21:20

Eli ɔli, ɔ ko kannin ndɛ'n kleli Akab. Yɛ Akab seli i kɛ: «Nja b'ɔ kpɔ min, e nin wɔ y'a yia ekun.» Eli kusu waan: «Ɛɛn! Kɛ bɔ like ng'ɔ kun Anannganman i ya'n i cɛ yɛ ɔ waan a ´yo'n, i ti yɛ m bali-ɔ.

1 Famiɛn Mun 22:8

Izraɛl famiɛn'n tɛli Zozafat su kɛ: «Kun tɛ o lɛ, sanngɛ i wun yo-man min fɛ, afin min wun ndɛ liɛ ng'ɔ kan kle min'n, wie fi ti-man kpa. Be flɛ i kɛ Mise, Zimla i wa-a.» Zozafat tɛli i su kɛ: «Famiɛn, ɔ li nán kan sɔ.»

Jue Mun 109:5

N yo be kpa, sanngɛ tɛ cɛ yɛ be yo min-ɔn. N klo be, sanngɛ kpɔlɛ'n cɛ yɛ be kpɔ min-ɔn.

Nyanndra Mun 15:12

Sran ng'ɔ yo i wun dandan'n, ɔ klo-man kɛ be kɛn i nyrun ndɛ. Ɔ usa-man ngwlɛlɛ afɛ akunndanfuɛ wie sa nun.

Nyanndra Mun 8:36

Sran ng'ɔ yo min tɛ kusu-ɔ wuun ɔ ti kɛ ɔ'a yo i bɔbɔ wun tɛ. Be kwlaa nga be kpɔ min'n, ɔ ti kɛ wuun be klo wie'n ti-ɔ.

Ezai 29:21

Be nga be ndɛ bɔ be kan nun be bu sran wie fɔ jɔlɛ diwlɛ lɔ'n, be nga be sua jɔlɛ difuɛ'm bé bo aya'n, yɛ be nga be yo man be bu sran nga be ndɛ yo fɛ'n be fɔ ngbɛn'n, be sɔfuɛ'm be su tran-man lɛ kun.

Ezai 49:7

Anannganman b'ɔ kpɔ i nvle'n nunfuɛ'm bé ti'n, b'ɔ ti Izraɛl Nyanmiɛn'n, ɔ kan ndɛ kle amun bɔ be yo amun finfin'n, bɔ be kpɔ amun'n, bɔ be nga be sie sran mun kekle su'n be fa amun yo be kanga'n. I waan: «Min Anannganman bɔ n ti nanwlɛfuɛ'n, bɔ n ti Izraɛl Nyanmiɛn'n, min bɔ n kpali amun'n, min dunman nun ti sɛ famiɛn'm be wun amun'n, be ´jaso be famiɛn bia'm be su, sɛ famiɛn i awlo lɔ sran dandan'm be wun amun'n, be ´koto amun bo.»

Zeremi 20:8

Ndɛ kwlaa nga n ´kan'n, i agualiɛ su san n ´kpan, san n ´kpan kɛ be ´kun min o! Be `de min o! Anannganman, ɔ ndɛ'n i kanlɛ'n ti min srisrilɛ yɛ be srisri min-ɔn, yɛ min nzowa yɛ be kpɛ i sa cɛn kwlaa-a.

Saun Yolɛ 13:10

Man ɔ niɛn i, sɛ ɔ niɛn i nan kannin mɔnnɛn mɔnnɛn wie ɔ'a tu i nan i kplo'n ti ufue'n kpɛkuun i su ndrɛ ndrɛ'm be ti ufue-ufue'n,

Zakari 11:8

Anglo kunngba cenje yɛ n fa fuannin bua kankanfuɛ nsan mun-ɔn. Kɛ n fuannin be sɔ'n, bua'm be wun flannin min, kpɛkuun min kusu min wun yoli be tɛ .

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

JÉSUS-CHRIST I DYASIN FE'N BO LUC KLELI'N 6:26

Kɛ sran'm be kwlaa be ´bo amun dunman kpa'n, an yako, afin kɛ be nannan'm be boli be bɔ be tɔn bé wun suɛn kɛ be ti Nyanmiɛn nuan ijɔfuɛ'n be dunman sɔ-ɔ!»

Jean 17:14

N kannin ɔ ndɛ'n kleli be, ɔ man mɛn nunfuɛ'm be kpɔ be, afin be ti-man mɛn nunfuɛ kɛ n kusu n ti-man mɛn nunfuɛ'n sa.

Jean 3:19

An `nian sa ti yɛ ɔ bu be fɔ sɔ'n yɛ: i b'ɔ ti kɛ wia sa'n, ɔ bali mɛn'n nun, sanngɛ sran'm be kloli aosin'n trali wia'n be nzuɛn tɛtɛ'n ti .

Rɔmfuɛ Mun 8:7

Afin be nga klɔ sran ninnge'n lo be'n, be kpɔ Nyanmiɛn, be klo-man kɛ be fa Nyanmiɛn mmla'n su, yɛ kusu be kwla fa-man su bɔbɔ.

Galasifuɛ Mun 4:16

?Ndɛ nanwlɛ nga n kan kleli amun'n ti'n, m'an kaci amun kpɔfuɛ?

Jacques 4:4

An ti kɛ bla b'ɔ kunndɛ bian i wun bo sa. ?An si-man kɛ sran ng'ɔ klo mɛn'n i dilɛ'n, wuun ɔ kpɔ Nyanmiɛn? Ɔ man sran nga i waan ɔ ´fa mɛn'n tɛkɛ i ti su'n, ɔ kaci Nyanmiɛn i kpɔfuɛ.

1 Jean 4:5

Be nga'm be liɛ'n, be ti mɛn'n nunfuɛ, ɔ man be ndɛ nga be kan'n ti mɛn'n nun ndɛ, yɛ man mɛn'n nunfuɛ'm be sie bé su be ndɛ'n su nin-ɔn.