Jean 3:34 - NYANMIƐN NDƐ'N 1998

³⁴ afin sran nga Nyanmiɛn sunmɛnnin i'n, Nyanmiɛn ndɛ'n yɛ ɔ kan-an i Wawɛ'n b'ɔ fa mɛn i b'ɔ niɛn-mɛn i sin'n ti .

Nyanmien nde Ufle

³⁴ afin swran nga Nyanmien sunmenniin'n, Nyanmien nde'n ye o kaan, i Wawe'n b'o fa men b'o nie'en i sin'n ti.

Jean 3:34 ပူးပေါင်းရင်းမြစ်များ

2 Famiɛn Mun 2:9

Kɛ be kpɛli Zurdɛn'n, Eli seli Elize kɛ: «Like nga a klo kɛ n yo man wɔ'n, kan ka nan Anannganman ɔ'a fa min nan m'an jaso ɔ́ wun wa.» Elize tɛli i su kɛ: «N klo kɛ n ´nyan Nyanmiɛn Wawɛ ng'ɔ wo ɔ su'n i sɔ kpɛ nnyɔn.»

Jue Mun 45:7

Ee Nyanmiɛn, ɔ famiɛn bia'n wo lɛ tititi. Sielɛ nga a sie sran mun'n, a sie be kpa.

Ezai 59:21

Anannganman kan gua su ekun kɛ: «Min Anannganman min liɛ'n, nda nga n ´ta be'n yɛ: Min Wawɛ'n ɔ ´tran be su, yɛ min ndɛ bɔ n fa wlali bé nuan'n, ɔ su jaso-man bé nuan nun, ɔ su jaso-man be mma'm bé nuan nun, ɔ su jaso-man be anunman'm bé nuan nun. Kɛ ɔ fin ndɛ'n, ɔ ´yo sɔ tititi .»

Saun Yolɛ 7:35

Nnɛn'n i wue nin i sɔwa fama nga be yili be mannin Anannganman, be ti Aarɔn nin i wa yasua mun be liɛ. Kɛ ɔ fin cɛn bɔ be fa be sieli i Nyanmiɛn nyrun jranfuɛ'n, ɔ ti be liɛ.

Kalɛ 11:25

Anannganman jrali sin wɛnsrɛn'n nun kpɛkuun ɔ nin Moiz be ijɔli. Nyanmiɛn fali Wawɛ ng'ɔ o Moiz i su'n wie mannin kpɛnngbɛn ableso sɔ mun. Kɛ Wawɛ'n jrali bé su'n yɛ be tɔli Nyanmiɛn i nuan ijɔlɛ'n su-ɔ. Sanngɛ i sɔ'n ɔ'a cɛ-man.

Matthieu 12:18

«Amun nian, n sran bɔ n fɛli i kɛ ɔ su min'n yɛ. Ɔ ti min anwlɛn su sran, i su yɛ m'an fa ń wla'n kwlaa m'an gua-a. N ´yo man n Wawɛ'n ´bɛ i wun, yɛ ɔ ´bo jɔlɛ dilɛ'n su kle nvle-nvle mun.

JÉSUS-CHRIST I DYASIN FE'N BO LUC KLELI'N 4:18

«E Min Nyanmiɛn i Wawɛ'n wo min su, yɛlɛ kɛ ɔ guali min su ngo kɛ m bo jasin fɛ'n kle yalɛfuɛ mun. Ɔ sunmannin n kɛ n kan kle be bɔ be trali be lomuɛn'm be kɛ be ´nyan bé ti, yɛ n kan kle anyansifuɛ'm be kɛ be ´wun ase, yɛ n `yo man mianfuɛ'm be nyan alaje,

Jean 1:16

E kwlaa e nyɛnnin i like kpakpa'n wie, ɔ yoli e ye nan ɔ'a yo e ye ekun.

Jean 15:26

Sran ng'ɔ wa uka amun'n ɔ ´ba, yɛlɛ Nyanmiɛn Wawɛ'n b'ɔ ti nanwlɛfuɛ b'ɔ fin e Si Nyanmiɛn wun lɔ'n. N ´fɛ blɛ amun e Si dunman nun. Kɛ ɔ ko ba'n, ɔ ´kan min ndɛ kle amun.

