Jean 4:18 - NYANMIƐN NDƐ'N 1998

¹⁸ afin w'a ja bian nnun, yɛ nga a nin i o nun kɛ e ´se yɛ'n, ɔ ti-man ɔ́ wun. Ɔ man ndɛ nga a kan'n ti nanwlɛ.»

Nyanmien nde Ufle

¹⁸ afin w'a dya bian nnun, ye nga a nin i ô nun ke é sé ye'n, o ti'o o wun. O man nde nga a kan'n ti nanwle.

Jean 4:18 ပူးပေါင်းရင်းမြစ်များ

Bo Bolɛ 20:3

Kpɛkuun kɔnguɛ laliɛ nun Nyanmiɛn fiteli Abimelɛk nyrun. Nyanmiɛn seli i laliɛ sɔ'n nun kɛ: «Bla nga wɔ man be ko fɛli i lɛ'n ti, a wa wu, afin ɔ lɛ bian.»

Bo Bolɛ 34:2

Kpɛkuun Amɔr b'ɔ ti Evfuɛ'm be kpɛnngbɛn'n i wa Sisɛm ɔ'a wun i. Ɔ trɛli i, ɔ nin i be lali kekle nun.

Bo Bolɛ 34:31

Kpɛkuun be tɛli i su kɛ: «?Wuun tekle bla yɛlɛ e niaan bla'n yɛ man be yo i sɔ-ɔ?»

Zeremi 3:20

Sanngɛ kpɛkuun amun Izraɛlfuɛ mun, amu'an kpɛ min gblɛ kɛ bla kun kpɛ i wun gblɛ b'ɔ kunndɛ bian i bo'n sa.» Anannganman'n yɛ ɔ kan sɔ-ɔ.

Ezekiɛl 16:32

Ɔ liɛ'n, a ti kɛ bla b'ɔ lɛ bian b'ɔ nin bian uflɛ be la'n sa.

Ezekiɛl 16:35

Blɔdɛ bla, sie ɔ́ su tie ndɛ nga min Anannganman n kan'n.

Kalɛ 5:29

Kwla silɛ'n i su mmla liɛ'n yɛ ɔ o lɛ-ɔ. Ɔ ti bla kun b'ɔ kunndɛ bian i wun bo'n,

Marc 10:12

Yɛ bla ng'ɔ yrɛ i wun nan ɔ ja uflɛ'n, wuun ɔ'a kunndɛ bian i wun bo .»

Jean 4:16

Ɔ seli i kɛ: «Ko flɛ ɔ́ wun nan an bla.»

Jean 4:17

Bla'n seli i kɛ: «N lɛ-man bian.» Jésus seli i kɛ: «Kɛ a se kɛ a lɛ-man bian'n, ɔ ti nanwlɛ,

Jean 4:19

Bla'n seli i kɛ: «Nja, m'an wun kɛ a ti Nyanmiɛn nuan ijɔfuɛ.

Rɔmfuɛ Mun 7:3

I sɔ'n ti, kɛ i wun'n i nyin tɛ o su'n, sɛ ɔ kaci yasua uflɛ i yi'n, be ´flɛ i bla b'ɔ kunndɛ bian i wun bo, sanngɛ sɛ i wun'n ko wu'n, ɔ di-man mmla sɔ'n su kun, ɔ man sɛ ɔ ja bian uflɛ'n, ɔ ti-man kɛ ɔ'a kunndɛ bian i wun bo.

Hébreu 13:4

Man sran'm be kwlaa be bu aja'n i like dan, yɛ be bɔ b'a ja bé wun'n, nán man be yo sa sukusuku. Afin be nga be kunndɛ bla annzɛ bian'n, ɔ nin be nga be kunndɛ bla bé yi bo annzɛ bian bé wun bo'n mun'n, Nyanmiɛn nin be lɛ i.

Rit I Wun Ndɛ 4:10

Yɛ kusu m'an ja Maklɔn i yi Rit b'ɔ ti Moab bla'n kɛ ɔ ´yo nan Maklɔn ɔ'a nyan aja difuɛ nan i dunman'n ɔ'a nunnun-man i niaan ɔ nin i klɔfuɛ'm be afiɛn'n ti. I kusu n yoli sa sɔ'n amun nyrun .»