Jean 7:30 - NYANMIƐN NDƐ'N 1998

³⁰ Ɔ man be waan be ´trɛ i, sanngɛ i tralɛ cɛn nian ju-man ti sran fi sa a kɛn-mɛn i.

Nyanmien nde Ufle

³⁰ O man bé waan béh treeh, sannge i trale tyen nian dyuman ti, swran fi sa a kenmen.

Jean 7:30 ပူးပေါင်းရင်းမြစ်များ

Ezai 46:10

N dun mmua m bo sa'm be su lele yɛ be ju-ɔ. Sa nga be nian ju-man'n, n dun mmua n kan be ndɛ lele. N se kɛ: «Sa nga n siesie be kɛ n ´yo'n, be ´yo kpa. Yɛ i kwlaa nga min anwlɛn'n kle kɛ n `yo'n, n ´yo.»

Matthieu 12:14

Farizifuɛ'm be fite ko wunnin bé wun, be kunndɛ i wafa nga be jran su fa kun i'n.

Matthieu 21:46

Be klo kɛ be ´trɛ i, sanngɛ srɛ kun be sran'm bé wun, yɛlɛ kɛ be bu Jésus i Nyanmiɛn nuan ijɔfuɛ.

Marc 11:18

Kɛ Nyanmiɛn nyrun jranfuɛ dandan mun nin mmla klefuɛ'm be tili'n, be kunndɛli i kunwlɛ. Be sro i yɛlɛ kɛ i like b'ɔ kle'n bo sran'm be kwlaa bé nuan.

JÉSUS-CHRIST I DYASIN FE'N BO LUC KLELI'N 20:19

Kɛ Nyanmiɛn nyrun jranfuɛ dandan mun nin mmla klefuɛ mun be wunnin kɛ be ti yɛ ɔ buli nyanndra sɔ'n, be waan be ´trɛ i lɛ, sanngɛ srɛ kunnin be sran'm bé wun.

JÉSUS-CHRIST I DYASIN FE'N BO LUC KLELI'N 22:53

Cɛn kwlaa min nin amun yɛ e o Nyanmiɛn i sua nun-ɔn, amu'an tra-man min, siɛn'n amun nin aosin'n amun blɛ liɛ'n yɛ ɔ'a ju-ɔ.»

Jean 10:31

Zuif'm be fali yɛbuɛ ekun kɛ be ´fa fin i.

Jean 10:39

I sɔ'n ti be bali ekun, be waan be ´trɛ i, sanngɛ ɔ floli bé sa nun.

Jean 11:57

Kɛ ɔ ´yo sɔ'n, wuun Nyanmiɛn nyrun jranfuɛ dandan mun nin Farizifuɛ mun b'a dun mmua b'a kan kle sran mun kɛ sɛ sran wie si kan Jésus wo'n, ɔ kan man be ko trɛ i.

Jean 7:19

?Moiz yɛ ɔ fa mmla'n mannin amun-ɔn, nɛ́n i-ɔ? Sanngɛ amun nun wie fi a fa-man su. ?Nguɛ ti yɛ an klo kɛ amun ´kun min-ɔn? »

Jean 7:32

Farizifuɛ'm be ti i wun aswre nga sran'm be tu'n. Ɔ man Nyanmiɛn nyrun jranfuɛ dandan mun nin Farizifuɛ'm be yili sonja mun kɛ be ko trɛ i.

Jean 7:6

Jésus seli be kɛ: «N cɛn liɛ'n nian ju-man, sanngɛ amun liɛ'n, cɛn'n kwlaa ti amún cɛn kpa.

Jean 7:8

Amun bɔbɔ an `wɔ cɛn'n i dilɛ'n. N liɛ'n, n su kɔ-man cɛn sɔ'n i bo wie, afin ń cɛn liɛ'n nian ju-man.»

Jean 8:20

Kɛ Jésus ´kle like Nyanmiɛn i sua'n nun b'ɔ o sika guawlɛ'n i wun lɛ'n, yɛ ɔ kannin ndɛ sɔ nin-ɔn. Sran fi a trɛ-mɛn i, afin i cɛn'n nian ju-man.

Jean 8:37

N si kɛ an ti Abraam anunman, sanngɛ an klo kɛ amun ´kun min, afin an fa-man ndɛ nga n kan'n su.

Jean 8:59

I sɔ'n ti be isali yɛbuɛ kɛ be ´fa fin i, sanngɛ ɔ fin Nyanmiɛn i sua'n nun lɛ fiteli blɛlɛlɛ.

Jean 9:4

Kɛ lika'n tɛ o nun'n, man e di sran ng'ɔ sunmannin min'n i junman'n. Lika'n su wa san, kɛ ɔ ko san'n, sran fi kwla di-man junman.