Jean 6:52 - NYANMIƐN NDƐ'N 1998

⁵² I sɔ'n ti'n, akplowa tɔli Zuif'm be afiɛn, be seli kɛ: «Ɔ yo sɛ yɛ i li waan ɔ kwla fɛ i wun man e kɛ e di-ɔ?»

Nyanmien nde Ufle

⁵² I so'n ti, akplôwa too Juif'm bé afien, bé sé ke: ?O yô se ye i li waan o kwla fe i wun man é bo é dio?

Jean 6:52 ပူးပေါင်းရင်းမြစ်များ

Jean 1:19

An `nian, i nun nga Zerizalɛm Zuif'm be yili Nyanmiɛn nyrun jranfuɛ wie mun nin Levifuɛ wie mun kɛ be ko usa Zan kɛ wan yɛlɛ i'n, ndɛ ng'ɔ kannin'n yɛ.

Jean 10:19

Ndɛ sɔ'n ti Zuif'm be buli bé wun nun ekun.

Jean 3:4

Nikodɛm kusu seli i kɛ: «?Sɛ sran kun yo kpɛnngbɛn'n ɔ ´yo sɛ yɛ be ´kwla wu i ekun-ɔn? ?Ɔ kwla sɛ i sin i nin klun nan b'a wu i ekun?»

Jean 3:9

Yɛ Nikodɛm usɛli i kɛ: «?Ɔ ´yo sɛ yɛ sa sɔ'n kwla yo-ɔ?»

Jean 4:11

Yɛ bla'n seli kɛ: «Nja, gbo'n ti kploun, a lɛ-man like bɔ a ´fa sa-a. ?Nin yɛ a ´nyan nzue sɔ nin-ɔn?

Jean 6:41

Kɛ ɔ se be kɛ ɔ ti kpaun b'ɔ fin nyanmiɛn su lɔ jrali'n ti Zuif'm be kɛnnin i wun ndɛ.

Jean 6:60

Kɛ be tili ndɛ sɔ'n, i sɔnnzɔnfuɛ'm be nun kpanngban be seli kɛ: «Ndɛ nga ti kekle. ?Wan yɛ ɔ kwla fa su-ɔ?»

Jean 9:16

Farizifuɛ'm be wie'm be seli kɛ: «Bian sɔ'n ci-man wunmiɛn-delɛ-cɛn'n, ɔ man nán Nyanmiɛn yɛ ɔ sunmɛnnin i-ɔ.» Be wie'm be kusu be waan: «?Sɛ sran kun ti sa tɛ yofuɛ'n, ɔ yo sɛ yɛ ɔ kwla yi atrɛ kɛ nga sa-a?» Kpɛkuun b'a bu bé wun nun.

Sa nga bé yôli'n 17:32

Kɛ be tili kɛ ɔ su kan sran nga be wuli'n be cɛnlɛ ndɛ'n, wie'm be yoli i finfin, yɛ wie'm be se kɛ: «E wa tie ɔ ndɛ sɔ'n cɛn uflɛ ekun.»

1 Korɛntfuɛ Mun 2:14

Klɔ Sran'n b'ɔ o sa'n, ɔ fa-man Nyanmiɛn Wawɛ ninnge'm bé su, afin be ti i nyrun sinnzin like, ɔ kwla wun-man be wlɛ mlɔnmlɔn, afin san Nyanmiɛn Wawɛ'n yɛ ɔ kle sran yɛ man ɔ wun be wafa'n i wlɛ-ɔ.