Jean 5:41 - NYANMIƐN NDƐ'N 1998

⁴¹ N kunndɛ-man kɛ sran bo n dunman.

Nyanmien nde Ufle

⁴¹ N kunnde'a ke swran bô n dunman.

Jean 5:41 ပူးပေါင်းရင်းမြစ်များ

Jean 12:43

Afin be klo dunman nga sran'm be bo be'n tra nga Nyanmiɛn bo be'n.

Jean 5:34

N liɛ'n, n kunndɛ-man kɛ sran yi min ayɛ, sanngɛ n kɛn i sɔ nan an ´nyan amún ti.

Jean 5:40

Ɔ nin i sɔ'n ngba'n, an klo-man kɛ an bla min sin nan amun ´nyan nguan!

Jean 5:42

N si amun, n si kɛ an klo-man Nyanmiɛn.

Jean 5:44

?Amun bɔ an klo kɛ amun wiengu bo amun dunman'n, bɔ an klo-man kɛ Nyanmiɛn b'ɔ ti kunngba cɛ'n yɛ ɔ bo amun dunman'n, ɔ ´yo sɛ yɛ amun ´kwla lafi i su-ɔ?

Jean 6:15

Kɛ Jésus wunnin kɛ be su wa trɛ sie i famiɛn'n, i ngunmin sɛ i sin ɔli kpɔlɛ'n su lɔ ekun.

Jean 7:18

Sran ng'ɔ kpɛ i bɔbɔ klun kle like'n, ɔ kunndɛ i bɔbɔ dunman. Sanngɛ sran ng'ɔ kunndɛ kɛ sran ng'ɔ sunmɛnnin i'n nyan dunman'n, ɔ ti sran kpa, sa tɛ kaan sa bɔn-mɛn i wun.

Jean 8:50

N liɛ'n, m bɔbɔ n kunndɛ-man n dunman, sran kun yɛ man n nyan dunman-an, i yɛ ɔ ´kpɛ e nun-ɔn.

Jean 8:54

Jésus seli kɛ: «Sɛ m bɔbɔ n dunman yɛ n kunndɛ'n, n su nyɛn-mɛn i. N Si bɔ amun waan ɔ ti amun Nyanmiɛn'n, i yɛ man n nyan dunman-an.

1 Tɛsalonikfuɛ Mun 2:6

E kunndɛ-man kɛ amun annzɛ sran wie bo e dunman. Sanngɛ kɛ Krist sunmannin ye'n ti, sɛ e yo é wun kɛ e lɛ nyrun'n, wuun y'a bo-man aosuan.

1 Piɛr 2:21

I sɔ yolɛ ti yɛ Nyanmiɛn flɛli amun-ɔn, afin amun ti, Krist bɔbɔ wunnin nyrɛnnɛn. Ɔ yoli sɔ kɛ an nian su nan an nanti i ajalɛ liɛ'n su.

2 Piɛr 1:17

I le kunngba nga e Si Nyanmiɛn ´mɛnmɛn i b'ɔ ´yi i ayɛ'n, e bɔbɔ e wo i bo. Ɔ tili i nɛn b'ɔ fin lika'n b'ɔ kpaja nyannyan'n nun'n, ɔ seli kɛ: «Min anwlɛn su ba'n yɛ, i su yɛ n wla'n kwlaa wo-ɔ.»