Jean 5:10 - NYANMIƐN NDƐ'N 1998

¹⁰ Wunmiɛn-delɛ-cɛn'n nun yɛ ɔ yoli sa sɔ nin-ɔn. Ɔ man Zuif'm be seli bian ng'ɔ yoli juejue'n kɛ: «Ndɛ ti wunmiɛn-delɛ-cɛn, nán sua ɔ bɛ'n.»

Nyanmien nde Ufle

¹⁰ Sabbat b'o ti Juif'm bé tyen te'n ye o yôli sa so nion. O man Juif'm bé sé bian ng'o yôô dyuédyué'n ke: Nde ti sabbat, nanh suo o be'n.

Jean 5:10 ပူးပေါင်းရင်းမြစ်များ

Ezai 58:13

Anannganman wan yoo: «Sɛ amun di-man junman wunmiɛn-delɛ-cɛn nun kun'n, sɛ amun yo-man amun bɔbɔ amun klun klo ninnge mun min bɔbɔ mín cɛn sɔ nun'n, sɛ amun wun i wlɛ kɛ wunmiɛn-delɛ-cɛn'n yɛ man amun klun jɔ'n, nan ɔ ti min cɛn'n, nan ɔ ti cɛn dan'n, sɛ amun sie i ngunmin'n bɔ amun fa di-man junman'n, bɔ amun fa yo-man amun klun klo ninnge mun'n, bɔ amun fa kan-man finfin ndɛ kpanngban mun'n,

Zeremi 17:21

Anannganman'n wan yoo: ‹An `nian amun wun kpa. Wunmiɛn-delɛ-cɛn'n nun nán an sua trɔ. Nán an fa trɔ wlu Zerizalɛm klɔ'n nun.

Zeremi 17:27

Nan sanngɛ sɛ amu'an sie-man amún su'n, sɛ amu'an sie-man wunmiɛn-delɛ-cɛn'n i ngunmin b'a man-man min nan an sua trɔ an fa sin Zerizalɛm klɔ'n i anuan nun, wunmiɛn-delɛ-cɛn nun'n, i liɛ'n, n ´trɔ klɔ'n nun sin yɛ sin sɔ'n ɔ ´di Zerizalɛm sua kpakpa mun, ɔ su nuan-man le.› »

Matthieu 12:10

Bian kun o lɛ bɔ i sa'n ti wuwa. Be usali Jésus kɛ: «?Be kwla yo sran juejue wunmiɛn-delɛ-cɛn nun?» Be usɛli i sɔ nan be ´jran su be sɛnmɛn i.

Marc 2:24

Farizifuɛ'm be seli kɛ: «?Nian, nguɛ ti yɛ be yo like nga sran lɛ-man atin kɛ ɔ yo i wunmiɛn-delɛ-cɛn nun nin-ɔn? »

Marc 3:4

I sin ɔ usali be kɛ: «?Wunmiɛn-delɛ-cɛn'n nun be kwla yo sran ye annzɛ be yo sran tɛ, yɛ be de sran annzɛ be kun sran?» Sanngɛ b'a uke-man bé nuan.

JÉSUS-CHRIST I DYASIN FE'N BO LUC KLELI'N 13:14

Sanngɛ bla i juejue bɔ Jésus yoli i wunmiɛn-delɛ-cɛn nun'n, ɔ yoli Nyanmiɛn ndɛ suanlɛ nin i srɛlɛ sua su kpɛn'n i ya, nan ɔ'a se sran'm be kɛ: «Cɛn nga be fa di junman'n ɔ ti cɛn ba nsiɛn, an `bla cɛn sɔ'm be nun man be yo amun juejue, nán an ba wunmiɛn-delɛ-cɛn nun kun .»

JÉSUS-CHRIST I DYASIN FE'N BO LUC KLELI'N 23:56

Kɛ be sali bé sin'n, be ko yoli ayre fannin nin nyanngo. Yɛ wunmiɛn-delɛ-cɛn nun'n, be trannin ase deli wunmiɛn, afin kɛ ɔ ti sɔ be mmla'n nun-ɔn .

JÉSUS-CHRIST I DYASIN FE'N BO LUC KLELI'N 6:2

Farizifuɛ wie'm be usali be kɛ: «?Nguɛ ti yɛ an yo like nga be yo-mɛn i wunmiɛn-delɛ-cɛn nun nin-ɔn ?»

Jean 1:19

An `nian, i nun nga Zerizalɛm Zuif'm be yili Nyanmiɛn nyrun jranfuɛ wie mun nin Levifuɛ wie mun kɛ be ko usa Zan kɛ wan yɛlɛ i'n, ndɛ ng'ɔ kannin'n yɛ.

Jean 5:11

Ɔ seli be kɛ: «Sran ng'ɔ yoli n juejue'n ɔ seli n kɛ n fa m bɛ'n nan n `nanti.»

Jean 5:15

Bian sɔ'n wɔli ko seli Zuif'm be kɛ Jésus yɛ ɔ yoli i juejue-ɔ.

Jean 5:16

Wunmiɛn-delɛ-cɛn'n nun yɛ Jésus yoli sa sɔ nin-ɔn. I sɔ'n ti'n, Zuif'm be suali Jésus nganzua.

Jean 7:23

?Sɛ an wla be klɛn wunmiɛn-delɛ-cɛn'n nun-ɔn amu'an saci-man Moiz mmla'n, wuun nguɛ ti yɛ klɔ sran wunmuan kun bɔ n yo i juejue wunmiɛn-delɛ-cɛn'n nun'n ti an fa min wun ya-a?

Jean 9:16

Farizifuɛ'm be wie'm be seli kɛ: «Bian sɔ'n ci-man wunmiɛn-delɛ-cɛn'n, ɔ man nán Nyanmiɛn yɛ ɔ sunmɛnnin i-ɔ.» Be wie'm be kusu be waan: «?Sɛ sran kun ti sa tɛ yofuɛ'n, ɔ yo sɛ yɛ ɔ kwla yi atrɛ kɛ nga sa-a?» Kpɛkuun b'a bu bé wun nun.