Jean 7:14 - NYANMIƐN NDƐ'N 1998

¹⁴ Kɛ be boli cɛn dilɛ'n bo b'ɔ juli i afiɛn'n, Jésus ɔli Nyanmiɛn i sua'n nun sran'm be like klelɛ.

Nyanmien nde Ufle

¹⁴ Ke bé bô tyen dile'n bô b'o dyuu i afien'n, Jésus oo Nyanmien sua dan'n nun swran'm bé liké kléle.

Jean 7:14 ပူးပေါင်းရင်းမြစ်များ

Malasi 3:1

Anannganman b'ɔ sie mɛn wunmuan'n waan: «Amun `nian, n su sunman mín ndolo bofuɛ'n, ɔ ´ba nan ɔ wa bo min nyrun atin'n. Sran nga bɔ amun sun be flɛ i'n, ɔ ´wlu i sua nun-ɔn ɔ ´fu amun nun. Aenguɛ nga e nin amun ye trali'n, mín nuan ijɔfuɛ'n yɛ ɔ wa kan kle amun-ɔn. Be ´nian-an, i yɛ ɔ o yɛ, ɔ su ba !»

Kalɛ 29:17

Kɛ ɔ fɛ i cɛn dilɛ blɛ sɔ'n i le nnyɔn'n su lele b'ɔ ´fa ju i le nso su'n, amun `yi tɛ nga be yrɛ i nnɛn'n kɔlikɔli'n bɔ amun yi i cɛn kwlaa'n, i sin amun `fa nnɛn nga lɛ fi nun-man bé wun'n be `yi tɛ, yɛ sraka nga be fa ble annzɛ like ng'ɔ ti kɛ ble sa be yi'n, amun `fa sie su. Nnɛn sɔ'm be yɛ. Cɛn ba nnyɔn su'n, amun `fa nannin tola blu-nin-nnyɔn, nin bua nene nnyɔn, nin bua nga b'a kpɛ cro nga b'a di afuɛ kun'n i sɔ blu-nin-nnan, ɔ nin boli kpakpuɛ kun. Cɛn ba nsan su'n, amun `fa nannin tola blu-nin-kun, nin bua nene nnyɔn, ɔ nin bua nga b'a kpɛ cro nga b'a di afuɛ kun'n i sɔ blu-nin-nnan, ɔ nin boli kpakpuɛ kun. Cɛn ba nnan su'n, amun `fa nannin tola blu, nin bua nene nnyɔn, nin bua nga b'a kpɛ cro'n nga b'a di afuɛ kun'n i sɔ blu-nin-nnan, ɔ nin boli kpakpuɛ kun. Cɛn ba nnun su'n, amun `fa nannin tola ngwlan, nin bua nene nnyɔn, nin bua nga b'a kpɛ cro'n nga b'a di afuɛ kun'n i sɔ blu-nin-nnan, ɔ nin boli kpakpuɛ kun. Cɛn ba nsiɛn su'n, amun `fa nannin tola mɔcuɛ, nin bua nene nnyɔn, nin bua nga b'a kpɛ cro'n nga b'a di afuɛ kun'n i sɔ blu-nin-nnan, ɔ nin boli kpakpuɛ kun. Cɛn ba nso su'n, amun `fa nannin tola nso, nin bua nene nnyɔn, nin bua nga b'a kpɛ cro'n nga b'a di afuɛ kun'n i sɔ blu-nin-nnan, ɔ nin boli kpakpuɛ kun.

Matthieu 21:12

Jésus wluli Nyanmiɛn i sua'n nun nan ɔ'a fuan be kwlaa nga be yo like atɛ lɔ'n, nin be nga be to like'n, yɛ ɔ su sika mma kacifuɛ'm be tabli'n nin be nga be yo okunmomo atɛ'n be bia'm be bo guali.

Matthieu 26:55

Kpɛkuun Jésus seli sran'm be kɛ: «An su n su nin klɔnman mun nin tokofi mun kɛ kodiawiefuɛ yɛ an bɛ i tralɛ sa. Cɛn kwlaa n tran Nyanmiɛn i sua'n nun n kle like, amu'an tra-man min.

JÉSUS-CHRIST I DYASIN FE'N BO LUC KLELI'N 19:47

Cɛn kwlaa ɔ kle be like Nyanmiɛn i sua'n nun, sanngɛ Nyanmiɛn nyrun jranfuɛ dandan mun nin mmla klefuɛ mun, ɔ nin mɛn kpɛnngbɛn mun be kunndɛ i kunwlɛ.

Jean 18:20

Jésus seli i kɛ: «N kan kleli sran'm be kwlaa nzra nun, yɛ cɛn'n kwlaa kɛ Zuif'm be yia Nyanmiɛn ndɛ suanlɛ nin i srɛlɛ sua'm be nun nin Nyanmiɛn i sua nun'n, n kle be like. M'an kan-man ndɛ fi nvialiɛ nun.

Jean 5:14

I sin Jésus ko wunnin bian'n Nyanmiɛn i sua'n nun lɔ, yɛ ɔ seli i kɛ: «Nian, w'a yo juejue siɛn'n, nán yo sa tɛ kun man like nga i tɛ tra nga'n ɔ yo wɔ.»

Jean 7:2

Kɛ ɔ ´yo sɔ'n, wuun Zuif'm be kpata'm be cɛn dilɛ'n ɔ'a mantan.

Jean 7:28

I sɔ'n ti, kɛ Jésus kle like Nyanmiɛn i sua nun'n, ɔ kpan seli kɛ: «?An si min, an si min finwlɛ? Nán m bɔbɔ n tiaun yɛ m bali-ɔ, sanngɛ sran ng'ɔ sunmannin min'n ti nanwlɛfuɛ, an si-mɛn i.

Jean 7:37

Bé cɛn dilɛ'n i cɛn kasiɛn b'ɔ ti bé cɛn dilɛ sɔ'n i nun dan'n, Jésus jrannin be afiɛn lɛ nan ɔ'a kpan ɔ'a se kɛ: «Sran kwlaa nga nzue we kun i'n, ɔ bla ń sin wa nɔn.

Jean 8:2

Kɛ aliɛ cɛnnin nglɛmun kpa'n, ɔ sɛli i sin Nyanmiɛn i sua'n nun lɔ ekun. Sran'm be kwlaa be bɛli i wun lɛ. Ɔ trannin ase yɛ ɔ sɔli be like klelɛ'n su-ɔ.

Jean 8:20

Kɛ Jésus ´kle like Nyanmiɛn i sua'n nun b'ɔ o sika guawlɛ'n i wun lɛ'n, yɛ ɔ kannin ndɛ sɔ nin-ɔn. Sran fi a trɛ-mɛn i, afin i cɛn'n nian ju-man.