Jean 3:3 - NYANMIƐN NDƐ'N 1998

³ Jésus seli i kɛ: «Nanwlɛ, sran nga b'a wu-mɛn i ekun'n, ɔ su kwla yo-man mɛn nga Nyanmiɛn sie'n i nunfuɛ mlɔnmlɔn.»

Nyanmien nde Ufle

³ Jésus sé i ke: Nanwle, swran nga ba wu'e ékun'n, o su kwla yô'a men nga Nyanmien sié'n i nunfue mlonmlon.

Jean 3:3 ပူးပေါင်းရင်းမြစ်များ

Zeremi 5:21

‹Sran sinnglinfuɛ'm bɔ be wun-man sa wlɛ, bɔ be nyinma'n wo lɛ ngbɛn, be wun-man ase'n, be su'm be o lɛ ngbɛn, be ti-man sa'n, an `sie amun su .›

Ezekiɛl 36:26

M ´man amun anwlɛn uflɛ yɛ n ´wla amun nun akunndan uflɛ. N ´yi amun anwlɛn bɔ ɔ'a kete kɛ yɛbuɛ sa'n i blo, yɛ m ´man amun anwlɛn kun b'ɔ ti wɛtɛɛ.

Matthieu 16:17

Jésus seli i kɛ: «Simɔn, Zonas wa, ɔ liɛ su ti ye, afin nán sran yɛ ɔ yili sa sɔ'n nglo kleli wɔ-ɔ, sanngɛ min Si b'ɔ wo nyanmiɛn su lɔ nin-ɔn.

Matthieu 19:24

N ´kan kle amun ekun kɛ, nyɔnngɔnmɛn i dɔlua buɛ nun sinlɛ'n ti pɔpɔ tra kɛ anyanbeunfuɛ kun `fɛ i wun man Nyanmiɛn kɛ ɔ sie i'n.»

Matthieu 21:31

?Ba nnyɔn sɔ'n, onin yɛ ɔ yoli i si klun sa nin-ɔn?» Yɛ be waan: «Klikli nin-ɔn.» Yɛ Jésus seli be kɛ: «Nanwlɛ, gua bo sika defuɛ nin tekle mmla'm be ´dun mmua fa bé wun man Nyanmiɛn kɛ ɔ `sie be amun nyrun.

Matthieu 5:18

Afin nanwlɛ, n kan kle amun kɛ be su nunnun-man mmla'n i nun fluwa mma kaan kun annzɛ i nun ndɛ kaan kun lele san kɛ nglo'n nin asiɛ'n be nun-man lɛ kun'n. San i kwlaa sɔ'n ɔ ´kpɛn su.

Marc 10:14

Kɛ Jésus wunnin i sɔ'n, ɔ'a yo-mɛn i fɛ, nan ɔ'a se be kɛ: «An `yaci ba kanngan'm be nun man be bla n sin, nán an fuan be, afin be bɔ be yo bé wun kɛ ba kanngan nga mun sa'n, be yɛ Nyanmiɛn sie be-ɔ.

Marc 9:47

Sɛ ɔ nyinma'n man a yo sa tɛ'n, tu yi. Ɔ flunman kɛ a fa ɔ nyinma kun yo mɛn nga Nyanmiɛn sie'n i nunfuɛ tra kɛ a lɛ nyinma nnyɔn nan b'a to wɔ a yi nyrɛnnɛn lika'n nun'n,

Jean 1:13

Nyanmiɛn wa bɔ be ti'n, b'a wu-man be kɛ be fa wu ba'n sa, b'ɔ fin yasua nin bla bɔ be klo kɛ be ´nyan ba'n, sanngɛ Nyanmiɛn bɔbɔ yɛ ɔ wuli be-ɔ.

Jean 1:5

Yɛ i kpajalɛ'n kpaja lika'n b'ɔ ti aosin'n nun, aosin'n ɔ'a kwla nuɛn-mɛn i.

Jean 1:51

Nanwlɛ, an wa wun nyanmiɛn su lɔ kɛ ɔ ti tikewa, yɛ amun ´wun Nyanmiɛn i anz mun bɔ be fu be jra m bɔ n kacili Sran'n n su .»

Jean 12:40

«Nyanmiɛn kacili be anyansifuɛ, ɔ man be keteli. Ɔ yoli sɔ nan be nyinma a wun-man ase, nan b'a wun-man sa wlɛ, nan b'a sa-man bé sin min wun nan m'an yo-man be juejue.»

Jean 3:4

Nikodɛm kusu seli i kɛ: «?Sɛ sran kun yo kpɛnngbɛn'n ɔ ´yo sɛ yɛ be ´kwla wu i ekun-ɔn? ?Ɔ kwla sɛ i sin i nin klun nan b'a wu i ekun?»

