Jean 3:16 - NYANMIƐN NDƐ'N 1998

¹⁶ Afin Nyanmiɛn kloli mɛn'n lele ɔ fɛ i Wa kunngba cɛ'n mannin nan sran kwlaa ng'ɔ lafi i su'n ɔ'a mlin-man, sanngɛ ɔ `nyan Anannganman nguan.

Nyanmien nde Ufle

¹⁶ Afin Nyanmien klôô men'n lélé o fe i Wa kunngba tye'n mannin nan swran kwlaa ng'o lafi i su'n, wa mlinman, sannge o nyan anannganman nguan.

Jean 3:16 ပူးပေါင်းရင်းမြစ်များ

Bo Bolɛ 22:12

Yɛ anz'n seli kɛ: «Nán ɔ́ sa'n kan ba'n, nán yo i sa fi, afin m'an wun kɛ ɔ́ nyin yi min sakpa. Kɛ n seli wɔ kɛ a fa ɔ́ wa ba kunngba cenje'n man min'n, w'a kaci-man ɔ́ nuan.»

Bo Bolɛ 22:2

Yɛ Nyanmiɛn'n seli i kɛ: «Ɔ wa Izaak b'ɔ ti ɔ́ wa kunngba'n bɔ a klo i kpa'n, fɛ i kɔ Moriza mɛn'n nun lɔ ko yi tɛ nga be yrɛ i nnɛn'n kɔlikɔli'n man min. N ´kle wɔ oka nga a ´yi tɛ sɔ'n su'n.»

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Matthieu 9:13

An `wɔ ko bu ndɛ ng'ɔ o yɛ'n i akunndan nan amun wun i wlɛ. Ndɛ sɔ'n yɛlɛ kɛ: ‹Afin n klo aunnvuɛ nga be si sran'n tra tɛ nga be yi be man min'n› afin m'an ba-man sran kpa'm be flɛlɛ, sanngɛ sa tɛtɛ yofuɛ mun yɛ m bali be flɛlɛ-ɔ .»

Marc 12:6

Ɔ man ɔ kɛ i wa yasua'n b'ɔ ti i anwlɛn su ba'n i kunngba cɛ. Ɔ sunmɛnnin i be wun lɔ ekun, ɔ seli kɛ: ‹Min wa'n liɛ'n, be wa bu i sran.›

JÉSUS-CHRIST I DYASIN FE'N BO LUC KLELI'N 2:14

«Man Nyanmiɛn manmanlɛ'n tɛ nyanmiɛn su lɔ, yɛ man sran bɔ Nyanmiɛn klun jɔ bé wun asiɛ'n su wa'n, bé wun jɔ be.»

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 1:18

Sran fi nian wun-man Nyanmiɛn le san i Wa kunngba'n b'ɔ nin i ti kun b'ɔ ti i anwlɛn su ba'n i yɛ man e sili i-ɔ .

Jean 1:29

Kɛ aliɛ cɛnnin'n, Zan wunnin kɛ Jésus su bɛ i wun lɛ nan ɔ'a se kɛ: «An `nian Nyanmiɛn Bua Gbanflɛn'n bɔ wa fɛ i wun yi mɛn'n i ti tɛ'n yɛ .»

Jean 10:28

M man be anannganman nguan, be su nunnun-man le, yɛ sran fi su de-man be ń sa nun.

Jean 3:15

nan sran kwlaa ng'ɔ lafi n su'n, ɔ `nyan Anannganman nguan.

Jean 3:18

Sran ng'ɔ lafi i su'n, be bu-mɛn i fɔ, sanngɛ sran nga ɔ'a lafi-mɛn i su'n, Nyanmiɛn a dun mmua bu i fɔ, afin ɔ'a lafi-man m bɔ n ti i Wa kunngba cɛ'n n su.

Jean 3:36

Sran ng'ɔ lafi i Wa'n su'n, ɔ lɛ Anannganman nguan, sanngɛ sran nga i nyin yi-mɛn'n, ɔ nyan-man nguan le, sanngɛ i wun ya o Nyanmiɛn klun .

Jean 6:40

An `nian, like nga n Si waan sran'm be nyɛn i'n yɛ: i waan sran kwlaa ng'ɔ wun i Wa'n b'ɔ lafi i su'n, ɔ ´nyan Anannganman nguan. Yɛ n ´cɛn i mɛn'n i awieliɛ.»

Rɔmfuɛ Mun 5:10

Afin sɛ laa bɔ e ti Nyanmiɛn i kpɔfuɛ'n b'ɔ fɛ i Wa'n siesieli ye afiɛn'n, siɛn'n bɔ e nin i ye afiɛn a sɛ'n, i Wa'n i nyin b'ɔ o su'n ti ɔ ´de é kpɛ blu.

Rɔmfuɛ Mun 5:8

Sanngɛ Nyanmiɛn kle ye kɛ ɔ klo e, afin kɛ e ti sa tɛ yofuɛ'n, e ti ɔ man Krist wuli.

Rɔmfuɛ Mun 8:32

Nyanmiɛn bɔ ɔ'a sie-mɛn i sa i Wa'n su'n, b'ɔ fɛ i mannin e kwlaa e ti'n, ɔ ´fa like'n kwlaa uka su man e i klun-ufue su.

Efɛzfuɛ Mun 2:4

Sanngɛ Nyanmiɛn ti aunnvuɛ sifuɛ dan, ɔ man kɛ e tɛ yo kɛ sran bɔ ɔ'a wu sa i nyrun'n, klolɛ b'ɔ fa klo ye'n ti, ɔ mannin e nin Krist e nguan. Ye bɔ Nyanmiɛn yoli amun'n ti'n, ɔ yoli man amu'an nyan amún ti.

2 Tɛsalonikfuɛ Mun 2:16

Man e Min Jésus-Krist bɔbɔ nin e Si Nyanmiɛn b'ɔ klo ye'n, bɔ ye b'ɔ yo ye'n ti ɔ gua ye anwlɛn su nzue tititi'n, b'ɔ man e like kpa bɔ e fa é wla gua su'n,

Tite 3:4

Sanngɛ kɛ e Defuɛ Nyanmiɛn yili i kpa yolɛ'n nin sran'm be klolɛ'n i nglo'n,

Hébreu 2:9

Sanngɛ e wun Jésus bɔ Nyanmiɛn yoli man anz'm be kpa trɛli i le nnyɔn kun'n. Nyanmiɛn i aklunye'n ti ɔ wuli sran'm be kwlaa be ti. Siɛn'n e wun i anyrunnyan dan b'ɔ lɛ i'n nin ayɛ bɔ be yi i'n nyrɛnnɛn wie'n b'ɔ wuli'n ti.

1 Jean 3:1

An `nian klolɛ nga e Si Nyanmiɛn fa klo ye-ɔ! Klolɛ dan sɔ'n ti yɛ be flɛ e i mma mun nin-ɔn. Yɛ e ti i mma mun sakpa. An `nian, sa nga ti yɛ mɛn'n nunfuɛ'm be si-man ye'n yɛlɛ kɛ be si-man Nyanmiɛn .

1 Jean 4:19

E liɛ'n, e klo Nyanmiɛn, afin ɔ dun mmua kloli ye.