Jean 4:34 - NYANMIƐN NDƐ'N 1998

³⁴ Jésus seli be kɛ: «Min aliɛ'n yɛlɛ sran ng'ɔ sunmannin min'n i klun sa'n yolɛ nin junman ng'ɔ mannin min'n i bo guagualɛ.

Nyanmien nde Ufle

³⁴ Jésus sé bé ke: Min alie'n yele swran ng'o sunmaan min'n i klun sa yôle, nin dyunman ng'o maan min'n i bô guaguale.

Jean 4:34 ပူးပေါင်းရင်းမြစ်များ

Zɔb I Nyrɛnnɛn Wunlɛ 23:12

I mmla kun nun-man lɛ bɔ m'an fa-man su-ɔ. I nuan nun ndɛ'm be yoli cinnjin min sa nun trali m bɔbɔ min klun sa'n.

Jue Mun 40:8

I ti min waan: «Sɛ ɔ ti sɔ'n, m bɔbɔ m ba. Min wun ndɛ nga be kannin'n, ɔ o mmla fluwa'n nun.

Matthieu 26:39

Yɛ ɔ ɔli i nyrun lɔ kaan nan ɔ'a la ɔ'a utu i nyin ase, yɛ ɔ seli i Si kɛ: «N Si, sɛ nyrɛnnɛn wie nga kwla to fuan min'n, man ɔ to fuan min, nán yo nga n klo kɛ ɔ `yo su'n, sanngɛ yo nga a klo kɛ ɔ `yo su'n.»

Matthieu 3:15

Jésus seli i kɛ: «Yaci, yo ndɛ liɛ'n, afin ɔ ti i su kɛ e `yo sa kwlaa ng'ɔ ti Nyanmiɛn klun su'n.» Yɛ Zan yoli-ɔ.

Matthieu 9:19

Jésus jaoli, nan ɔ nin i sɔnnzɔnfuɛ mun b'a su i su.

JÉSUS-CHRIST I DYASIN FE'N BO LUC KLELI'N 15:10

Ɔ man n ´se amun kɛ sa tɛ yofuɛ kun b'ɔ kaci i nzuɛn'n ti, Nyanmiɛn i anz'm be klun jɔ.»

JÉSUS-CHRIST I DYASIN FE'N BO LUC KLELI'N 19:10

afin m bɔ n kacili Sran'n m bali be bɔ be mlinnin'n be kunndɛlɛ ɔ nin be delɛ.»

JÉSUS-CHRIST I DYASIN FE'N BO LUC KLELI'N 2:49

Yɛ ɔ seli be kɛ: « ?Nguɛ ti yɛ an kunndɛ min-ɔn? ?An si-man kɛ min Si ninnge'm be mian ń sa-a?»

Jean 17:4

N yoli man a nyannin kɔmin asiɛ'n su wa, yɛ junman nga a mannin min kɛ n di'n, n wieli i di.

Jean 19:28

Kɛ ɔ yoli sɔ'n, Jésus sili kɛ ɔ'a wie like ng'ɔ bɛli i yolɛ'n i yo, sanngɛ kɛ ɔ yo nan Nyanmiɛn ndɛ nga be klɛli ɔ'a kpɛn su'n ti'n, ɔ seli kɛ: «Nzue we kun min .»

Jean 19:30

Kɛ Jésus tafili su'n, ɔ seli kɛ: «I kwlaa ɔ'a wie.» Kpɛkuun ɔ kɛnnin i ti ase, yɛ ɔ kali nun-ɔn.

Jean 4:32

Sanngɛ ɔ seli be kɛ: «N lɛ like diwa kun bɔ an si-mɛn i.»

Jean 5:30

«M bɔbɔ n kpɛ-man ń ti nun yo-man like fi, jɔlɛ i wafa nga Nyanmiɛn kle n kɛ n di su'n yɛ n di-ɔ. Ɔ man jɔlɛ nga n di'n ti nanwlɛ, afin nán m bɔbɔ n klun sa yɛ n ´klo kɛ n yo-ɔ, sanngɛ sran ng'ɔ sunmannin min'n i klun sa yɛ n yo-ɔ.

Jean 5:36

Lalofuɛ nga n lɛ i'n, i ndɛ b'ɔ kan'n ti dan tra ayɛ nga Zan yili min'n, afin like nga n Si kle n kɛ n yo'n, bɔ n yo be'n, ɔ kle kɛ n Si yɛ ɔ sunmannin min-ɔn.

Jean 6:33

Afin Nyanmiɛn i kpaun'n yɛlɛ m bɔ n fin nyanmiɛn su lɔ bɔ n yo man mɛnfuɛ'm be nyan nguan'n.»

Jean 6:38

afin n fin nyanmiɛn su lɔ bali, m'an ba-man m bɔbɔ n klun sa yolɛ, sanngɛ sran ng'ɔ sunmannin min'n, i klun sa yɛ n yo-ɔ.

Jean 8:29

Sran ng'ɔ sunmannin min'n, ɔ jin ń sin. Ɔ'a jao-man ń sin, afin n yo i klun sa cɛn kwlaa.»

Sa nga bé yôli'n 20:35

N yoli i sɔ n fa kleli amun nan amun kusu an di junman sɔ, nan an uka be bɔ be lɛ-man wunmiɛn'n. An `bu e Min Jésus bɔbɔ i ndɛ b'ɔ kannin'n i akunndan, afin ɔ seli kɛ: ‹Sɛ a cɛ sran like'n, ɔ ti kpa tra kɛ be cɛ wɔ like'n.› »

Hébreu 12:2

Man e kpɛ é nyin nian Jésus, e Nyanmiɛn sulafilɛ'n fin i, i yɛ man e ´lafi i su lele ´guɛ i ti nin i bo-ɔ. Kɛ ɔ bu i klun b'ɔ wa jɔ'n i akunndan'n, ɔ kplinnin su man be kunnin i waka'n su, ɔ'a bu-mɛn i nyin ase gualɛ'n i like fi, kɛ e ´se yɛ'n ɔ'a ko tran Nyanmiɛn i bia'n i fama su .