Jean 4:23 - NYANMIƐN NDƐ'N 1998

²³ Sanngɛ cɛn wie lele — cɛn sɔ'n ɔ'a ju bɔbɔ — be bɔ be koto e Si'n bo be mɛnmɛn i sakpa'n, be ´koto i bo be ´mɛnmɛn i be akunndan'n nun nanwlɛ nun, afin be nga be manman e Si'n sɔ'n, be sɔfuɛ mun yɛ ɔ kunndɛ be-ɔ.

Nyanmien nde Ufle

²³ Sannge tyen wié lélé — tyen so'n wa dyu bobo — bé bo bé kôtô é Si'n bô bé menmen sakpa'n, béh kôtôh i bô béh menmenh bé akunndan'n nun nanwle su, afin bé nga bé manman é Si'n so'n, bé sofue mun ye o kunnde béo.

Jean 4:23 ပူးပေါင်းရင်းမြစ်များ

1 Be Nyoliɛ 29:17

Min Nyanmiɛn, n si kɛ ɔ liɛ'n, a nian sran'm be anwlɛn'n nun, yɛ sa nga be yo i nanwlɛ nun'n yɛ a klo i-ɔ. Ninnge nga m mannin wɔ'n, n klun su yɛ n fa be m mannin-ɔn. Ɔ sran nga b'a yia wa'n kusu, n wun i kɛ like nga be mannin'n ti be klun su, i ti min klun jɔ klanman.

Jue Mun 147:11

Be nga be nyin yi Anannganman'n, bɔ be lafi i klun-ufue'n su'n, be yɛ bé wun yo i fɛ-ɔ.

Jue Mun 17:1

David i Nyanmiɛn srɛlɛ. I waan: Anannganman, min ndɛ'n yo fɛ, sie ɔ́ su tie. Tie kpanlɛ bɔ n kpan'n. Tie min srɛlɛ'n, afin nán gblɛ srɛlɛ-ɔ.

Jue Mun 32:2

Sran nga b'ɔ di-man ndrunmun'n, bɔ Anannganman bo-mɛn i fɔnlɛ'n su di-man jɔlɛ kun'n, i liɛ su ti ye!

Jue Mun 51:6

Ɔ kunngba yɛ n yoli wɔ sa nin-ɔn. N yoli sa nga a klo-mɛn i'n. Ɔ man kɛ a ´di min jɔlɛ'n, ndɛ nga a ´kan gua su'n, i kanwlɛ su-ɔ, yɛ n fɔ nga a ´bu, i buwlɛ su-ɔ .

Nyanndra Mun 15:8

Klunwifuɛ'm bé tɛ nga be yi man Anannganman'n ɔ yo i kain. Klun-ufuefuɛ'm be srɛlɛ liɛ nga be srɛ'n, ɔ ti .

Ngɔjue Fɛfɛ Kpa'n 2:14

A ti kɛ min auble sa. Auble'n wo yɛbuɛ buɛ'm be nun, ɔ fia ndroliɛ nga be seli pia'n be nun! ?A o nin? Mmo bɔ i nɛn'n yo fɛ, mmo bɔ i nyrun'n ti klanman kɛ likɛ. Man n ti ɔ nɛn'n, man n wun ɔ nyrun'n.

Ezai 10:20

I cɛn sɔ nun'n, Izraɛlfuɛ onga mun nin Zakɔb i osu'n nunfuɛ nga be kali lɛ'n, be wa yaci sran ng'ɔ kleli be yalɛ'n i su kisalɛ. Be wa fa bé wla'n ngba be ´guɛ i Anannganman b'ɔ ti Izraɛl Nyanmiɛn'n i su.

Ezai 29:13

Anannganman waan: «Sran nga be mantan min'n, be nuan ngbɛn yɛ be fa manman min-ɔn, be yo i bé nuan bui su ngbɛn, be anwlɛn'n ɔ nun-man min su. Yɛ bé nyin bɔ be waan ɔ yi min'n, ɔ ti kɛ like yɛ sran'm be kleli yɛ be nian su be yo sa.

Ezai 43:21

Min nvle nunfuɛ bɔ n yili be'n, be ´manman min.»

Ezai 58:2

Cɛn kwlaa be fa bé wun mantan min. Be waan be ´si min atin nga n fa be'n. Be ´yo sa-a ɔ waan sran wie bɔ be yo sa kpa nan be yi-man be Nyanmiɛn'n i mmla b'ɔ sie'n i ase sa. Be waan n `di be jɔlɛ'm be kpa, be waan n `tran be afiɛn.

Zeremi 3:10

Sanngɛ ɔ nin i sɔ'n ngba'n i niaan bla Zida b'ɔ kunndɛ bian min bo'n, ɔ'a sɛ-mɛn i sin mín wun nanwlɛ su, ɔ kpɛli min gblɛ .» Anannganman'n yɛ ɔ kan sɔ-ɔ.

Zeremi 4:2

Kɛ a ta nda se kɛ: ‹N kan Anannganman Nyanmiɛn.› Sɛ a tɛ i nanwlɛ su kpa weiin'n, nvle kun nga'm be ´fa min dunman'n yɛ be ´fa yra be wiengu nguan-an. Kpɛkuun be ´bo min dunman'n be ´sin.

