Jean 7:31 - NYANMIƐN NDƐ'N 1998

³¹ Sran sɔ'm be nun lɔuun kpa be lafili i su, yɛ be seli kɛ: «?Sɛ Krist ba'n, ɔ ´yi atrɛ tra bian nga liɛ'n?»

Nyanmien nde Ufle

³¹ Swran so'm bé nun louun kpa bé lafii i su, bé sé ke: ?Se Christ (*f1*) ba'n, oh yih atre tra bian nga lie'n?

Jean 7:31 ပူးပေါင်းရင်းမြစ်များ

Matthieu 12:23

Sran'm be kwlaa bé nuan'n boli bé wun nan b'a usa kɛ: «?Nán David i Anunman'n yɛ ɔ o lɛ-ɔ?»

JÉSUS-CHRIST I DYASIN FE'N BO LUC KLELI'N 8:13

Nga kusu b'ɔ tɔli akpuɛ'n su'n yɛlɛ be nga kɛ be ti Nyanmiɛn ndɛ'n, be klun jɔ su, be fa su kaan, sanngɛ be ti kɛ awie b'ɔ lɛ-man ndin'n sa, kɛ sa kaan tɔ be su'n, kpɛkuun b'a yaci i su falɛ.

Jean 11:45

Zuif'm bɔ be bali Mari wun lɛ'n bɔ be wunnin sa nga Jésus yoli'n, be nun kpanngban be lafili i su.

Jean 12:11

afin i ti Zuif kpanngban b'a su-man be su kun, Jésus su yɛ be lafi-ɔ.

Jean 12:42

Ɔ nin i sɔ ngba'n, Zuif kpɛnngbɛn'm be nun kpanngban be lafili Jésus su, sanngɛ Farizifuɛ'm be ti, b'a yi-man bé wun nglo. Sɛ be yoli sɔ'n, wuun be kannin be bo Nyanmiɛn ndɛ suanlɛ nin i srɛlɛ sua'n nun.

Jean 2:11

Sa sɔ'n yoli Kana lɔ. Galile mɛn'n nun. Yɛ ɔ ti atrɛ bɔ Jésus yili be'n be nun klikli nin-ɔn. Ɔ yili i wun nglo yɛ i sɔnnzɔnfuɛ'm be lafi i su-ɔ .

Jean 4:29

«An bla be wa nian bian kun. Ɔ'a kan sa nga n yoli be'n i kwlaa ɔ'a kle min. Bian sɔ'n, m bu i kɛ Krist-ɔ.»

Jean 4:39

Bla'n i ndɛ b'ɔ kan kleli be kɛ Jésus kannin sa ng'ɔ yoli'n kwlaa kleli i'n ti'n, klɔ sɔ'n sufuɛ kpanngban be lafili Jésus su.

Jean 6:2

Sran kpanngban kpa be suli i su, yɛlɛ kɛ be wun tukpacɛfuɛ'm b'ɔ yoli be juejue atrɛ nun'n.

Jean 7:26

Amun nian, i yɛ ɔ su ijɔ nzra'n nun yɛ'n, sanngɛ be se-mɛn i sa fi! ?E si'm be wunnin i wlɛ kpa kɛ i yɛ ɔ ti Krist nin-ɔn?

Jean 9:16

Farizifuɛ'm be wie'm be seli kɛ: «Bian sɔ'n ci-man wunmiɛn-delɛ-cɛn'n, ɔ man nán Nyanmiɛn yɛ ɔ sunmɛnnin i-ɔ.» Be wie'm be kusu be waan: «?Sɛ sran kun ti sa tɛ yofuɛ'n, ɔ yo sɛ yɛ ɔ kwla yi atrɛ kɛ nga sa-a?» Kpɛkuun b'a bu bé wun nun.

Sa nga bé yôli'n 8:13

Simɔn bɔbɔ lafili i su wie. Kɛ ɔ yoli batɛm'n, ɔ kpɔci-man Filip kun. Kɛ ɔ wunnin atrɛ b'ɔ yi'n nin sa kekleekle b'ɔ yo be'n, ɔ boli i nuan.

Jacques 2:26

Sɛ sran kun o sa b'ɔ de-man wunmiɛn'n, wuun ɔ'a wu. I kunngba nin-ɔn, sɛ sran kun se kɛ ɔ lafi Nyanmiɛn su bɔ be wun-mɛn i sɔ i nzuɛn'n nun'n, wuun i Nyanmiɛn sulafilɛ'n ti ngbɛn.