Jean 5:23 - NYANMIƐN NDƐ'N 1998

²³ nan sran'm be kwlaa be bu i sran kɛ be bu i Si sran'n sa. Sran ng'ɔ bu-mɛn i Wa'n sran'n, wuun ɔ bu-mɛn i Si b'ɔ sunmɛnnin i'n i sran.

Nyanmien nde Ufle

²³ nan swran'n kwlaa bé bui swran ke bé bu i Si swran'n sa. Swran ng'o bu'e i Wa'n swran'n, wuun o bu'e i Si b'o sunmenniin'n, i swran.

Jean 5:23 ပူးပေါင်းရင်းမြစ်များ

Jue Mun 2:12

Amun `koto i bo nan ɔ'a fa-man ya, nan atin nga amun fa su'n, amu'an mlin-man. Afin ɔ fa ya ndɛndɛ kpa. Sran ng'ɔ kunndɛ fiawlɛ i nun'n, i liɛ su ti ye!

Ezai 42:8

N ti Anannganman, min dunman'n yɛ o lɛ-ɔ. N fa-man min nyrun bɔ n lɛ i'n m man-man sran, n fa man-man amuɛn mun.

Ezai 44:6

Anannganman b'ɔ ti Izraɛl famiɛn'n, b'ɔ kpɔli Izraɛlfuɛ'm bé ti'n, b'ɔ sie mɛn wunmuan'n, i waan: «Min yɛ n ti ninnge'm be kwlaa be klikli'n nin be kasiɛn nin-ɔn. Nyanmiɛn fi nun-man mín sin kun .

Ezai 45:15

Izraɛl Nyanmiɛn, wɔ bɔ a de sran mun'n, nanwlɛ, a ti Nyanmiɛn kun bɔ a ti fiawa!

Ezai 45:21

Amun `kan amun nuan su ndɛ mun, amun `kan sa nga amun jran su kan ndɛ'n. Amun `wun amún wun bɔbɔ. ?Wan yɛ ɔ boli sa nga be wa ju'n be su lalaa-a? ?Wan yɛ ɔ dun mmua yili be nglo nan b'a ju-ɔ? ?Nán min Anannganman-an? Sɛ be san mín wun'n, be wun-man Nyanmiɛn fi kun. Nyanmiɛn b'ɔ ti nanwlɛfuɛ b'ɔ de sran'n, sɛ be san min wun'n, be su wun-mɛn i sɔ Nyanmiɛn kun.

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Matthieu 10:37

Sran ng'ɔ klo i si annzɛ i nin tra min'n, ɔ su yo-man n liɛ, yɛ sran ng'ɔ klo i wa yasua annzɛ i wa bla tra min'n, ɔ su yo-man n liɛ,

Matthieu 11:27

N Si yɛ ɔ fa like'n kwlaa mannin min-ɔn. Sran fi si-man Nyanmiɛn i Wa'n, san i Si kunngba yɛ ɔ si i-ɔ, yɛ sran fi si-man Nyanmiɛn i Wa'n i Si'n, san Ba'n bɔbɔ ɔ nin sran ng'ɔ klo kɛ ɔ ´fɛ i Si'n kle i'n, be yɛ be si i-ɔ.

Matthieu 12:21

Nvle-nvle'm be wa fa bé wla guɛ i su .»

Matthieu 15:8

‹Sran nga'm be kɛn i bé nuan bui su kɛ be bu n sran, sanngɛ be anwlɛn nun-man min su.

Matthieu 28:19

I sɔ'n ti, an `wɔ ko kle nvle-nvle'n kwlaa be like man be kaci n sɔnnzɔnfuɛ, yɛ an `yo be batɛm e Si Nyanmiɛn, nin i Wa'n, ɔ nin i Wawɛ'n be dunman nun .

JÉSUS-CHRIST I DYASIN FE'N BO LUC KLELI'N 10:16

Sran ng'ɔ fa amun ndɛ'n su'n, wuun min ndɛ'n su yɛ ɔ'a fa-a. Sanngɛ sran ng'ɔ sɔ-man amun nun'n, wuun ɔ'a sɔ-man min nun, yɛ sran ng'ɔ sɔ-man min nun'n, wuun ɔ'a sɔ-man sran ng'ɔ sunmannin min'n, i nun.»

Jean 14:1

Nán amún wla bo. An `lafi Nyanmiɛn su, yɛ an `lafi n su wie.

Jean 16:14

Ɔ yo man n dunman'n ɔ ´fu, afin min ndɛ'n yɛ ɔ ´kan kle amun-ɔn.

Jean 17:10

Like ng'ɔ ti n liɛ'n, i kwlaa'n ɔ ti ɔ liɛ, yɛ ng'ɔ ti ɔ liɛ'n, ɔ ti n liɛ, yɛ be man n kɔmin su.

Rɔmfuɛ Mun 1:7

N ´fa fluwa nga blɛ amun bɔ an wo Rɔm lɔ bɔ Nyanmiɛn klo amun b'ɔ flɛli amun kɛ an kaci i liɛ mlɔnmlɔn'n. Man e Si Nyanmiɛn nin e Min Jésus-Krist be yo man an nyan ye, yɛ man amún wun jɔ amun fɔuun!