Ezekiɛl 22:30

N kunndɛ sran kun b'ɔ ´kwla kplan talɛ kun sin yia mɛn'n, annzɛ b'ɔ ´kwla jran talɛ'n i buebue'n nun kpli mɛn'n i ti nan m'an saci-mɛn i. Sanngɛ n wun-man sran bɔ kun sa.

Jean 1:17

Moiz yɛ Nyanmiɛn man ɔ fa mmla'n mannin ye-ɔ, Jésus-Krist kusu yɛ ɔ fa ye yolɛ'n nin nanwlɛ'n bali-ɔ .

Jean 12:23

Jésus seli be kɛ: «M bɔ n kacili Sran'n, n sran wafa nga n ti'n i nglo yilɛ cɛn'n ɔ'a ju.

Jean 16:2

Be ´kan amun bo Nyanmiɛn ndɛ suanlɛ nin i srɛlɛ sua'm be nun, yɛ cɛn wie be nga be kun amun'n, be ´bu i kɛ Nyanmiɛn yɛ be su su i-ɔ.

Jean 16:32

Cɛn wie lele, cɛn sɔ'n ɔ'a ju bɔbɔ, amun kwlaa amun ´sanndi kɔ amun awlo, amun ´yaci n kunngba, sanngɛ ɔ su ka-man kunngba, afin min nin e Si'n yɛ e wo-ɔ.

Jean 4:21

Yɛ Jésus seli i kɛ: «Mmo, lafi n su, cɛn wie lele nán oka nga su wa nin Zerizalɛm yɛ amun ´koto e Si'n bo amun ´mɛnmɛn i-ɔ.

Jean 5:25

Nanwlɛ, cɛn wie lele'n, cɛn sɔ'n ɔ'a ju bɔbɔ, be nga be wuli'n be ´ti Nyanmiɛn i Wa'n i nɛn. Be nga be ko ti'n, be ´nyan nguan.

Jean 5:28

Nán man ndɛ sɔ'n bo amún nuan, afin cɛn wie lele be kwlaa nga be o ndia nun'n, be ´ti i nɛn,

Rɔmfuɛ Mun 1:9

Nyanmiɛn bɔ min akunndan'n kwlaa wo i sulɛ'n su'n, bɔ m bo i Wa'n i jasin fɛ'n, ɔ si kɛ n kan amun ndɛ kle i titi.

Rɔmfuɛ Mun 8:15

Afin Nyanmiɛn i Wawɛ'n b'ɔ fa mannin amun'n, i liɛ'n, ɔ fa-man amun kaci-man kanga, yɛ ɔ wla-man amun srɛ, sanngɛ ɔ fa amun kaci kɛ Nyanmiɛn klun ba sa. I sɔ'n ti'n, e kwla kpan flɛ Nyanmiɛn kɛ: «Baba!»

Rɔmfuɛ Mun 8:26

E lɛ-man fanngan, ɔ man Nyanmiɛn Wawɛ'n jran e sin ɔ uka ye, afin e si-man like nga e srɛ Nyanmiɛn kɛ ɔ fa man e b'ɔ ti i su'n. I Wawɛ'n bɔbɔ oto, ɔ jran é nuan ɔ srɛ i man ye.

Galasifuɛ Mun 4:6

Nyanmiɛn i mma mun bɔ an ti'n ti'n, ɔ sunmɛnnin i Wa'n i Wawɛ'n kɛ ɔ wa tran ye anwlɛn'n nun, ɔ kpan flɛ Nyanmiɛn kɛ: «Baba!»

Efɛzfuɛ Mun 6:18

Kɛ an ko yo i kwlaa sɔ'n, an `srɛ Nyanmiɛn kɛ ɔ jran amún sin. Sa'n kwlaa nun'n, amun nin Nyanmiɛn koko yalɛ i Wawɛ'n i fanngan nun tititi. An `niɛn i sɔ'n su yo i titi, nán an kpɔnzɔ. An `srɛ Nyanmiɛn kɛ ɔ niɛn i sran'm be kwlaa bé su.

Filipfuɛ Mun 3:3

E yɛ e wla klɛn kpa nin-ɔn, afin e su Nyanmiɛn i Wawɛ'n i fanngan nun, e fa Krist-Jésus di é nuan, e fa-man é wla gua-man e wafa nga e ti'n su.

Zozie 24:14

Zozie kan guali su kɛ: «I sɔ'n ti, amun `nyin yi Nyanmiɛn, amun `tu amún klun be su i. Nán amun kpɔci i mlɔnmlɔn. Amun `gua amuɛn nga amun nannan'm be sɔ be kɛ be o Efrat i bue kun lɔ'n annzɛ Ezipt lɔ'n be ase nan amun `su Anannganman.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

1 Samiɛl 12:24

Amun kusu amun nyin `yi Anannganman, amun nian nun be su i nanwlɛ su. An `bu sa dandan ng'ɔ yoli mannin amun'n be akunndan.