Jean 5:17 - NYANMIƐN NDƐ'N 1998

¹⁷ Sanngɛ Jésus seli be kɛ: «Cɛn kwlakwlakwla n Si di junman, n kusu n di junman.»

Nyanmien nde Ufle

¹⁷ Sannge Jésus sé bé ke: Tyen kwlakwlakwla n Si di dyunman, n kusu n di dyunman.

Jean 5:17 ပူးပေါင်းရင်းမြစ်များ

Jue Mun 65:6

Nyanmiɛn, a de ye. A kaci-man mlɔnmlɔn. A yo abonuan sa mun fa tɛ e su. Nvle nga be fɛ i wa lele ju asiɛ'n i bue kun lɔ'n be nunfuɛ'm be kwlaa, ɔ nin mɛn nga be o jenvie nuan'n mmua lɔ'n be nunfuɛ'm be kwlaa, ɔ́ su yɛ be lafi-ɔ.

Ezai 40:26

Amun `man amún nyin su nglo be `nian! ?Wan yɛ ɔ yili nzraama mun-ɔn? ?Nán sran nga b'ɔ man be kwlaa be fite nyannglaan nin-ɔn? Ɔ fa be dunman'n flɛflɛ be kwlaa, i kwlalɛ b'ɔ kwla dan'n nin i wunmiɛn dan'n ti'n, wie fi tu-man nun.

Matthieu 10:29

?Be yo-man ndrofia nnyɔn atɛ bablu kun? Sanngɛ ɔ nin i sɔ'n ngba, sɛ amun Si a kplin-man su'n, be nun kun sa tɔ-man.

Jean 10:36

?Sɛ ɔ ti sɔ'n, m bɔ Nyanmiɛn fa min sieli kɛ n di i junman'n, b'ɔ sunmannin min mɛn nun'n kɛ n se kɛ n ti i Wa'n, nguɛ ti yɛ an se kɛ n saci i dunman-an?

Jean 14:10

?A lafi-man su kɛ min nin e Si'n e ti sran wunmuan? Ndɛ nga n kan kle amun'n, n kpɛ-man n ti nun yɛ n kan-an. E Si b'ɔ nin min ti kun titi'n, i bɔbɔ yɛ ɔ di i junman nin-ɔn.

Jean 5:16

Wunmiɛn-delɛ-cɛn'n nun yɛ Jésus yoli sa sɔ nin-ɔn. I sɔ'n ti'n, Zuif'm be suali Jésus nganzua.

Jean 5:18

Ndɛ sɔ'n ti Zuif'm be suɛli i nganzua kpa trali laa'n, be waan be ´kun i, nán wunmiɛn-delɛ-cɛn b'ɔ sacili i'n ngunmin ti-ɔ, sanngɛ selɛ b'ɔ seli kɛ Nyanmiɛn ti i Si b'ɔ fɛ i wun sunnzun i'n ti-ɔ.

Jean 9:4

Kɛ lika'n tɛ o nun'n, man e di sran ng'ɔ sunmannin min'n i junman'n. Lika'n su wa san, kɛ ɔ ko san'n, sran fi kwla di-man junman.

Sa nga bé yôli'n 14:17

Ɔ nin i sɔ'n ngba'n, ɔ'a yaci-mɛn i wun nglo yilɛ sa kpakpa b'ɔ yo be'n be nun, ɔ man nzue'n tɔ, yɛ amun fie'm be yo ye, ɔ man amun aliɛ kpanngban, yɛ ɔ man amun klun jɔ.»

Sa nga bé yôli'n 17:28

I yɛ ɔ man e nguan-an, i ti yɛ e o lɛ bɔ e kwla kan e wun-ɔn. Ndɛ sɔ'n yɛ amun jue kpɛfuɛ wie'm be kannin nin-ɔn, be seli kɛ: ‹E kusu e ti i wa wie.›

1 Korɛntfuɛ Mun 12:6

i dilɛ'n ti fanunfanun, sanngɛ Nyanmiɛn kunngba'n yɛ man be yo i kwlaa sɔ nin-ɔn.

Kolɔsfuɛ Mun 1:16

Afin i yɛ Nyanmiɛn man ɔ yili ninnge'n bɔ be o nyanmiɛn su lɔ nin asiɛ'n su wa be kwlaa-a. Like nga be wun be'n nin nga be wun-man be'n, be nga be o bia su o, be nga be sie sran mun o, mmusu mun o, kpɛnngbɛn mun o. I yɛ Nyanmiɛn man ɔ yili ninnge'n kwlaa, i bɔbɔ ti yɛ ɔ man ɔ yili be-ɔ.

1 Tɛsalonikfuɛ Mun 2:13

I sɔ'n ti, e kusu e la Nyanmiɛn ase titi, afin i ndɛ bɔ e kan kleli amun'n, an tili yɛ an fali su. Amu'an bu-mɛn i kɛ ɔ ti sran liɛ, sanngɛ an wunnin i kɛ ɔ ti Nyanmiɛn ndɛ sakpa b'ɔ kwla yo amun bɔ an lafi Krist su'n, amún wun sa ye.

Hébreu 1:3

I yɛ ɔ man e wun Nyanmiɛn b'ɔ yi i wun nglo nyannyannyan nin-ɔn, ɔ fa Nyanmiɛn i wafa kwlaa ng'ɔ ti'n, i nuan nun ndɛ'n yɛ man ninnge'n kwlaa be o lɛ-ɔ. Kɛ ɔ yoli bɔ sran'm bé wun sa'n wieli'n, ɔ ko trannin Nyanmiɛn b'ɔ ti Wlengbi'n i fama su nyanmiɛn su lɔ.