Jean 7:39 - NYANMIƐN NDƐ'N 1998

³⁹ Sa ti b'ɔ seli sɔ'n yɛlɛ Nyanmiɛn Wawɛ'n bɔ be nga be wa lafi i su'n be ´nyɛn i'n. Ke ɔ ´yo sɔ'n, wuun Nyanmiɛn nian fa-man i Wawɛ'n nian man-man, afin ɔ nian yi-man Jésus i wafa ng'ɔ ti'n i nglo.

Nyanmien nde Ufle

³⁹ Sa ti b'o séé so'n yele Nyanmien Wawe'n bo bé nga bé wa lafi i su'n béh nyenh'n. Ke oh yôh so'n, wuun Nyanmien nian fe'e i Wawe'n nian manman, afin o nian yi'a Jésus i wafa ng'o ti'n i nglô.

Jean 7:39 ပူးပေါင်းရင်းမြစ်များ

Sa nga bé yôli'n 2:17

‹Nyanmiɛn waan: An `nian, sa nga cɛn wie lele kɛ mɛn'n ɔ ´kɔ i bue nuan'n, m ma yo'n yɛ: N ´fa n Wawɛ'n man sran kwlaa. Amún mma yasua nin amun mma mmla'm be ´ijɔ min nuan, amun mma gbanflɛn'm be ´wun like aolia nun, yɛ amún si ngbɛn-ngbɛn'm be ´cɛn laliɛ.

Sa nga bé yôli'n 2:33

Kɛ i si Nyanmiɛn mɛn i su sieli i fama su'n, ɔ fɛli i Wawɛ'n b'ɔ seli kɛ ɔ ´fa man'n ɔ fa mɛnnin i, yɛ ɔ fali like nga amun wun i bɔ an ti ngan yɛ'n mannin sran mun-ɔn.

Sa nga bé yôli'n 2:4

Nyanmiɛn Wawɛ'n wluli be nun yɛ ɔ fa be kacili i liɛ mlɔnmlɔn, kpɛkuun be su kan aniɛn uflɛ wie bɔ Wawɛ'n fa wla bé nuan kɛ be kan'n.

Jean 16:7

Sanngɛ i nanwlɛ yɛ n di kleli amun-ɔn, sɛ n kɔ'n, ɔ ti kpa, afin sɛ m'an ɔ-man-an, Sran ng'ɔ ´uka amun'n ɔ su ba-man, sanngɛ sɛ n kɔ'n, n yo man ɔ ´ba.

Jean 12:16

Kɛ ɔ ´yo sɔ'n, i sɔnnzɔnfuɛ'm be wun-man sa sɔ'n i wlɛ, sanngɛ kɛ Nyanmiɛn yili Jésus i sran wafa ng'ɔ ti'n i nglo'n, ɔ kpɛnnin be klun kɛ be klɛli i wun ndɛ'n nun kɛ be ´yo i sɔ, ɔ man kɛ be yoli i sɔ'n, ɔ kpɛnnin su.

Ezai 32:15

Cɛn kun wa ju bɔ Nyanmiɛn ɔ ´fɛ i wawɛ'n ɔ ´man ye. Kpɛkuun aawlɛ flɛnnɛn'n ɔ ´kaci kɛ lika bɔ be tali nun waka'n sa, yɛ lika bɔ be tali nun waka'n, ɔ ´kaci bo ble .

Rɔmfuɛ Mun 8:9

Sanngɛ amun liɛ'n, sɛ Nyanmiɛn Wawɛ'n tran amun nun kɛ i awlo sa'n, amun nzuɛn'n ti-man klɔ sran liɛ kun, like ng'ɔ kle amun kɛ an yo'n yɛ an yo-ɔ. Sran ng'ɔ lɛ-man Krist i Wawɛ'n, ɔ ti-mɛn i liɛ.

Sa nga bé yôli'n 2:38

Yɛ Piɛr seli be kɛ: «An `kaci amun nzuɛn'n man be yo amun kwlakwlakwla amun batɛm Jésus-Krist dunman nun nan Nyanmiɛn `yaci sa nga an yoli i'n cɛ amun yɛ ɔ `fɛ i Wawɛ'n man amun.

