Jean 5:30 - NYANMIƐN NDƐ'N 1998

³⁰ «M bɔbɔ n kpɛ-man ń ti nun yo-man like fi, jɔlɛ i wafa nga Nyanmiɛn kle n kɛ n di su'n yɛ n di-ɔ. Ɔ man jɔlɛ nga n di'n ti nanwlɛ, afin nán m bɔbɔ n klun sa yɛ n ´klo kɛ n yo-ɔ, sanngɛ sran ng'ɔ sunmannin min'n i klun sa yɛ n yo-ɔ.

Nyanmien nde Ufle

³⁰ M bobo n kpe'a n ti nun yô'a liké fi, dyole i wafa nga Nyanmien klé n ke n di su'n, ye n dio. O man dyole nga n di'n ti nanwle, afin nanh m bobo n klun sa ye n klô ke n yôo, sannge swran ng'o sunmaan min'n, i klun sa ye n yôo.

Jean 5:30 ပူးပေါင်းရင်းမြစ်များ

Bo Bolɛ 18:25

N si kɛ a su nunnun-man klɔ'n. Kɛ a ´kan sran kpa mun nin sran tɛ mun bo nun a ´kun be'n nan sa nga ɔ ´ju sran kpa'm be su nin ng'ɔ ´ju sran tɛ'm be su'n be yo kun liɛ'n, a su yo-mɛn i sɔ mlɔnmlɔn. ?Wɔ bɔ a di asiɛ'n sufuɛ'm be kwlaa be jɔlɛ'n, sɛ a di-man nanwlɛ'n, wan yɛ ɔ di i ekun-ɔn?»

Jue Mun 96:13

Anannganman nyrun! Afin ɔ su ba, ɔ wa di asiɛ'n sufuɛ'm be jɔlɛ. Ɔ wa di mɛn'n i nunfuɛ'm be jɔlɛ nin nanwlɛ. Ɔ wa siesie nvle'm be afiɛn klanman .

Ezai 28:6

I yɛ ɔ ´kle be nga be di jɔlɛ'n be sa nuan su yolɛ-ɔ. Be nga be ´fuan be kpɔfuɛ'm be lele ´ju be klɔ i nuan lɔ'n, i yɛ ɔ ´man be fanngan-an.

Sofoni 3:15

afin amun wun ya nga Anannganman fali'n ɔ'a guɛ i ase, ɔ'a fuan amun kpɔfuɛ mun. Anannganman b'ɔ ti Izraɛl famiɛn'n, ɔ nin amun wo nun, nán srɛ kun amun, sayalɛ su nyan-man amun kun.

Matthieu 26:39

Yɛ ɔ ɔli i nyrun lɔ kaan nan ɔ'a la ɔ'a utu i nyin ase, yɛ ɔ seli i Si kɛ: «N Si, sɛ nyrɛnnɛn wie nga kwla to fuan min'n, man ɔ to fuan min, nán yo nga n klo kɛ ɔ `yo su'n, sanngɛ yo nga a klo kɛ ɔ `yo su'n.»

Jean 14:10

?A lafi-man su kɛ min nin e Si'n e ti sran wunmuan? Ndɛ nga n kan kle amun'n, n kpɛ-man n ti nun yɛ n kan-an. E Si b'ɔ nin min ti kun titi'n, i bɔbɔ yɛ ɔ di i junman nin-ɔn.

Jean 17:4

N yoli man a nyannin kɔmin asiɛ'n su wa, yɛ junman nga a mannin min kɛ n di'n, n wieli i di.

Jean 18:11

Jésus seli Piɛr kɛ: «Wla ɔ tokofi'n i bua'n nun. ?A bu i kɛ nyrɛnnɛn nga e Si waan n wun i'n, n su wun-mɛn i?»

Jean 4:34

Jésus seli be kɛ: «Min aliɛ'n yɛlɛ sran ng'ɔ sunmannin min'n i klun sa'n yolɛ nin junman ng'ɔ mannin min'n i bo guagualɛ.

Jean 5:19

Ɔ man Jésus kɛnnin i bɔbɔ ndɛ, ɔ seli be kɛ: «Nanwlɛ, like nga Ba'n wun kɛ i Si yo'n, yɛ ɔ nian su yo-ɔ. Ba'n bɔbɔ kwla kpɛ-mɛn i ti nun yo-man like fi. Like kwlaa ng'ɔ yo'n, yɛ i kusu yo-ɔ.

Jean 6:38

afin n fin nyanmiɛn su lɔ bali, m'an ba-man m bɔbɔ n klun sa yolɛ, sanngɛ sran ng'ɔ sunmannin min'n, i klun sa yɛ n yo-ɔ.

Jean 8:28

I sɔ'n ti ɔ seli be kɛ: «Cɛn nga an man m bɔ n kacili Sran'n n su'n, i cɛn sɔ'n nun yɛ amun ´si n wafa nga n ti nin-ɔn. I cɛn sɔ'n nun yɛ amun ´si kɛ m bɔbɔ n kpɛ-man n klun n yo-man like fi san ndɛ nga n Si kan kle min'n yɛ n kan-an.

Jean 8:42

Jésus seli be kɛ: «Sɛ Nyanmiɛn ti amun Si sakpa'n, wuun amun ´klo ń sa, afin n fin Nyanmiɛn wun lɔ, i dunman nun yɛ n wo wa-a. Nán n tiaun yɛ m bali-ɔ, i yɛ ɔ sunmannin min-ɔn.

Jean 8:50

N liɛ'n, m bɔbɔ n kunndɛ-man n dunman, sran kun yɛ man n nyan dunman-an, i yɛ ɔ ´kpɛ e nun-ɔn.

Rɔmfuɛ Mun 15:3

Afin Krist ɔ'a yo-man like ng'ɔ jɔ i bɔbɔ i klun'n, yɛlɛ kɛ be klɛli i kɛ: «Nzowa nga be ko kpɛ wɔ'n, min yɛ be fa kpɛli min-ɔn .»

Rɔmfuɛ Mun 2:2

E si kɛ Nyanmiɛn di be nga be yo i sɔ sa'n be jɔlɛ nanwlɛ su.

Rɔmfuɛ Mun 2:5

Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,