Sɛ ɔ ko wun i nyrun ko wie'n, i klun wa jɔ kpa i kasiɛn'n nun. Sɛ sran'm be si n sran kpa sɔ'n kɛ ɔ fata'n sa'n, ɔ wa yo man be nun kpanngban be ´yo kpa, yɛ ɔ ´fa bé wun sa'n.
Kɛ ɔ́ nuan ndɛ'n ko to min sa'n, n ka lɛ n sɔ nun. Ɔ ndɛ'n yo min fɛ, ɔ ndɛ sɔ'n ti man min klun jɔ. Afin Anannganman Nyanmiɛn, ɔ bɔ a sie mɛn wunmuan'n, ɔ dunman'n wo min su.
N yoli i sɔ n fa kleli amun nan amun kusu an di junman sɔ, nan an uka be bɔ be lɛ-man wunmiɛn'n. An `bu e Min Jésus bɔbɔ i ndɛ b'ɔ kannin'n i akunndan, afin ɔ seli kɛ: ‹Sɛ a cɛ sran like'n, ɔ ti kpa tra kɛ be cɛ wɔ like'n.› »
Sran ng'ɔ si fa sie'n, man ɔ tie ndɛ nga Nyanmiɛn Wawɛ'n kan kle asɔnun mun'n! Sran ng'ɔ kwla'n, n ´fa mani bɔ be wun-mɛn i'n m ´mɛn i. Yɛ n ´fa yɛbuɛ ufue kun bɔ be klɛli dunman uflɛ kun su'n m ´mɛn i. Sran fi si-man dunman sɔ'n, san sran nga be fa mɛn i'n yɛ ɔ si i-ɔ .› »