Jean 7:26 - NYANMIƐN NDƐ'N 1998

²⁶ Amun nian, i yɛ ɔ su ijɔ nzra'n nun yɛ'n, sanngɛ be se-mɛn i sa fi! ?E si'm be wunnin i wlɛ kpa kɛ i yɛ ɔ ti Krist nin-ɔn?

Nyanmien nde Ufle

²⁶ Nian, i ye o su idyo nzra'n nun ye'n, sannge bé sé'e sa fi! ?É si'm bé wuun i wle kpa ke i ye o ti Christ (*f1*) nion?

Jean 7:26 ပူးပေါင်းရင်းမြစ်များ

Nyanndra Mun 28:1

Klunwifuɛ'n, sran fuɛn-mɛn i, i bɔbɔ o lɛ kpɛkuun ɔ su ´wanndi. Klun-ufuefuɛ'n i liɛ'n, ɔ lafi i wun su kɛ asɔmɔli gbanflɛn sa.

Ezai 42:4

Ɔ su fɛ-man, ɔ su yaci-mɛn i yolɛ, lele san asiɛ'n sufuɛ'm be kwlaa be ´si sa kpa yolɛ'n i atin sɔ'n, yɛ lele san be nga be tran jenvie nuan mmua mmua lɔ'n be ´fɛ i mmla'm be su .

Matthieu 22:16

Be sunmannin be sɔnnzɔnfuɛ mun nin Erɔdfuɛ mun Jésus wun lɔ, be wa seli i kɛ: «Nja, e si kɛ a di nanwlɛ yɛ a kle sran mun Nyanmiɛn atin'n nanwlɛ nun, yɛ e si kɛ a sro-man sran fi, afin a nian-man sran nyrun yɛ a yo sa-a.

JÉSUS-CHRIST I DYASIN FE'N BO LUC KLELI'N 23:13

Pilat yiali Nyanmiɛn nyrun jranfuɛ dandan mun nin kpɛnngbɛn mun ɔ nin sran mun, ɔ seli be kɛ:

JÉSUS-CHRIST I DYASIN FE'N BO LUC KLELI'N 7:30

Sanngɛ Farizifuɛ mun be nin mmla sifuɛ mun bɔ b'a kplin-man su kɛ ɔ yo be batɛm'n, be man like kpa bɔ Nyanmiɛn waan ɔ ´fa man be'n, ɔ to fuannin be.

Jean 12:42

Ɔ nin i sɔ ngba'n, Zuif kpɛnngbɛn'm be nun kpanngban be lafili Jésus su, sanngɛ Farizifuɛ'm be ti, b'a yi-man bé wun nglo. Sɛ be yoli sɔ'n, wuun be kannin be bo Nyanmiɛn ndɛ suanlɛ nin i srɛlɛ sua'n nun.

Jean 18:20

Jésus seli i kɛ: «N kan kleli sran'm be kwlaa nzra nun, yɛ cɛn'n kwlaa kɛ Zuif'm be yia Nyanmiɛn ndɛ suanlɛ nin i srɛlɛ sua'm be nun nin Nyanmiɛn i sua nun'n, n kle be like. M'an kan-man ndɛ fi nvialiɛ nun.

Jean 3:1

Bian kun o lɛ, le kun kɔnguɛ ɔ ɔli Jésus wun lɔ. Be flɛ bian sɔ'n kɛ Nikodɛm, ɔ ti Farizifuɛ'm be nun kun, Zuif'm be kpɛnngbɛn'n kun-ɔn. Ɔ seli Jésus kɛ: «Baba, e si kɛ a ti ninnge klefuɛ kun bɔ Nyanmiɛn yɛ ɔ sunmannin wɔ-ɔ, afin sran nga Nyanmiɛn jin-mɛn i sin'n, ɔ kwla yi-man atrɛ nga a yi be'n be wie. »

Jean 4:29

«An bla be wa nian bian kun. Ɔ'a kan sa nga n yoli be'n i kwlaa ɔ'a kle min. Bian sɔ'n, m bu i kɛ Krist-ɔ.»

Jean 7:25

Zerizalɛmfuɛ wie'm be seli kɛ: «?Nɛ́n i yɛ be waan be ´kun i nin-ɔn?»

Jean 7:31

Sran sɔ'm be nun lɔuun kpa be lafili i su, yɛ be seli kɛ: «?Sɛ Krist ba'n, ɔ ´yi atrɛ tra bian nga liɛ'n?»

Jean 7:48

?E kpɛnngbɛn mun nin Farizifuɛ'm be nun wie a lafi i su?

Jean 9:22

Sa ti bɔ i si nin i nin be seli sɔ'n yɛlɛ kɛ srɛ kun be Zuif'm bé wun. Afin Zuif'm b'a dun mmua wun bé wun be nɛn a sɛ su kɛ sran kwlaa ng'ɔ se kɛ Jésus ti Krist'n, be ´kɛn i bo ɔ su wlu-man Nyanmiɛn ndɛ suanlɛ nin i srɛlɛ sua'n nun kun.

Sa nga bé yôli'n 4:13

Kɛ be wunnin kɛ Piɛr nin Zan be ti yakpa'n, ɔ boli bé nuan, afin be si kɛ b'a di-man suklu, yɛ be ti-man sran dan. I sin'n, be wa wunnin i wlɛ kɛ be nin Jésus yɛ be trannin-ɔn.

Filipfuɛ Mun 1:14

Kɛ e niaan'm be nun lɔuun kpa be tili i kɛ n wo bisua nun'n, be fa bé wla gua e Min'n su kpa tra laa'n, ɔ man be tra be anwlɛn be kan Nyanmiɛn ndɛ'n, yɛ srɛ kun-man be.