Jean 3:12 - NYANMIƐN NDƐ'N 1998

¹² ?Kɛ bɔ n kan sa ng'ɔ yo asiɛ'n su wa'n be ndɛ kle amun bɔ an lafi-man su'n, sɛ n kan sa ng'ɔ yo nyanmiɛn su lɔ'n be ndɛ kle amun'n, ɔ ´yo sɛ yɛ amun ´lafi su-ɔ?

Nyanmien nde Ufle

¹² ?Ke bo n kan sa ng'o yô asie'n su wa'n bé nde klé amun bo an lafi'a su'n, se n kan sa ng'o yô nyanmien su lo'n bé nde klé amun'n, oh yôh se ye amunh lafih suo?

Jean 3:12 ပူးပေါင်းရင်းမြစ်များ

Jean 3:11

Nanwlɛ, sa nga e si i'n nin nga e wunnin i'n, yɛ e kɛn i ndɛ kle amun-ɔn, sanngɛ an fa-man e ndɛ'n su.

Jean 3:3

Jésus seli i kɛ: «Nanwlɛ, sran nga b'a wu-mɛn i ekun'n, ɔ su kwla yo-man mɛn nga Nyanmiɛn sie'n i nunfuɛ mlɔnmlɔn.»

Jean 3:5

Yɛ Jésus seli i kɛ: «Nanwlɛ, sɛ sran i awuliɛ'n fin-man nzue nin Nyanmiɛn Wawɛ'n, ɔ su kwla yo-man mɛn nga Nyanmiɛn sie'n i nunfuɛ .»

Jean 3:8

Aunngban'n fita kan ɔ klo'n, a ti i ngan, sanngɛ a si-mɛn i finwlɛ nin i kɔwlɛ. Sran kwlaa nga Nyanmiɛn Wawɛ'n wu i'n, kɛ ɔ ti sɔ-ɔ.

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

Hébreu 5:11

E lɛ sa sɔ'n i su ndɛ kpanngban bɔ e waan e ´kan-an, sanngɛ i bo tulɛ'n yo ya, afin amu'an yo sran bɔ amun wun-man sa wlɛ ndɛndɛ.

1 Jean 4:10

Klolɛ sɔ'n, nán e yɛ e kloli Nyanmiɛn-ɔn, i yɛ ɔ kloli ye-ɔ nan ɔ'a sunmɛn i Wa kunngba'n kɛ ɔ fɛ i wun yi é ti tɛ.