2 Korɛntfuɛ Mun 4:4

Be liɛ'n, be lafi-man su yɛlɛ kɛ mɛn nga i min'n ɔ sacili be akunndan'n nan Krist b'ɔ fa Nyanmiɛn'n i wafa ng'ɔ ti'n i kwlaa i jasin fɛ'n, b'a wun-mɛn i wlɛ.

2 Korɛntfuɛ Mun 5:17

Sɛ sran kun nin Krist be kaci sran wunmuan'n, wuun Nyanmiɛn ɔ'a bo i uflɛ, i akunndan'n nin i nzuɛn laa'n ɔ'a wie, i akunndan'n nin i nzuɛn'n kwlaa a kaci.

Galasifuɛ Mun 6:15

Sɛ be wla klɛn o, sɛ b'a wla-man klɛn o, nɛ́n i li yɛ be nian-an, nga be nian'n yɛlɛ uflɛ bɔ Nyanmiɛn bo ye'n.

Efɛzfuɛ Mun 2:1

Laa amun fɔnlɛ'n nin amún sa tɛ yolɛ'n ti, Nyanmiɛn nyrun an ti kɛ amu'an wu sa

Mmla'n 29:4

Ɔ dunnin amun nyrun mmua aawlɛ flɛnnɛn'n nun, amun tralɛ'm b'a titi-man amún wun, amun ngbabua'm b'a kpɛkpɛ-man amun ja bo.

Tite 3:5

ɔ deli ye. Nán kɛ e yoli sa kpa wie ti yɛ ɔ deli ye-ɔ, sanngɛ i bɔbɔ yɛ ɔ sili ye aunnvuɛ sɔ-ɔ. Kɛ i Wawɛ'n wuli ye uflɛ, wunnzinlɛ bɔ i bɔbɔ Nyanmiɛn wunnzinnin ye'n ti, b'ɔ man e kacili sran uflɛ'n, yɛ ɔ deli ye-ɔ.

Jacques 3:17

Ngwlɛlɛ b'ɔ fin nyanmiɛn su'n, sɛ ɔ ti sran'n, wuun e ´se kɛ sa tɛ kaan sa nun-mɛn i wun. Ɔ klo-man ndɛnngan, ɔ ti wɛtɛfuɛ, be nin i kwla koko yalɛ, ɔ si aunnvuɛ dan, ɔ yo sa kpa, ɔ bu-man sran'n wie kpa tra-man wie, yɛ ɔ klo-man dunman.

1 Piɛr 1:3

E Min Jésus-Krist i Si Nyanmiɛn i kwla o! I aunnvuɛ silɛ dan'n ti, ɔ wuli ye ekun, ɔ man é wla o like bɔ e si weiin kpa kɛ ɔ o lɔ'n su Jésus-Krist i cɛnlɛ'n ti.

1 Jean 2:29

An si kɛ Krist ti sran kpa, i sɔ'n ti, sran kwlaa ng'ɔ yo sa ng'ɔ ti i nuan su'n, ɔ ti Nyanmiɛn wa.

1 Jean 3:9

Sran ng'ɔ ti Nyanmiɛn wa'n, ɔ ka-man sa tɛ yolɛ'n su, afin Nyanmiɛn i nzuɛn'n ɔ'a kɛ i nun, yɛ ɔ kwla yo-man sa tɛ, afin ɔ ti Nyanmiɛn wa.

1 Jean 5:1

Sran kwlaa ng'ɔ lafi su kɛ Jésus ti Krist'n, wuun ɔ ti Nyanmiɛn wa. Sran nga be klo i'n, be klo i nin i wa'n.

1 Jean 5:18

Sran kwlaa ng'ɔ ti Nyanmiɛn wa'n, e si kɛ ɔ ka-man sa tɛ yolɛ'n su, afin Nyanmiɛn Wa'n sɛsɛ i, ɔ man Klunwifuɛ'n kwla yo-mɛn i sa fi.

1 Jean 5:4

Mɛn'n nun ninnge kwlaa be ti kɛ e kpɔfuɛ sa, be kwlaa nga be ti Nyanmiɛn wa'n, be kwla ninnge sɔ mun. Nyanmiɛn su bɔ e lafi'n ti yɛ man e kwla mɛn'n nun ninnge sɔ'm be kwlaa bɔ be ti kɛ e kpɔfuɛ sa mun-ɔn.

Sa nglô yile 3:14

«Nian ndɛ nga n klo kɛ a klɛ ko man Laodise lɔ asɔnun'n i anz'n yɛ: ‹M bɔ be flɛ min Man-ɔ-yo-sɔ'n, bɔ n kan ndɛ nanwlɛ'n, bɔ be kwla fa bé wla gua n su'n, bɔ min yɛ Nyanmiɛn man n yili like'n kwlaa'n, n se kɛ yoo :