Jean 5:44 - NYANMIƐN NDƐ'N 1998

⁴⁴ ?Amun bɔ an klo kɛ amun wiengu bo amun dunman'n, bɔ an klo-man kɛ Nyanmiɛn b'ɔ ti kunngba cɛ'n yɛ ɔ bo amun dunman'n, ɔ ´yo sɛ yɛ amun ´kwla lafi i su-ɔ?

Nyanmien nde Ufle

⁴⁴ ?Amun bo an klô ke amun wiéngu bô amun dunman'n, bo an klô'a ke Nyanmien b'o ti kunngba tye'n ye o bô amun dunman'n, oh yôh se ye amunh kwlah lafi i suo?

Jean 5:44 ပူးပေါင်းရင်းမြစ်များ

2 Be Nyoliɛ 6:8

Sanngɛ Anannganman seli min si David kɛ: ‹Kɛ bɔ a fuali kɛ a ´kplan sua kun min dunman nun'n, a fali akunndan kpa.

Zeremi 13:23

?Etiopifuɛ kun kaci i wunnɛn kplo nin-ɔn ɔ yo ye? ?Kangale kun kaci i wunnɛn tata nun nin-ɔn, ɔ yo ye? Amun kusu kɛ an ti sɔ-ɔ. Amu'an yo sa tɛ'n lele ɔ'a kaci amun nzuɛn. I ti siɛn'n an yo sa kpa-a ɔ yo-man ye kun.

Matthieu 23:5

Like kwlaa nga be yo'n, be yo i kɛ sran'm be `wun be. Be wla sɛbɛ dandan mun, yɛ be yo be tralɛ'n i nuan njɔlɛ'n tɛnndɛn .

JÉSUS-CHRIST I DYASIN FE'N BO LUC KLELI'N 19:17

Yɛ wlengbi'n seli i kɛ: ‹Ɔ ti kpa, a ti sran kpa, like kaan nga m mannin wɔ bɔ a yoli i kpa'n ti'n, m ´man wɔ klɔ blu nan a sie be.›

Jean 12:43

Afin be klo dunman nga sran'm be bo be'n tra nga Nyanmiɛn bo be'n.

Jean 17:3

Kɛ be se kɛ be ´nyan anannganman nguan'n, i bo'n yɛlɛ kɛ be ´si wɔ bɔ ɔ kunngba cɛ yɛ a ti Nyanmiɛn'n nin Jésus-Krist bɔ a sunmɛnnin i'n.

Jean 3:20

Sran kwlaa ng'ɔ ti sa tɛ yofuɛ'n, ɔ klo-man wia'n mlɔnmlɔn, ɔ fite-man weiin nun, afin ɔ klo-man kɛ be wun i nyoliɛ tɛtɛ'n.

Jean 5:41

N kunndɛ-man kɛ sran bo n dunman.

Jean 8:43

?Nguɛ ti yɛ an wun-man ndɛ nga n kan kle amun'n i wlɛ-ɔ? Afin an klo-man kɛ an ´tie.

Rɔmfuɛ Mun 2:10

Sanngɛ be kwlaa nga be yo sa kpa'n, Nyanmiɛn man be ´nyan nyrun, be ´bu be sran, yɛ be ´di alaje, Zuif mun yɛ be ti klikli-ɔ, i sin be nga mun.

Rɔmfuɛ Mun 2:29

sanngɛ Zuif kpa'n yɛlɛ sran ng'ɔ ti sɔ i anwlɛn nun'n, yɛ klɛn wlalɛ kpa'n yɛlɛ nga Nyanmiɛn Wawɛ'n wlɛ i sran i anwlɛn'n nun b'ɔ fin-man mmla nga be klɛli nun'n. Nán sran mun yɛ be yi Zuif kpa sɔ'n i ayɛ-ɔ, Nyanmiɛn bɔbɔ yɛ ɔ yi i ayɛ-ɔ.

