Jean 7:18 - NYANMIƐN NDƐ'N 1998

¹⁸ Sran ng'ɔ kpɛ i bɔbɔ klun kle like'n, ɔ kunndɛ i bɔbɔ dunman. Sanngɛ sran ng'ɔ kunndɛ kɛ sran ng'ɔ sunmɛnnin i'n nyan dunman'n, ɔ ti sran kpa, sa tɛ kaan sa bɔn-mɛn i wun.

Nyanmien nde Ufle

¹⁸ Swran ng'o kpe i bobo klun ké liké'n, o kunnde i bobo dunman. Sannge swran ng'o kunnde ke swran ng'o sunmenniin'n nyan dunman'n, o ti swran kpa, sa te kaan sa bo'en i wun.

Jean 7:18 ပူးပေါင်းရင်းမြစ်များ

Nyanndra Mun 25:27

Awɛma nzue nɔnlɛ ngboko'n ti-man kpa. Dunman klanman kunndɛlɛ ngboko'n kusu ti-man kpa.

Kalɛ 11:29

Moiz tɛli i su kɛ: «?A su si mín ti kwla? ?Sɛ i li Anannganman fɛ i Wawɛ'n sie i nvlefuɛ'm be kwlaa be su nan be ijɔ i nuan'n, nán ndɛ fɛ-ɔ?»

Matthieu 6:9

I sɔ'n ti'n, amun liɛ'n, an `se kɛ: E si bɔ a o nyanmiɛn su lɔ'n, man sran'm be wun i wlɛ kɛ wɔ ngunmin yɛ a ti Nyanmiɛn nin-ɔn,

Jean 11:4

Kɛ Jésus tili i sɔ'n, ɔ seli kɛ: «Tukpacɛ sɔ'n ti-mɛn i wie liɛ, sanngɛ ɔ tɔli tukpacɛ sɔ'n nan Nyanmiɛn dunman'n fu yɛ i ti Nyanmiɛn man i Wa'n `nyan nyrun.»

Jean 12:28

N Si, yo man ɔ dunman'n fu. Kɛ ɔ yoli sɔ'n, be tili sran kun nɛn nyanmiɛn su lɔ, sran sɔ'n seli kɛ: «M'an dun mmua yo man n dunman'n ɔ'a fu, yɛ n yo man ɔ wa fu ekun.»

Jean 12:43

Afin be klo dunman nga sran'm be bo be'n tra nga Nyanmiɛn bo be'n.

Jean 5:41

N kunndɛ-man kɛ sran bo n dunman.

Jean 8:54

Jésus seli kɛ: «Sɛ m bɔbɔ n dunman yɛ n kunndɛ'n, n su nyɛn-mɛn i. N Si bɔ amun waan ɔ ti amun Nyanmiɛn'n, i yɛ man n nyan dunman-an.

1 Tɛsalonikfuɛ Mun 2:6

E kunndɛ-man kɛ amun annzɛ sran wie bo e dunman. Sanngɛ kɛ Krist sunmannin ye'n ti, sɛ e yo é wun kɛ e lɛ nyrun'n, wuun y'a bo-man aosuan.

1 Piɛr 4:11

Sran ng'ɔ kan Nyanmiɛn ndɛ'n, man ɔ kan ndɛ nga Nyanmiɛn kleli i'n, yɛ nga kusu b'ɔ nian asɔnunfuɛ'm be lika'n, man ɔ fa wunmiɛn ng'ɔ mɛnnin i'n, di junman sɔ'n, nan sa'n kwlaa nun Jésus-Krist b'ɔ lɛ nyrun'n, b'ɔ kwla like kwlaa yo'n, i ti man Nyanmiɛn nyan nyrun tititi. Man ɔ yo sɔ!

1 Jean 2:29

An si kɛ Krist ti sran kpa, i sɔ'n ti, sran kwlaa ng'ɔ yo sa ng'ɔ ti i nuan su'n, ɔ ti Nyanmiɛn wa.