Jean 3:23 - NYANMIƐN NDƐ'N 1998

²³ Zan kusu yo sran'm be batɛm lika bɔ be flɛ i Enɔn b'ɔ mantan Salim lɔ'n nun, afin nzue'n sɔnnin lɛ. Sran'm be bɛ i wun lɛ kɛ ɔ yo be batɛm.

Nyanmien nde Ufle

²³ Jean kusu yô swran'm bé baptême lika bo bé fle i Énon b'o mantan Salim lo'n nun, afin nzué'n soon le. Swran'm bé be i wun le ke o yô bé baptême.

Jean 3:23 ပူးပေါင်းရင်းမြစ်များ

Bo Bolɛ 33:18

Kɛ Zakɔb fin Mezopotami i nglo lɔ ´ba'n, like fi ɔ'a yo-mɛn i yɛ ɔ juli Kanaan mɛn'n nun lɔ klɔ nga be flɛ i Sisɛm su-ɔ. Ɔ boli nanmue klɔ'n wun lɛ.

Zeremi 51:13

Nja b'ɔ tran nzue dan'n i nuan'n, nja bɔ i bo ninnge'n be di-man be yalɛ'n, ɔ liɛ ɔ'a wie andɛ .

Ezekiɛl 19:10

«Laa, amún nin ti kɛ vinyi waka bɔ be tɛli i nzue ba nuan'n sa. Ɔ suli mma kaka yɛ ɔ nyannin nnya kpanngban nzue b'ɔ nyɛn i ti .

Ezekiɛl 43:2

N wunnin Izraɛl Nyanmiɛn i nyrun nyannyan'n b'ɔ fin wia afiliɛ lɔ'n kɛ ɔ su ba. Kɛ ɔ ´ba'n, ɔ tɛ kɛ jenvie'n yɛ ɔ su bo sa, kɛ ɔ kpaja'n ti, asiɛ'n su kpajali wauun .

JÉSUS-CHRIST I DYASIN FE'N BO LUC KLELI'N 3:7

I sɔ'n ti, ɔ seli sran kpanngban bɔ be bɛli i wun lɛ kɛ ɔ ´yo be batɛm'n be kɛ: «?Ɔnda mma mun, wan yɛ ɔ seli amun kɛ Nyanmiɛn i ya'n ɔ wa jao nan an wanndi i nyrun-ɔn?

Jean 3:22

Kɛ ɔ yoli sɔ'n, Jésus nin i sɔnnzɔnfuɛ'm be ɔli Zide mɛn'n nun, be trannin lɔ, yɛ ɔ yoli sran'm be batɛm.

Jean 3:24

Kɛ ɔ ´yo sɔ'n, wuun be nian wla-man Zan bisua.

Sa nglô yile 1:15

i ja'm be ti kɛ aaba bɔ b'a wlɛ i sin nun b'a kpitɛ i wun'n sa, i nɛn'n ti kɛ nzue dan b'ɔ sonji kpuu'n sa .

Sa nglô yile 14:2

N tili like kun ngan nyanmiɛn su lɔ, ɔ tɛ kɛ nzue dandan bɔ be sonji kpuu'n sa. Ɔ tɛ kɛ nyanmiɛn b'ɔ kpla dan'n sa. Yɛ i ngan nga n tili'n, ɔ tɛ kɛ aluku bofuɛ mun bɔ be su bo be aluku'n sa.

Sa nglô yile 19:6

Yɛ n tili sran kpanngban wie'm be nɛn, be nɛn sɔ'n ɔ tɛ kɛ nzue dan b'ɔ sonji kpuu nin nyanmiɛn b'ɔ kpla dan'n sa. Be seli kɛ: «An `manman Nyanmiɛn! Afin Anannganman Nyanmiɛn b'ɔ kwla like kwlaa yo'n ɔ'a trɛn i bia'n su.

1 Samiɛl 9:4

Sail nin gbanflɛn'n be sinnin Efraim oka-oka lika'n nun, be sinnin Salisa nvle'n nun, b'a wun-man be. Kpɛkuun, be sinnin Salɔm nvle'n nun, b'a wun-man be. I sin be sinnin Bɛnzamɛn nvle'n nun, b'a wun-man be ekun.