Jean 7:32 - NYANMIƐN NDƐ'N 1998

³² Farizifuɛ'm be ti i wun aswre nga sran'm be tu'n. Ɔ man Nyanmiɛn nyrun jranfuɛ dandan mun nin Farizifuɛ'm be yili sonja mun kɛ be ko trɛ i.

Nyanmien nde Ufle

³² Pharisifue'm (*f4*) bé ti i wun aswré nga swran'm bé tu'n. O man Nyanmien nyrun dyranfue dandan nin Pharisifue'm bé yii sôndya mun ke bé kô tree.

Jean 7:32 ပူးပေါင်းရင်းမြစ်များ

Matthieu 12:14

Farizifuɛ'm be fite ko wunnin bé wun, be kunndɛ i wafa nga be jran su fa kun i'n.

Matthieu 23:13

Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [

Matthieu 26:58

Piɛr su i su lele be juli Nyanmiɛn nyrun jranfuɛ'm be su kpɛn'n i awlo lɔ, sanngɛ ɔ'a mɛntɛn-mɛn i. Ɔ wluli lɔ, ɔ nin sua sunianfuɛ'm be trannin lɛ kɛ ɔ ´nian kɛ ndɛ sɔ'n ɔ ´fa kpɛ'n.

Jean 11:46

Sanngɛ be nun wie'm be ko toli Farizifuɛ mun be kannin sa nga Jésus yoli'n kleli be.

Jean 12:19

Ɔ man Farizifuɛ'm be seli be wiengu kɛ: «?An wun-mɛn i? An kwla yo-man like fi, sran'm be kwlaa be su wie i sin kɔ.»

Jean 18:3

Ɔ man Zidas fali sonja mun nin Nyanmiɛn i sua'n nun sonja nga Nyanmiɛn nyrun jranfuɛ dandan mun nin Farizifuɛ'm be yili be'n be ɔli lɔ. Kannin, nin tɛ, nin tokofi, ɔ nin klɔnman o bé sa nun.

Jean 7:30

Ɔ man be waan be ´trɛ i, sanngɛ i tralɛ cɛn nian ju-man ti sran fi sa a kɛn-mɛn i.

Sa nga bé yôli'n 5:26

Yɛ Nyanmiɛn i sua'n i su kpɛn'n nin sonja'm be ɔli-ɔ, srɛ b'ɔ kun be sran'm be wun'n ti be fa be bali amanniɛn su, afin sɛ b'a yo-man be sɔ-ɔ, ɔ cɛ-man nan sran'm b'a fin be yɛbuɛ.

1 Samiɛl 19:20

Yɛ Sail yili sran mun kɛ be ko tra David. Be ko toli Nyanmiɛn nuan ijɔfuɛ mun, be nin Samiɛl b'ɔ ti be kpɛn'n be o lɛ be su kan Nyanmiɛn i nuan su ndɛ'n. E ijɔwa-a, Nyanmiɛn i wawɛ'n ɔ'a jra Sail sunmanfuɛ'm bé su, be su kan Nyanmiɛn i nuan su ndɛ'n wie.