Jean 3:32 - NYANMIƐN NDƐ'N 1998

³² ɔ kan like ng'ɔ wunnin be b'ɔ tili'n be be ndɛ, sanngɛ sran fi fɛ-mɛn i ndɛ'n su.

Nyanmien nde Ufle

³² o kan liké ng'o wunniin b'o tili'n bé nde, sannge swran fi fe'e i nde'n su.

Jean 3:32 ပူးပေါင်းရင်းမြစ်များ

Ezai 50:2

?Kɛ m bali'n, ɔ yo sɛ ti yɛ m'an to-man sran fi-ɔ? ?Kɛ n flɛli amun'n, nguɛ ti yɛ sran fi ɔ'a tɛ-man mín su-ɔ? ?N sa'n ti tika nan se kɛ n kwla fa de-man amun? ?N lɛ-man wunmiɛn n kwla yo-man nan amun fite-man nun? Kɛ n kan ndɛ kle jenvie'n, kpɛkuun i nun nzue'n ɔ'a wie nun. Sɛ n kan ndɛ kle nzue ba mun'n, be wu kee. Yɛ nzue b'ɔ nun-man lɛ'n ti'n, jue'm be wu, yɛ be kplɔ.

Ezai 53:1

?Wan yɛ ɔ lafili sa nga be kan kleli ye'n su-ɔ? ?Wan yɛ Anannganman yili i wun nglo kleli i kɛ ɔ ti kpli-ɔ ?

Matthieu 7:8

Afin sran kwlaa ng'ɔ srɛ like'n, be mɛn i, sran ng'ɔ kunndɛ like'n, ɔ nyɛn i, yɛ sran ng'ɔ bobo anuan'n, be tike.

Jean 1:11

Ɔ bɛli i bɔbɔ nvle'n nun, b'a sɔ-mɛn i nun.

Jean 15:15

N flɛ-man amun n sran kun, afin kanga'n si-man like nga i min'n yo'n. Sa ti bɔ n flɛ amun n janvuɛ'n yɛlɛ kɛ like nga n suɛnnin n Si sa nun'n, n kleli amun i kwlaa.

Jean 18:37

Ɔ man Pilat usɛli i kɛ: «?Ɔ man a ti famiɛn?» Jésus tɛli i su kɛ: «Yɛ ɔ́ nuan o su lɛ-ɔ, n ti famiɛn. Nian sa ti bɔ be wu min'n, sa ti bɔ m bali mɛn'n nun'n yɛ: m bali kɛ n ´kan ndɛ ng'ɔ ti nanwlɛ'n kle sran mun. Sran kwlaa ng'ɔ si nanwlɛ'n, ɔ ti ndɛ nga n kan'n. »

Jean 3:11

Nanwlɛ, sa nga e si i'n nin nga e wunnin i'n, yɛ e kɛn i ndɛ kle amun-ɔn, sanngɛ an fa-man e ndɛ'n su.

Jean 3:26

Be ɔli Zan wun lɔ be ko seli i kɛ: «Baba, nian bian'n b'ɔ nin wɔ o Zurdɛn'n sin lɔ'n, bɔ a kɛnnin i ndɛ'n, ɔ su yo sran'm be batɛm, be kwlaa b'a wie i sin kɔ.»

Jean 3:33

Sran ng'ɔ fɛ i ndɛ'n su'n, ɔ si weiin kɛ Nyanmiɛn ti nanwlɛfuɛ,

Jean 5:20

Afin i Si'n klo i, yɛ ɔ kle i like nga i bɔbɔ yo'n i kwlaa. Ɔ wa kle i like ng'ɔ ´yo'n bɔ i dan ´tra nga nan ɔ `bo amún nuan.

Jean 8:26

Amún wun ndɛ kpanngban o lɛ bɔ n kwla kan n jran su bu amun fɔ. Sanngɛ sran ng'ɔ sunmannin min'n ti nanwlɛfuɛ ti ɔ man ndɛ ng'ɔ kan kleli min'n, i yɛ n kan-an.»