Jean 4:10 - NYANMIƐN NDƐ'N 1998

¹⁰ Jésus seli i kɛ: «Sɛ a si like nga Nyanmiɛn fa man sran mun'n, yɛ sɛ a si sran ng'ɔ se wɔ kɛ a mɛn i nzue lɛ'n, wuun ɔ bɔbɔ a ´srɛ i wie, yɛ ɔ ´man wɔ nzue b'ɔ sonji'n.»

Nyanmien nde Ufle

¹⁰ Jésus sé i ke: Se a si liké nga Nyanmien fa man swran mun'n, o nin swran ng'o sé o ke a men nzué'n, wuun o bobo ah sreh i wié ye oh manh o nzué b'o sôndyi.

Jean 4:10 ပူးပေါင်းရင်းမြစ်များ

Jue Mun 10:17

Anannganman, like nga nyrɛnnɛnfuɛ'm be kunndɛ'n, a si, a wla be fanngan, a sie ɔ́ su tie be ndɛ mun.

Ezipt Lɔ Tulɛ'n 17:6

Min kusu, n wa jran ɔ nyrun lɛ Orɛb oka'n i yɛbuɛ'n kun su. Fa kpɔnman fin yɛbuɛ sɔ'n, yɛ nzue wa fin nun fite, kpɛkuun be ´nɔn.» Moiz fali Nyanmiɛn i ndɛ ng'ɔ kannin'n su, kpɛnngbɛn'm be nyin ta nun.

Ngɔjue Fɛfɛ Kpa'n 4:15

A ti kɛ nzue b'ɔ o wunmiɛn delɛ lika wie nun b'ɔ fin like nun fite'n sa. A ti kɛ nzue ti kun bɔ i nzue'n sonji Liban lɔ'n sa .

Ezai 12:3

Kɛ amun ´ko sa nzue kan delɛ'n ɔ fin lɛ'n, amún wun ´blibli amun.

Ezai 35:6

Blɛ sɔ nun'n, cɛcɛwafuɛ'm be ´tu kpɛn kɛ flete mun sa. Yɛ aklunjuɛ'n ti bobofuɛ'm be ´kpan. Afin nzue wa nyrɛn aawlɛ flɛnnɛn'n nun, yɛ nzue ba'm be wa sonji mɛn kee'n nun .

Ezai 42:6

«Min Anannganman, n flɛli wɔ kɛ a wa yo sa b'ɔ ti i nuan su'n. N tra ɔ́ sa, n sasa wɔ, n yi wɔ kɛ a yo aenguɛ bɔ e nin sran mun e tra'n i nun aowa, n yi wɔ kɛ a yo mɛnmɛn'm be like b'ɔ kpaja be atin'n su'n.

Ezai 43:20

Blo nnɛn mun o, nsoso mun o, klɔnsoklo mun o, be ´manman min, afin n ´yo man nzue ´tran aawlɛ flɛnnɛn'n nun, yɛ nzue ba'm be ´sonji asiɛ kee'n nun nan min nvle'n nunfuɛ mun bɔ n kpali be'n be `nyan nzue be `nɔn.

Ezai 44:3

Afin n wa yo man nzue ´tran mɛn nga nzue we kun i nun sran mun'n i nun. Yɛ n wa yo man nzue ba'm be ´sonji asiɛ kee'n nun. N ´fa min wawɛ'n m ´man amun osu'n nunfuɛ mun, yɛ n ´yo amun mma'm be ye .

Ezai 49:10

Awe su kun-man be kun, nzue we su kun-man be kun, aunngban'n b'ɔ lo fiaan'n nin wia'n be su yo-man be like fi. Afin m bɔ n si be aunnvuɛ'n, n ´kle be atin, n ´fa be n ´sin nzue ti'm be su be ´nɔn nzue .

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Zeremi 2:13

Afin min nvle'n ɔ'a yo sa tɛtɛ nnyɔn, yɛlɛ kɛ min bɔ n ti kɛ nzue ti b'ɔ wie-man nun sa'n, be yaci min lɛ, kpɛkuun be ko kplan nzue guawlɛ b'ɔ tɛtɛli bɔ be gua nun nzue-ɔ, ɔ ´jran-man.› »

Ezekiɛl 16:35

Blɔdɛ bla, sie ɔ́ su tie ndɛ nga min Anannganman n kan'n.

Zakari 13:1

«I sɔ blɛ nun'n, nzue nyinma kun wa nyrɛn viaa ɔ salo David i osufuɛ mun nin Zerizalɛmfuɛ'm bé sa tɛ nga be yoli'n, ɔ nin bé wun fiɛn mun.»

Zakari 14:8

Blɛ sɔ nun'n, nzue nyinma kun ´tɛ Zerizalɛm, ɔ ´sonji. I bue ´kɔ jenvie ng'ɔ o wia afiliɛ lɔ lika'n nun, i bue kusu ´sonji kɔ jenvie kun ng'ɔ o wia atɔliɛ lɔ'n nun. Wawa nun o, munngun nun o, kɛ ɔ'a nyan sonjilɛ'n, yɛ ɔ'a nyɛn i-ɔ.