Jean 20:22

Kɛ ɔ kannin ndɛ sɔ'n, ɔ fitali bé su nan ɔ'a se be kɛ: «An `sɔ Nyanmiɛn Wawɛ'n nun.»

Jean 12:23

Jésus seli be kɛ: «M bɔ n kacili Sran'n, n sran wafa nga n ti'n i nglo yilɛ cɛn'n ɔ'a ju.

Ezai 44:3

Afin n wa yo man nzue ´tran mɛn nga nzue we kun i nun sran mun'n i nun. Yɛ n wa yo man nzue ba'm be ´sonji asiɛ kee'n nun. N ´fa min wawɛ'n m ´man amun osu'n nunfuɛ mun, yɛ n ´yo amun mma'm be ye .

Efɛzfuɛ Mun 4:30

Nán an bo Nyanmiɛn Wawɛ'n i wla, afin i yɛ Nyanmiɛn fa mannin amun b'ɔ kle kɛ an ti i liɛ lele ´fa ju cɛn nga e ´nyan é ti mlɔnmlɔn nin-ɔn.

2 Korɛntfuɛ Mun 3:8

Nyanmiɛn Wawɛ'n liɛ'n ɔ trɛ fatifati!

Sa nga bé yôli'n 4:31

Kɛ be kan ndɛ sɔ'n kle Nyanmiɛn wieli'n, lika nga be yiali nun'n kejeli, yɛ Nyanmiɛn Wawɛ'n yili i wun nglo be kwlaa be nun, nan b'a kan Nyanmiɛn ndɛ'n yakpa su.

Sa nga bé yôli'n 3:13

Abraam, nin Izaak, nin Zakɔb be Nyanmiɛn b'ɔ ti e nannan'm be Nyanmiɛn kusu'n, ɔ yoli man i Sran Jésus nyannin nyrun, i yɛ an fɛ i mannin sran mun nin-ɔn, i yɛ kɛ Pilat waan ɔ ´yaci i nun, amu'an kplin-man su, bɔ an yili i blo nin-ɔn .

Jean 17:5

I sɔ'n ti siɛn'n, min Si, nyrun nga kɛ n wo ɔ wun lɔ'n n lɛ i'n nan w'a yi mɛn'n, man n nyan nyrun kunngba sɔ'n ɔ wun lɔ ekun.

Jean 14:13

Like kwlaa nga an fa n dunman srɛ'n, n ´yo nan m bɔ n ti e Si i wa'n m mɛn i kɔmin su .

Jean 7:12

Sran kpanngban be tuli i wun aswre, wie'm be waan Sran kpa-a. Wie'm be kusu be waan: «Nán sran kpa-a ɔ ti sran sacifuɛ.»

Jean 6:14

Kɛ sran'm be wunnin atrɛ sɔ'n bɔ Jésus yili'n, be seli kɛ: «Nanwlɛ, bian nga yɛ ɔ ti Nyanmiɛn nuan ijɔfuɛ bɔ be kɛnnin i ndɛ kɛ ɔ ´ba mɛn'n nun wa nin-ɔn .»

Jean 1:33

Ɔ kɛnnin i ekun kɛ: «Laa n si-mɛn i, sanngɛ Nyanmiɛn b'ɔ sunmannin n kɛ m ma yo batɛm sɔ'n, ɔ seli n kɛ: ‹Sran nga a wun kɛ n Wawɛ'n ɔ jra ɔ wa trɛn i su'n, i yɛ ɔ ´fa n Wawɛ'n yo sran'm be batɛm nin-ɔn.›

Jean 1:25

be usali Zan kɛ: «?Sɛ a ti-man Krist nin Eli nin Nyanmiɛn nuan ijɔfuɛ'n, nguɛ ti yɛ a yo sran'm be batɛm nin-ɔn?»

Jean 1:21

Yɛ be usɛli i ekun kɛ: «?Wuun, wan yɛlɛ wɔ? ?Eli yɛlɛ wɔ ?» Ɔ seli be kɛ nɛ́n i yɛlɛ i. Be usɛli i ekun kɛ: «?Nyanmiɛn nuan ijɔfuɛ'n yɛlɛ wɔ?» Ɔ seli be kɛ: «Cɛcɛ.»