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

2 Korɛntfuɛ Mun 10:18

Afin nanwlɛ, sran ng'ɔ se i bɔbɔ wun kɛ ɔ ti kpa'n, nɛ́n i yɛ ɔ ti kpa nin-ɔn, san sran nga e Min'n bɔbɔ se kɛ ɔ ti kpa'n, i yɛ ɔ ti kpa-a.

Filipfuɛ Mun 2:3

Nán an bu amun bɔbɔ amún wun akunndan yo like fi, nán an kunndɛ amun dunman, nán an tu amún wun, sanngɛ an `bu sran wie'm be sran tra amun bɔbɔ.

1 Tɛsalonikfuɛ Mun 2:6

E kunndɛ-man kɛ amun annzɛ sran wie bo e dunman. Sanngɛ kɛ Krist sunmannin ye'n ti, sɛ e yo é wun kɛ e lɛ nyrun'n, wuun y'a bo-man aosuan.

1 Timote 1:17

Famiɛn b'ɔ ti anannganman'n, b'ɔ wu-man, bɔ be wun-mɛn i'n, b'ɔ ti Nyanmiɛn bɔ like fi nun-mɛn i sin'n, man be mɛnmɛn i, yɛ be yi i ayɛ tititi, nán be yaci i le! Man ɔ yo sɔ!

Hébreu 3:12

Aniaan mun, i sɔ'n ti an `nian amún wun, nán man amun nun wie i anwlɛn'n ɔ yo tɛ, yɛ nán man ɔ `yo kɛ ɔ lafi-man Nyanmiɛn su b'ɔ man ɔ ´yaci Nyanmiɛn b'ɔ lafi-man nin-ɔn.

Jacques 2:1

N niaan mun, kɛ an lafi e Min Jésus-Krist b'ɔ lɛ nyrun dan'n i su'n, nán an bu sran'n wie kpa tra wie.

1 Piɛr 1:7

i sɔ'n nun yɛ be ´wun kɛ an lafi Nyanmiɛn su kpa-a. Sika ɔkwlɛ bɔ cɛn wie ɔ ´saci'n, be klo i nian. Amun kusu kɛ an lafi Nyanmiɛn su'n, an ti kpa tra sika ɔkwlɛ, sanngɛ san be ´sa amun nian. Yɛ kɛ be wun kɛ an lafi i su kpa'n, cɛn nga Jésus-Krist wa yi i wun nglo'n, be ´manman amun, be ´yi amun ayɛ, yɛ be ´yo amun mo.

Jude 1:25

e Nyanmiɛn kunngba b'ɔ ti e Defuɛ'n, e Min Jésus-Krist ti, man be yi i ayɛ, be mɛnmɛn i yɛlɛ kɛ ɔ ti famiɛn, ɔ ti kpli, yɛ ɔ kwla sa'n kwlaa yo. Kɛ ɔ fin lalaa'n, be mɛnmɛn i sɔ, kɛ ɔ fin ndɛ'n man be mɛnmɛn i tititi. Man ɔ yo sɔ!

1 Samiɛl 15:30

Sail waan: «M'an yo sa tɛ, sanngɛ ɔli nán gua mín nyin ase Izraɛl kpɛnngbɛn nin Izraɛlfuɛ'm be nyrun. Sa ɔ́ sin bla man n ko koto Anannganman b'ɔ ti ɔ Nyanmiɛn'n i bo.»

1 Samiɛl 2:30

I sɔ'n ti, min Anannganman bɔ n ti Izraɛlfuɛ'm be Nyanmiɛn'n, min waan: ‹Laa n seli kɛ wɔ awlo'n, ɔ nin wɔ akpasua'n be ´jran min nyrun be ´yi tɛ tititi.› Sanngɛ siɛn'n, min Anannganman, min waan: ‹Ɔ su yo-man sɔ kun, afin be nga be bu min sran'n, m ´bu be sran. Sanngɛ be nga be yo min finfin'n, be ´wun nyannzuɛn.