Jean 5:3 - NYANMIƐN NDƐ'N 1998

³ Tukpacɛfuɛ kpanngban kpa be lala akpa sɔ'm be bo, anyansifuɛ mun, nin cɛcɛwafuɛ mun, ɔ nin be bɔ bé sa annzɛ bé ja ti wuwa'n, [be minndɛ nzue'n i kejelɛ,

Nyanmien nde Ufle

³ Tukpatyefue kpanngban kpa bé lala akpa so'm bé bô, anyansifue, nin tyetyewafue, nin bé bo bé sa annze bé dya ti uwa'n, [bé minnde nzué'n i kédyéle,

Jean 5:3 ပူးပေါင်းရင်းမြစ်များ

1 Famiɛn Mun 13:4

Kɛ famiɛn Zeroboam tili Betɛl i sraka yiwlɛ i wun ndɛ bɔ Nyanmiɛn i nuan ijɔfuɛ'n kannin'n, ɔ tinngɛli i sa'n sraka yiwlɛ'n su yɛ ɔ seli kɛ: «Be `trɛ i!» Kpɛkuun i sa b'ɔ tinngɛli nun'n kali lɛ wuli. I waan ɔ ´yi i sa nin-ɔn, ɔ yo-man ye,

Nyanndra Mun 8:34

Sran ng'ɔ sie i su mín nuan'n bo'n, bɔ aliɛ ba blu-nin-nso'n nun ɔ jin anuan'n nun, b'ɔ sasa min kofiaja mun'n, i liɛ su ti ye!

Ngwlɛ Yilɛ 3:26

Sɛ sran kun tran diin minndɛ Anannganman kɛ ɔ wa de i'n, i sɔ yolɛ i kpa liɛ ng'ɔ ti'n, nán sa yolɛ-ɔ.

Zakari 11:17

Nnɛn kankanfuɛ luflefuɛ ng'ɔ yaci i nnɛn'm be lɛ tu kpɛn'n, i yako! Man alɛ'n saci i sa nin i nyin mma mun. Man i sa fama'n wu i wun yɛ nɛ́n i nyin mma fama'n wun ase kun .»

Matthieu 15:30

Yɛ sran kpanngban kpa be fa cɛcɛwafuɛ mun, nin bubuwafuɛ mun, nin anyansifuɛ mun, nin bobofuɛ mun, ɔ nin tukpacɛfuɛ kpanngban wie mun ekun bali Jésus wun lɛ, be sieli be i nyrun lɛ, nan ɔ'a yo be juejue.

Matthieu 4:24

I dunman'n fuli Siri mɛn wunmuan'n nun. Be fali be kwlaa nga tukpacɛ fanunfanun o be wun'n bɔ be wunnɛn yo be ya'n, nin be bɔ asiɛ usu a saci be'n, nin ngbitiɛfuɛ mun, ɔ nin bubuwafuɛ mun blɛli i, nan ɔ'a yo be juejue.

JÉSUS-CHRIST I DYASIN FE'N BO LUC KLELI'N 7:22

Yɛ ɔ seli be kɛ: «An `ko kan like nga an wunnin i'n nin ndɛ nga an tili'n kle Zan. An se i kɛ anyansifuɛ'm be wun ase, cɛcɛwafuɛ'm be nanti, kokowefuɛ'm bé wun sa, sutrefuɛ'm be ti sa, be nga be wuli'n be cɛn, yɛ be bo jasin fɛ'n kle yalɛfuɛ mun .

Jean 5:2

Zerizalɛm klɔ'n i anuan nga be flɛ i Bua'm be Anuan'n, gble kun o lɛ, be flɛ i ebre nun Betɛsda, be boli akpa nnun lɛ.

Jean 5:4

afin cɛn wie anz kun wa jra nzue sɔ'n nun, ɔ keje nun. Kɛ ɔ ko keje'n, sran ng'ɔ dun mmua jra nun'n, kɛ i tukpacɛ'n ti'n, ɔ wie.]

Rɔmfuɛ Mun 8:25

Sɛ é nyin o like bɔ be waan be ´fa man ye bɔ e nian wun-mɛn i'n i sin'n, e tra e anwlɛn e tran minndɛ.

Jacques 5:7

I sɔ'n ti, aniaan mun, an `tra amun anwlɛn lele man ɔ fa ju e Min'n i balɛ. An `nian, fie difuɛ'm be tra be anwlɛn lele be nyan be fie'n su like kpakpa. Be tra be anwlɛn lele kofie bolɛ nzue'n nin wawa nzue'n ɔ tɔ su.