Jean 20:2 - NYANMIƐN NDƐ'N 1998

² Ɔ wanndi ko toli Simɔn Piɛr nin Jésus sɔnnzɔnfuɛ nga Jésus klo i kpa'n, yɛ ɔ seli be kɛ: «B'a yi e Min'n i fuɛn'n ndia'n nun, e si-man lika nga be fɛ i ɔli'n.»

Nyanmien nde Ufle

² O wanndi kô tôô Simon Pierre nin Jésus sonnzonfue nga Jésus klôé kpa'n, o sé bé ke: Ba yi é Min'n i fuen'n ndia'n nun, é si'a lika nga bé yilii'n.

Jean 20:2 ပူးပေါင်းရင်းမြစ်များ

Jean 13:23

Be nun kun bɔ Jésus klo i sa kpa'n, ɔ mɛntɛn i wun lɛ.

Jean 19:26

Kɛ Jésus wunnin i nin'n ɔ nin i sɔnnzɔnfuɛ ng'ɔ klo i kpa'n kɛ be jin lɛ'n, ɔ seli i nin kɛ: «Mmo, ɔ́ wa'n yɛ ɔ o lɛ-ɔ.»

Jean 20:13

Yɛ be usɛli i kɛ: «?Mmo, nguɛ ti yɛ a sun-ɔn?» Ɔ seli be kɛ: «B'a fa min Min'n i fuɛn'n, n si-man lika nga be yili i'n.»

Jean 20:15

Yɛ Jésus usɛli i kɛ: «?Mmo, nguɛ ti yɛ a sun-ɔn? ?A kunndɛ wan?» Ɔ buli kɛ fiefuɛ nin-ɔn nan ɔ'a se i kɛ: «Nja, sɛ wɔ yɛ a fali'n, kle min lika nga a ko yili i'n man n ko fa.»

Jean 20:9

Afin be nian wun-man Nyanmiɛn Ndɛ nga be klɛli i kɛ san Jésus ´cɛn'n i wlɛ .

Jean 21:20

Piɛr kpɛli i nyin nan ɔ'a wun Jésus i sɔnnzɔnfuɛ ng'ɔ klo i kpa'n bɔ kɛ be ´di like'n ɔ kisa Jésus wue nun'n, ɔ usɛli i kɛ: «?Nannan, wan yɛ ɔ ´fa wɔ man sran mun-ɔn?»

Jean 21:24

I sɔnnzɔnfuɛ kunngba sɔ'n yɛ ɔ kannin like sɔ'm be ndɛ yɛ ɔ klɛli be-ɔ. Ɔ man e si kɛ ndɛ ng'ɔ kannin'n ti nanwlɛ.

Jean 21:7

Yɛ sɔnnzɔnfuɛ nga Jésus klo i'n ɔ seli Piɛr kɛ: «E Min nin-ɔn!» Kɛ Simɔn Piɛr tili kɛ e Min'n, ɔ fɛ i tralɛ'n blɛblɛli i bo, afin i wun ti kplɛn, nan ɔ'a tɔ nzue'n nun.