Jean 5:26 - NYANMIƐN NDƐ'N 1998

²⁶ Kɛ nguan'n wo i Si sa nun'n, ɔ man nguan sɔ'n wo i Wa'n sa nun wie.

Nyanmien nde Ufle

²⁶ Ke nguan'n wô i Si sa nun'n, o man nguan so'n wô i Wa'n sa nun wié.

Jean 5:26 ပူးပေါင်းရင်းမြစ်များ

Jean 11:26

Yɛ sran nga i nyin o su b'ɔ lafi n su'n, ɔ su wu-man le. ?A lafi ndɛ sɔ'n su?»

Jean 1:4

I sa nun yɛ nguan'n wo-ɔ, nguan sɔ'n ti kɛ wia'n sa, ɔ man sran'm be wun ase.

Ezipt Lɔ Tulɛ'n 3:14

Nyanmiɛn waan: «Min ti Nyanmiɛn bɔ n wo lɛ titi'n. Ndɛ nga a wa kan kle Izraɛlfuɛ mun'n yɛ: ‹Nyanmiɛn b'ɔ wo lɛ titi'n sunmannin min amún sin.› »

Jean 14:6

Jésus seli i kɛ: «Min yɛ n ti atin nin nanwlɛ nin nguan nin-ɔn. Sran nga ɔ'a sin-man min nun'n, ɔ ju-man e Si wun lɔ.

Zeremi 10:10

Anannganman'n ɔ ti Nyanmiɛn sakpa. Ɔ ti Nyanmiɛn kun b'ɔ lafi-man. I kunngba'n ti famiɛn b'ɔ ti adudua. Kɛ ɔ ko fa ya sa'n, asiɛ wunmuan'n keje. Nvle-nvle'm be nunfuɛ'm be yo i like'n wie fi-ɔ ɔ yo-man ye.

Sa nglô yile 22:17

Nyanmiɛn Wawɛ'n nin Atɔnvlɛ'n be se kɛ: «Bla!» Sran ng'ɔ ti sa sɔ'n, man ɔ se kɛ: «Bla!» Sran nga nzue we kun i'n, man ɔ bla, man sran ng'ɔ klo kɛ ɔ ´fa nzue ng'ɔ man nguan'n, ɔ fa, dein su fite-man nun !

1 Timote 1:17

Famiɛn b'ɔ ti anannganman'n, b'ɔ wu-man, bɔ be wun-mɛn i'n, b'ɔ ti Nyanmiɛn bɔ like fi nun-mɛn i sin'n, man be mɛnmɛn i, yɛ be yi i ayɛ tititi, nán be yaci i le! Man ɔ yo sɔ!

1 Korɛntfuɛ Mun 15:45

I sɔ'n ti be klɛli i kɛ: «Adam b'ɔ ti sran klikli'n, ɔ nyannin nguan yɛ ɔ yoli sran.» Adam kasiɛnfuɛ'n yoli aolia nun sran b'ɔ man nguan.

Jue Mun 36:9

Wɔ awlo'n nun ninnge kpakpa'n i wie yɛ be di-ɔ. Ɔ klun-ufue'n ti a man be nzue kpa be nɔn.

Sa nglô yile 22:1

Ɔ kleli min nzue ba bɔ i nun nzue'n man nguan'n, ɔ ti nyannyannyan kɛ laglasi sa. Ɔ fin Nyanmiɛn nin Bua Gbanflɛn'n be bia'n nun yɛ ɔ fite-ɔ.

Sa nglô yile 21:6

Yɛ ɔ seli min kɛ: «Ɔ'a wie! N ti Alfa nin Omega, n ti sa'n kwlaa i bo bofuɛ, nin i bo guafuɛ. Sran nga nzue we kun i'n, n ´fa nzue ti bɔ i nun nzue'n man nguan'n i nun nzue'n mɛn i, ɔ su yi-man nun dein .

1 Timote 6:16

I kunngba cɛ yɛ ɔ wu-man-an, ɔ tran lika b'ɔ kpaja nyannyannyan bɔ sran fi kwla mɛntɛn-mɛn i'n nun. Sran fi nian wun-mɛn i le, yɛ be kwla wun-mɛn i. Man be mɛnmɛn i yɛ be si kɛ ɔ ti kwlafuɛ tititi. Man ɔ yo sɔ.

Sa nga bé yôli'n 17:25

I b'ɔ man sran'm be kwlaa be nguan'n, b'ɔ man be wunmiɛn'n, b'ɔ man be like'n kwlaa'n, i sa mian-man like fi wun bɔ sɛ sran'm be su i'n be kwla yo mɛn i-ɔ .

Jean 14:19

Ɔ cɛ kan'n, mɛn nunfuɛ'm be su wun-man n kun, sanngɛ amun liɛ'n, amun ´wun min. N wu-man, ɔ man amun kusu amun ´ka lɛ tititi.

Jean 8:51

Nanwlɛ, sran ng'ɔ fa min ndɛ'n su'n, ɔ su wu-man mlɔnmlɔn.»

Jean 4:10

Jésus seli i kɛ: «Sɛ a si like nga Nyanmiɛn fa man sran mun'n, yɛ sɛ a si sran ng'ɔ se wɔ kɛ a mɛn i nzue lɛ'n, wuun ɔ bɔbɔ a ´srɛ i wie, yɛ ɔ ´man wɔ nzue b'ɔ sonji'n.»

Jue Mun 90:2

I sin nan b'a wun oka mun mɛn'n nun'n, nan mɛn'n bɔbɔ ɔ'a bo i bo'n, wuun a ti Nyanmiɛn, a ´ka sɔ tititi.

Sa nglô yile 7:17

Afin Bua Gbanflɛn'n b'ɔ o bia'n i afiɛn lɛ'n, ɔ ´ta be, ɔ ´fa be kɔ nzue ti mun bɔ be man nguan'n bé nuan, yɛ Nyanmiɛn ´nunnun be nyinmuɛn'n kwlaa .»

Jean 6:57

Kɛ n Si b'ɔ lafi-man'n ɔ sunmannin min'n, bɔ i ti yɛ n wo lɛ'n, sran nga kusu b'ɔ di min nnɛn'n, n ti ɔ ´tran lɛ.

Jean 10:18

Sran fi kwla kpɛ-man min nguan'n i sin, m bɔbɔ n klun su yɛ n fa min wun man-an. N kwla fa min wun man, yɛ n kwla nyan nguan ekun. Afin i sɔ yɛ n Si kan kleli n kɛ n yo-ɔ.

Jean 11:25

Jésus seli i kɛ: «Min yɛ n cɛn sran mun-ɔn, m bɔbɔ min yɛ be flɛ min nguan nin-ɔn. Sran kwlaa ng'ɔ lafi n su'n, sɛ ɔ wu'n, ɔ ´nyan nguan ekun.

Hébreu 1:2

Sanngɛ e bɔ e su kɔ mɛn'n i bue nuan'n, ɔ man i Wa'n yɛ ɔ kan ndɛ kleli ye-ɔ. I yɛ ɔ man ɔ yili mɛn'n nin ninnge'n kwlaa-a, yɛ ɔ seli kɛ ɔ ´fa like'n kwlaa mɛn i.