JÉSUS-CHRIST I DYASIN FE'N BO LUC KLELI'N 24:49

An `nian, like nga n Si seli kɛ ɔ ´blɛ amun'n, m bɔbɔ n yo man like sɔ'n ɔ ´ba. Ɔ man amun kusu an `tran klɔ'n su wa lele man Nyanmiɛn tin amun ka .»

JÉSUS-CHRIST I DYASIN FE'N BO LUC KLELI'N 7:16

Srɛ kunnin be kwlaa, be manmannin Nyanmiɛn be seli kɛ: «Nyanmiɛn nuan ijɔfuɛ dan kpa kun a fite ye afiɛn wa, yɛ Nyanmiɛn a niɛn i sran'm be lika.»

JÉSUS-CHRIST I DYASIN FE'N BO LUC KLELI'N 3:16

«N liɛ'n, n yo amun batɛm nzue'n nun, sanngɛ sran ng'ɔ lɛ nyrun tra min'n ɔ su ba, min nin i ngbabua nyanman'n i nyannjilɛ fata-man.

Matthieu 16:14

Be tɛli su kɛ: «Sran wie'm be waan Zan batɛm yofuɛ'n yɛlɛ wɔ, wie'm be waan Eli yɛlɛ wɔ, wie'm be kusu be waan Zeremi, annzɛ Nyanmiɛn nuan ijɔfuɛ'm be nun kun yɛlɛ wɔ.»

Nyanndra Mun 1:23

Nán amun yo sɔ. Sɛ an kpɛ amún nyin be ti min afɔtuɛ ndɛ'n, n ´fa n wawɛ'n n ´wla amun nun, yɛ n ´tike min akunndan'm be su n `kle amun .

Jean 14:26

Sanngɛ sran ng'ɔ wa uka amun'n yɛlɛ e Si i Wawɛ'n b'ɔ wa sunmɛn i n dunman nun'n, i yɛ ɔ wa kle sa'n kwlaa-a, yɛ i yɛ ɔ ´kpɛn amún wla ndɛ nga n kan kleli amun'n i kwlaa su-ɔ.

Matthieu 21:11

Sran nga be su i su'n be se kɛ: «Jésus b'ɔ ti Nyanmiɛn nuan ijɔfuɛ'n b'ɔ fin Nazarɛt Galile mɛn'n nun nin-ɔn.»

Ezai 12:3

Kɛ amun ´ko sa nzue kan delɛ'n ɔ fin lɛ'n, amún wun ´blibli amun.

Jue Mun 68:18

Nyanmiɛn i kakaklolo'm be ti akpi-akpi, be sɔnnin sɔnlɛ kpa. Ɔ fali be Sinai oka'n su lɔ yɛ ɔ bali i lika kpa nun wa-a.

Jean 8:54

Jésus seli kɛ: «Sɛ m bɔbɔ n dunman yɛ n kunndɛ'n, n su nyɛn-mɛn i. N Si bɔ amun waan ɔ ti amun Nyanmiɛn'n, i yɛ man n nyan dunman-an.

Jean 16:14

Ɔ yo man n dunman'n ɔ ´fu, afin min ndɛ'n yɛ ɔ ´kan kle amun-ɔn.

Jean 17:1

Kɛ Jésus kannin sɔ bɔ i nuan tɔli'n, ɔ mɛnnin i nyin su niannin Nyanmiɛn su lɔ seli kɛ: «Min Si, blɛ'n ɔ'a ju siɛn'n, yi ɔ Wa'n i sran wafa ng'ɔ ti'n i nglo nɛn i kusu man ɔ kɔmin su.

Sa nga bé yôli'n 19:2

Ɔ wunnin Jésus sɔnnzɔnfuɛ wie'm be lɔ, yɛ ɔ usali be kɛ: «?Kɛ an lafili Jésus su'n, amu'an nyan Nyanmiɛn Wawɛ'n?» Yɛ be seli i kɛ: «E nian ti-mɛn i le mlɔnmlɔn kɛ Nyanmiɛn Wawɛ o lɛ.»