Jean 16:7

Sanngɛ i nanwlɛ yɛ n di kleli amun-ɔn, sɛ n kɔ'n, ɔ ti kpa, afin sɛ m'an ɔ-man-an, Sran ng'ɔ ´uka amun'n ɔ su ba-man, sanngɛ sɛ n kɔ'n, n yo man ɔ ´ba.

Jean 3:17

Afin Nyanmiɛn ɔ'a sunmɛn-mɛn i Wa'n mɛn'n nun kɛ ɔ wa di jɔlɛ, sanngɛ ɔ sunmɛnnin i kɛ ɔ bla nan mɛnfuɛ'm be ´nyan bé ti.

Jean 5:26

Kɛ nguan'n wo i Si sa nun'n, ɔ man nguan sɔ'n wo i Wa'n sa nun wie.

Jean 7:16

Jésus seli be kɛ: «N like nga n kle'n ɔ fin-man m bɔbɔ, ɔ fin sran ng'ɔ sunmannin min'n.

Jean 8:40

N kannin ndɛ nanwlɛ nga Nyanmiɛn kan kleli min'n n kleli amun, sanngɛ an klo kɛ amun ´kun min. Abraam a yo-man sa kɛ nga sa le.

Jean 8:47

Sran ng'ɔ ti Nyanmiɛn liɛ'n, ɔ tie ndɛ ng'ɔ kan'n. Kɛ bɔ an ti-mɛn i liɛ'n ti yɛ ndɛ ng'ɔ kan'n an ti-man nin-ɔn.»

Sa nga bé yôli'n 1:2

lele fa juli cɛn nga Nyanmiɛn mɛnnin i su fa ɔli Nyanmiɛn su lɔ'n. Jésus yoli man Nyanmiɛn Wawɛ'n dun mmua kleli be b'ɔ fali be b'ɔ sunmannin be'n, like ng'ɔ fata kɛ be yo'n, i sin nan ɔ'a wɔ.

Sa nga bé yôli'n 10:38

Nyanmiɛn fɛli i Wawɛ'n mannin Jésus b'ɔ fin Nazarɛt'n, ɔ tinnin i, ɔ kɔ lika kwlaa ɔ yo sran'm be kpa, ɔ yo be kwlaa bɔ asiɛ usu'm bé si Satan'n kle be yalɛ'n be juejue, afin Nyanmiɛn jin i sin.

Rɔmfuɛ Mun 8:2

Afin Nyanmiɛn Wawɛ'n kle sa uflɛ b'ɔ man be bɔ be nin Krist-Jésus b'a kaci sran wunmuan'n be ´nyan nguan. Ɔ man m'an nyan n ti sa tɛ'n nin wie'n bé sa nun.

Efɛzfuɛ Mun 3:8

Nyanmiɛn yoli m bɔ n ti i sran'm be kwlaa be nun kaan'n n ye, ɔ man n kan kleli be nga be ti-man Zuif'm be kɛ Krist i anyanbeun'n cɛnnin, be kwla kɛn-mɛn i bé nuan nun.

Kolɔsfuɛ Mun 1:19

Nyanmiɛn wun kɛ ɔ ti kpa kɛ i wafa kwlaa ng'ɔ ti'n, Krist kusu yo sɔ.

Kolɔsfuɛ Mun 2:9

Afin kɛ e wun Krist b'ɔ kacili sran'n, e wun wafa nga Nyanmiɛn ti'n i kwlaa.

Sa nglô yile 21:6

Yɛ ɔ seli min kɛ: «Ɔ'a wie! N ti Alfa nin Omega, n ti sa'n kwlaa i bo bofuɛ, nin i bo guafuɛ. Sran nga nzue we kun i'n, n ´fa nzue ti bɔ i nun nzue'n man nguan'n i nun nzue'n mɛn i, ɔ su yi-man nun dein .

Sa nglô yile 22:1

Ɔ kleli min nzue ba bɔ i nun nzue'n man nguan'n, ɔ ti nyannyannyan kɛ laglasi sa. Ɔ fin Nyanmiɛn nin Bua Gbanflɛn'n be bia'n nun yɛ ɔ fite-ɔ.