Rɔmfuɛ Mun 15:12

Ezai kusu seli kɛ: «Izai i anunman'n ɔ ´ba, ɔ wa jao sie be nga be ti-man Zuif'n. I su yɛ be ´fa bé wla'n gua-a .»

Rɔmfuɛ Mun 6:22

Sanngɛ siɛn'n bɔ Nyanmiɛn a de amún nzuɛn tɛtɛ'n nun bɔ amu'an kaci i kanga'n, like nga an nyɛn i nun'n yɛlɛ Nyanmiɛn nzuɛn bɔ an fa'n, bɔ i agualiɛ yɛlɛ anannganman nguan'n.

Rɔmfuɛ Mun 8:9

Sanngɛ amun liɛ'n, sɛ Nyanmiɛn Wawɛ'n tran amun nun kɛ i awlo sa'n, amun nzuɛn'n ti-man klɔ sran liɛ kun, like ng'ɔ kle amun kɛ an yo'n yɛ an yo-ɔ. Sran ng'ɔ lɛ-man Krist i Wawɛ'n, ɔ ti-mɛn i liɛ.

1 Korɛntfuɛ Mun 1:3

Man e Si Nyanmiɛn nin e Min Jésus-Krist be man an nyan ye, yɛ man amún wun jɔ amun fɔuun!

1 Korɛntfuɛ Mun 10:31

I sɔ'n ti'n, sɛ amun ´di like o, sɛ amun ´nɔn nzue annzɛ nzan o, sɛ amun ´yo like wie o, an `yo i kwlaa sɔ'n i nuan su man Nyanmiɛn nyan nyrun.

1 Korɛntfuɛ Mun 16:22

Sɛ sran kun klo-man e Min'n, man Nyanmiɛn bo i sannzan. Maranata! (E Min'n ´ba!)

1 Korɛntfuɛ Mun 6:19

?An si-man kɛ amun wunnɛn'n ti Nyanmiɛn i Wawɛ'n b'ɔ fa mannin amun b'ɔ wo amun nun'n i sua, ɔ man an di-man amun tiaun?

2 Korɛntfuɛ Mun 1:9

Nanwlɛ, e bu kɛ b'a sie e kɛ be kun e. Sa sɔ'n yoli sɔ nan y'a lafi-man e bɔbɔ e su, sanngɛ y'a lafi Nyanmiɛn b'ɔ cɛn sran nga be wu'n i su.

2 Korɛntfuɛ Mun 5:14

Sa kwlaa nga e yo'n, e yo i klolɛ bɔ Krist fa klo sran'n ti. E si kɛ sɛ sran kun wuli sran'm be kwlaa bé ti'n, wuun be ngba yɛ be wuli-ɔ.

2 Korɛntfuɛ Mun 5:19

Nyanmiɛn nin Krist be sran kun bɔ be ti'n ti'n, ɔ'a nian-man sa nga sran'm be yoli'n ti, ɔ yoli man mɛnmɛnfuɛ'm be kwlaa be nin i be afiɛn a sɛ. Yɛ ɔ fa afiɛn siesielɛ ndɛ sɔ'n wlali é sa nun.

Efɛzfuɛ Mun 6:24

Yɛ e Si Nyanmiɛn man be kwlaa nga be klo e Min Jésus-Krist lele guɛ i ti nin i bo'n be nyan ye!

2 Timote 1:12

I sɔ'n ti yɛ n wun nyrɛnnɛn nga-a, sanngɛ ɔ nin i sɔ'n ngba'n, nyannzuɛn kun-man min, afin n si sran nga n fa ń wla'n guɛli i su'n. N si weiin kɛ like kwlaa nga ɔ fa wlali min sa nun'n, i bɔbɔ kwla nian su lele fa ju cɛn sɔ'n nun.

Hébreu 1:6

Kɛ ɔ ´fɛ i Wa kpɛn'n ba mɛn nun'n, ɔ kɛnnin i ekun kɛ: «Man min anz'm be kwlaa be koto i bo be mɛnmɛn i.»

2 Piɛr 1:1

N Simɔn Piɛr bɔ n ti Jésus-Krist junman difuɛ'n, b'ɔ sunmannin min'n, n ´klɛ fluwa nga blɛ amun bɔ Nyanmiɛn man amun lafi i su kpa kɛ e sa'n. I sɔ'n fin e Defuɛ Jésus-Krist b'ɔ ti Nyanmiɛn'n, afin ɔ ti sran kpa.

2 Piɛr 3:18

Ye bɔ e Min'n b'ɔ ti e Defuɛ'n yo amun'n ti'n, man be wun kɛ amu'an yo sran, yɛ man be wun kɛ amun nin i tran nan amu'an si i kpa. Kɛ ɔ fin ndɛ'n, man be yi i ayɛ tititi. Man ɔ yo sɔ!

1 Jean 2:23

Sran ng'ɔ sɔ-man Nyanmiɛn Wa'n nun'n, wuun ɔ'a sɔ-mɛn i bɔbɔ nun. Sran ng'ɔ sɔ i nun'n, wuun ɔ'a sɔ i Si'n nun.

2 Jean 1:9

Sran nga ndɛ nga Krist kle'n ju-mɛn i'n, b'ɔ uka su'n, wuun ɔ si-man Nyanmiɛn, sanngɛ sran ng'ɔ fa like ng'ɔ kle su'n, ɔ si e Si'n nin i Wa'n.