JÉSUS-CHRIST I DYASIN FE'N BO LUC KLELI'N 11:13

Sɛ amun bɔ an ti sran tɛ'n, an fa like kpa cɛ amun mma mun'n, wuun e Si b'ɔ o Nyanmiɛn su lɔ'n kusu, ɔ ´fɛ i Wawɛ'n man be nga be srɛ i'n kpɛ blu.»

Jean 16:3

Be ´yo amun sɔ yɛlɛ kɛ be si-man min nin e Si'n.

Jean 17:3

Kɛ be se kɛ be ´nyan anannganman nguan'n, i bo'n yɛlɛ kɛ be ´si wɔ bɔ ɔ kunngba cɛ yɛ a ti Nyanmiɛn'n nin Jésus-Krist bɔ a sunmɛnnin i'n.

Jean 3:16

Afin Nyanmiɛn kloli mɛn'n lele ɔ fɛ i Wa kunngba cɛ'n mannin nan sran kwlaa ng'ɔ lafi i su'n ɔ'a mlin-man, sanngɛ ɔ `nyan Anannganman nguan.

Jean 4:14

sanngɛ sran ng'ɔ nɔn nzue nga n fa mɛn i'n, ɔ ´kaci kɛ nzue ti sa i nun b'ɔ ´nyrɛn piaa lele ɔ man ɔ ´nyan Anannganman nguan.»

Jean 6:35

Jésus seli be kɛ: «M bɔbɔ n ti kpaun b'ɔ man nguan. Sran ng'ɔ ba ń sin'n, awe su kun-mɛn i le, yɛ sran ng'ɔ lafi n su'n, nzue we su kun-mɛn i kun.

Jean 6:51

M bɔbɔ n ti kpaun b'ɔ man nguan, n fin nyanmiɛn su lɔ yɛ m bali-ɔ. Sran ng'ɔ di kpaun sɔ'n wie'n, ɔ su wu-man mlɔnmlɔn, min nnɛn'n yɛ ɔ ti kpaun sɔ'n bɔ n ´fa man nin-ɔn. N ´fa man sɔ nan mɛnmɛnfuɛ'm be `nyan nguan.»

Sa nga bé yôli'n 9:11

Yɛ e Min'n seli i kɛ: «Jao kɔ atin bɔ be flɛ i Seiin'n su Zidas awlo lɔ, ko nian Sɔl b'ɔ fin Tars'n i osu. Ɔ nin Nyanmiɛn be su koko yalɛ.

Rɔmfuɛ Mun 8:32

Nyanmiɛn bɔ ɔ'a sie-mɛn i sa i Wa'n su'n, b'ɔ fɛ i mannin e kwlaa e ti'n, ɔ ´fa like'n kwlaa uka su man e i klun-ufue su.

1 Korɛntfuɛ Mun 1:30

Afin i yɛ man amun nin Krist-Jésus amu'an kaci sran wunmuan-an, yɛ Krist ti e kacili ngwlɛlɛfuɛ, ɔ buli ye sran kpa, e kacili i liɛ mlɔnmlɔn, yɛ ɔ kpɔli é ti.

1 Korɛntfuɛ Mun 10:4

yɛ nzue kunngba b'ɔ fin Nyanmiɛn sa nun'n yɛ be kwlaa be nɔnnin-ɔn, afin be kwlaa be nɔnnin nzue b'ɔ fin yɛbuɛ b'ɔ su be su'n i nun, yɛbuɛ sɔ'n yɛlɛ Krist .

2 Korɛntfuɛ Mun 9:15

Nyanmiɛn b'ɔ man e like dan b'ɔ lɛ-man wunsu'n, i kwla o!

Efɛzfuɛ Mun 2:8

Afin Nyanmiɛn i ye b'ɔ yoli amun'n ti ɔ man amu'an nyan amún ti i su bɔ an lafi'n ti. Amún ti nyanlɛ sɔ'n, ɔ fin-man amun bɔbɔ, Nyanmiɛn yɛ man an nyannin amún ti-ɔ.

Hébreu 6:4

Afin sɛ Nyanmiɛn man sran kun wun ase'n, b'ɔ wun nyanmiɛn su lɔ like b'ɔ be fa mɛn i'n i fɛ'n, bɔ Nyanmiɛn Wawɛ'n yo i liɛ wie'n,

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.

Sa nglô yile 21:6

Yɛ ɔ seli min kɛ: «Ɔ'a wie! N ti Alfa nin Omega, n ti sa'n kwlaa i bo bofuɛ, nin i bo guafuɛ. Sran nga nzue we kun i'n, n ´fa nzue ti bɔ i nun nzue'n man nguan'n i nun nzue'n mɛn i, ɔ su yi-man nun dein .

Sa nglô yile 22:17

Nyanmiɛn Wawɛ'n nin Atɔnvlɛ'n be se kɛ: «Bla!» Sran ng'ɔ ti sa sɔ'n, man ɔ se kɛ: «Bla!» Sran nga nzue we kun i'n, man ɔ bla, man sran ng'ɔ klo kɛ ɔ ´fa nzue ng'ɔ man nguan'n, ɔ fa, dein su fite-man nun !

Sa nglô yile 7:17

Afin Bua Gbanflɛn'n b'ɔ o bia'n i afiɛn lɛ'n, ɔ ´ta be, ɔ ´fa be kɔ nzue ti mun bɔ be man nguan'n bé nuan, yɛ Nyanmiɛn ´nunnun be nyinmuɛn'n kwlaa .»